ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਦੀ ਚਹੇਤੀ ਅਦਾਕਾਰਾ ਐਲੀ ਅਵਰਾਮ ਲਈ ਬੀਤੀ ਰਾਤ (ਸੋਮਵਾਰ) ਕਾਫੀ ਦਰਦਨਾਕ ਰਹੀ। ਅਸਲ 'ਚ ਉਹ ਆਪਣੀ ਬਾਲਕਨੀ 'ਚ ਬੈਠੀ ਹੋਈ ਸੀ ਅਤੇ ਅਚਾਨਕ ਬਾਲਕਨੀ ਦਾ ਦਰਵਾਜਾ ਲੌਕ ਹੋ ਗਿਆ।
ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਦਰਵਾਜਾ ਨਹੀਂ ਖੁੱਲ੍ਹ ਸਕਿਆ। ਇਸ ਦੌਰਾਨ ਉਨ੍ਹਾਂ 'ਤੇ ਮੱਛਰਾਂ ਨੇ ਹਮਲਾ ਕਰ ਦਿੱਤਾ ਅਤੇ ਕੱਟ-ਕੱਟ ਕੇ ਉਨ੍ਹਾਂ ਦਾ ਬੁਰਾ ਹਾਲ ਕਰ ਦਿੱਤਾ। ਐਲੀ ਨੇ ਦੱਸਿਆ ਕਿ ਮਦਦ ਲਈ ਉਨ੍ਹਾਂ ਨੇ ਆਪਣੀ ਮੇਡ ਨੂੰ ਕਰੀਬ 10 ਵਾਰ ਕਾਲ ਕੀਤੇ।
ਇੰਨੇ ਕਾਲ ਕਰਨ ਤੋਂ ਬਾਅਦ ਆਖਿਰਕਾਰ ਐਲੀ ਦੀ ਮੇਡ ਨੇ ਉਨ੍ਹਾਂ ਦਾ ਕਾਲ ਰਿਸੀਵ ਕੀਤਾ ਅਤੇ ਉਹ ਬਾਹਰ ਨਿਕਲ ਗਈ। ਬਾਲਕਨੀ ਦੀ ਲਾਈਟ ਵੀ ਬੰਦ ਸੀ, ਇਸ ਲਈ ਉਨ੍ਹਾਂ ਨੂੰ ਹਨੇਰੇ 'ਚ ਹੀ ਰਹਿਣਾ ਪਿਆ। ਮੇਡ ਨੂੰ ਇੰਨੇ ਸਾਰੇ ਕਾਲ ਕਰਨ ਤੋਂ ਬਾਅਦ ਉਨ੍ਹਾਂ ਦੀ ਫੋਨ ਦੀ ਬੈਟਰੀ ਵੀ ਲੋਅ ਹੋ ਗਈ ਸੀ।
ਜ਼ਿਕਰਯੋਗ ਹੈ ਕਿ ਐਲੀ ਅਵਰਾਮ ਸਵੀਡਨ ਦੀ ਹੈ। ਉਹ ਟੀ. ਵੀ. ਰਿਐਲਿਟੀ ਸ਼ੋਅ 'ਬਿੱਗ ਬੌਸ' 'ਚ ਦਿਖ ਚੁੱਕੀ ਹੈ। 2013 'ਚ ਉਹ ਇਸ ਦੀ ਮੁਕਾਬਲੇਬਾਜ਼ ਸੀ, ਜਦਕਿ 2014 ਅਤੇ 2015 'ਚ ਉਨ੍ਹਾਂ ਨੇ ਇੱਥੇ ਗੈਸਟ ਅਪੀਅਰੈਂਸ ਦਿੱਤਾ ਸੀ। ਐਲੀ ਨੇ 'ਮਿੱਕੀ ਵਾਇਰਸ' ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਸੀ।
ਇਸ ਤੋਂ ਬਾਅਦ ਉਹ 'ਕਿੱਸ ਕਿੱਸ ਕੋ ਪਿਆਰ ਕਰੂੰ', 'ਪੋਸਟਰ ਬੁਆਏਜ਼' ਅਤੇ 'ਨਾਮ ਸ਼ਬਾਨਾ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆ ਚੁੱਕੀ ਹੈ। ਜਲਦ ਹੀ ਐਲੀ ਤਾਮਿਲ ਅਤੇ ਕੰਨੜ ਫਿਲਮਾਂ 'ਚ ਵੀ ਨਜ਼ਰ ਆਵੇਗੀ।