ਮੁੰਬਈ(ਬਿਊਰੋ)— ਹਾਲ ਹੀ 'ਚ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦੀ ਸ੍ਰੀਕੇਟ ਮੈਰਿਜ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਸੀ। ਹੁਣ ਇਕ ਟੀ. ਵੀ. ਸਟਾਰ ਨੇ ਵੀ ਚੁੱਪ-ਚਾਪ ਵਿਆਹ ਕਰ ਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਤਗੜਾ ਝਟਕਾ ਦੇ ਦਿੱਤਾ ਹੈ। ਇਸ ਐਕਟਰ ਦਾ ਨਾਂ ਗੌਰਵ ਚੋਪੜਾ। ਜੀ ਹਾਂ ਗੌਰਵ ਨੇ ਹਿਤਿਸ਼ਾ ਨਾਲ ਇਕ ਪ੍ਰਾਈਵੇਟ ਸੈਰੇਮਨੀ 'ਚ ਵਿਆਹ ਕਰ ਲਿਆ। ਵਿਆਹ 'ਚ ਗੌਰਵ ਤੇ ਹਿਤਿਸ਼ਾ ਦੇ ਪਰਿਵਾਰ ਵਾਲੇ ਤੇ ਕੁਝ ਖਾਸ ਦੋਸਤ ਹੀ ਮੌਜੂਦ ਸਨ। ਗੌਰਵ ਟੀ. ਵੀ. ਇੰਡਸਟਰੀ ਦੇ ਵੱਡੇ ਸਟਾਰ ਹਨ ਪਰ ਉਨ੍ਹਾਂ ਨੇ ਆਪਣੇ ਵਿਆਹ 'ਚ ਕਿਸੇ ਵੀ ਸੈਲੀਬ੍ਰੇਟੀ ਨੂੰ ਇਨਵਾਈਟ ਨਹੀਂ ਕੀਤਾ। ਲਾੜਾ-ਲਾੜੀ ਵਿਆਹ ਦੇ ਜੋੜੇ 'ਚ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ।
ਹਿਤਿਸ਼ਾ ਨੇ ਲਾਲ ਰੰਗ ਦਾ ਲਹਿੰਗਾ ਤੇ ਗੋਲਡ ਜਿਊਲਰੀ ਪਹਿਨੀ ਹੋਈ ਸੀ। ਉੱਥੇ ਗੌਰਵ ਵਾਈਟ ਕਲਰ ਦੀ ਸ਼ੇਰਵਾਨੀ ਨਾਲ ਮਰੂਨ ਰੰਗ ਦੀ ਸ਼ਾਲ 'ਚ ਨਜ਼ਰ ਆਏ। ਵਿਆਹ 'ਚ ਗੌਰਵ ਦੇ ਖਾਸ ਦੋਸਤੀ ਟੀ. ਵੀ. ਐਕਟਰ ਕਰਨ ਮਹਿਰਾ ਆਪਣੀ ਪਤਨੀ ਨਿਸ਼ਾ ਨਾਲ ਪਹੁੰਚੇ ਸਨ। ਟੀ. ਵੀ. ਇੰਡਸਟਰੀ ਲਈ ਗੌਰਵ ਦਾ ਵਿਆਹ ਕਾਫੀ ਸ਼ਾਕਿੰਗ ਰਿਹਾ। ਇਸ ਤੋਂ ਪਹਿਲਾਂ ਗੌਰਵ ਚੋਪੜਾ ਆਪਣੀ ਸਹਿ-ਅਦਾਕਾਰਾ ਮੌਨੀ ਰਾਏ ਨਾਲ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਚਰਚਾ 'ਚ ਆਏ ਸਨ। ਗੌਰਵ ਨੇ 'ਨਾਗਿਨ' ਅਦਾਕਾਰਾ ਨੂੰ ਉਸ ਸਮੇਂ ਡੇਟ ਕਰਨਾ ਸ਼ੁਰੂ ਕੀਤਾ ਸੀ ਜਦੋਂ ਨਾਰਾਇਣੀ ਸ਼ਾਸਤਰੀ ਨਾਲ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ ਸੀ।
ਗੌਰਵ ਤੇ ਮੌਨੀ ਨੇ ਟੀ. ਵੀ. ਸੀਰੀਅਲ 'ਪਤੀ-ਪਤਨੀ ਔਰ ਵੋ' 'ਚ ਇੱਕਠੇ ਕੰਮ ਕੀਤਾ ਸੀ। ਕੁਝ ਸਾਲਾਂ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਦੋਵੇਂ ਆਪਣੀ ਸਹਿਮਤੀ ਨਾਲ ਵੱਖ ਗਏ ਸਨ। ਟੀ. ਵੀ. ਸੀਰੀਅਲ ਤੋਂ ਇਲਾਵਾ ਗੌਰਵ ਨੇ ਤਮਿਲ ਫਿਲਮ Ottran 'ਚ ਵੀ ਕੰਮ ਕੀਤਾ ਹੈ। ਇਸ ਤੋਂ ਇਲਾਵਾ ਗੌਰਵ 'ਬਿੱਗ ਬੌਸ 10' 'ਚ ਮੁਕਾਬਲੇਬਾਜ਼ ਬਣ ਕੇ ਪਹੁੰਚੇ ਸਨ। ਇਸ 'ਚ ਉਨ੍ਹਾਂ ਨਾਲ ਮਨਵੀਰ ਗੁੱਜਰ, ਲੋਪਾਮੁਦਰਾ ਰਾਊਤ ਤੇ ਵੀਜੇ ਬਾਨੀ ਸੀ।