ਮੁੰਬਈ(ਬਿਊਰੋ)— ਬਾਲੀਵੁੱਡ ਨੂੰ ਆਪਣੀਆਂ ਉਂਗਲੀਆਂ 'ਤੇ ਨਚਾਉਣ ਵਾਲੇ ਇਕ ਕੋਰੀਓਗਰਾਫਰ ਨੂੰ 'ਦਬੰਗ' ਸਲਮਾਨ ਨੇ ਅਜਿਹਾ ਗਿਆਨ ਪੜ੍ਹਾਇਆ ਕਿ ਉਹ ਉਨ੍ਹਾਂ ਦੇ ਕਾਇਲ ਹੋ ਗਏ। ਹਮੇਸ਼ਾ ਲੋਕਾਂ ਦੀ ਮਦਦ ਕਰਨ ਲਈ ਪਛਾਣੇ ਜਾਣ ਵਾਲੇ ਸਲਮਾਨ ਖਾਨ ਅੱਜਕਲ ਆਪਣੇ ਕੋਰੀਓਗਰਾਫਰ ਦੋਸਤ ਗਣੇਸ਼ ਆਚਾਰੀਆ ਦੀ ਵੀ ਮਦਦ ਕਰ ਰਹੇ ਹਨ। ਇਹ ਤਾਂ ਹਰ ਕੋਈ ਜਾਣਦਾ ਹੈ ਕਿ ਆਪਣੇ ਦੋਸਤ ਦੇ ਚਿਹਰੇ 'ਤੇ ਮੁਸਕਾਨ ਲਿਆਉਣ ਲਈ ਸਲਮਾਨ ਕੁਝ ਵੀ ਕਰ ਸਕਦੇ ਹਨ।
ਹਾਲ ਹੀ 'ਚ 'ਦਬੰਗ' ਤੇ 'ਬਾਡੀਗਾਰਡ' ਵਰਗੀਆਂ ਫਿਲਮਾਂ 'ਚ ਸਲਮਾਨ ਨੂੰ ਡਾਂਸ ਸਟੈੱਪ ਸਿਖਾਉਣ ਵਾਲੇ ਗਣੇਸ਼ ਆਚਾਰੀਆ ਇਕ ਰਿਐਲਿਟੀ ਸ਼ੋਅ ਨੂੰ ਜੱਜ ਕਰਦੇ ਹੋਏ ਦਿਖਾਈ ਦਿੱਤੇ ਸਨ। ਖਬਰਾਂ ਦੀ ਮੰਨੀਏ ਤਾਂ ਗਣੇਸ਼ ਇਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਸਲਮਾਨ ਖਾਨ ਨਾਲ ਮੌਰੀਸ਼ੀਅਸ ਪੁੱਜੇ ਹੋਏ ਸਨ। ਜਿੱਥੇ 'ਵਾਟਰ ਬੇਬੀ' ਨਾਂ ਨਾਲ ਪਛਾਣੇ ਜਾਣ ਵਾਲੇ ਸਲਮਾਨ ਖਾਨ ਨੇ ਉਨ੍ਹਾਂ ਨੂੰ ਸਵੀਮਿੰਗ ਕਰਨ ਲਈ ਕਿਹਾ ਪਰ ਗਣੇਸ਼ ਨੇ ਉਨ੍ਹਾਂ ਨੂੰ ਇਨਕਾਰ ਕਰ ਦਿੱਤਾ।
ਅਸਲ 'ਚ ਗਣੇਸ਼ ਨੂੰ 'ਵਾਟਰ ਫੋਬੀਆ' (ਤੈਰਾਕੀ ਕਰਨ ਤੋਂ ਡਰ ਜਾਂ ਡੁੱਬਣ ਦਾ ਖਤਰਾ) ਹੈ। ਹਾਲਾਂਕਿ ਸਲਮਾਨ ਦੇ ਕਹਿਣ 'ਤੇ ਗਣੇਸ਼ ਪਾਣੀ 'ਚ ਉਤਰਨ ਲਈ ਰਾਜ਼ੀ ਗੋ ਗਏ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਬਿਨਾਂ ਦੇਰੀ ਕੀਤੇ ਪਾਣੀ 'ਚ ਡੁੱਬਕੀ ਲਗਾ ਦਿੱਤੀ ਪਰ ਥੋੜ੍ਹੀ ਦੇਰ ਬਾਅਦ ਗਣੇਸ਼ ਨੂੰ ਜਦੋਂ ਅਸਹਿਜ ਮਹਿਸੂਸ ਹੋਇਆ ਤਾਂ ਸਲਮਾਨ ਖਾਨ ਉਨ੍ਹਾਂ ਨੂੰ ਬਚਾਉਣ ਲਈ ਤੁਰੰਤ ਪਹੁੰਚ ਗਏ।
ਬੇਹੱਦ ਮੁਸ਼ਕਿਲ ਨਾਲ ਸਲਮਾਨ ਗਣੇਸ਼ ਨੂੰ ਪੂਲ ਕਿਨਾਰੇ ਲੈ ਕੇ ਗਏ ਪਰ ਉਸ ਦਿਨ ਤੋਂ ਬਾਅਦ ਸਲਮਾਨ ਖਾਨ ਨੇ ਗਣੇਸ਼ ਨੂੰ ਤੈਰਾਕੀ ਸਿਖਾਉਣ ਦੀ ਜ਼ਿੰਮੇਦਾਰੀ ਲੈ ਲਈ। ਸੱਚੀ 'ਚ ਸਲਮਾਨ ਦੀ ਇਸੇ ਦੋਸਤੀ ਕਾਰਨ ਪੂਰਾ ਬਾਲੀਵੁੱਡ ਉਨ੍ਹਾਂ ਦਾ ਕਾਇਲ ਹੈ।