ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਜੇਨੇਲੀਆ ਡਸੂਜ਼ਾ ਅੱਜ ਆਪਣਾ 30ਵਾਂ ਜਨਮਦਿਨ ਮਨਾ ਰਹੀ ਹੈ। ਬਾਲੀਵੁੱਡ ਇੰਡਸਟਰੀ 'ਚ ਫਿਮਲ 'ਜਾਨੇ ਤੂੰ ਯਾ ਨਾ ਜਾਨੇ' 'ਚ ਆਦਿਤੀ ਦੇ ਕਿਰਦਾਰ 'ਚ ਜੇਨੇਲੀਆ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ।
ਫਿਲਮੀ ਕਰੀਅਰ
ਬਾਲੀਵੁੱਡ 'ਚ ਭਾਵੇ ਜੇਨੇਲੀਆ ਨੂੰ ਪਛਾਣ 2005 'ਚ ਆਈ ਫਿਲਮ 'ਜਾਨੇ ਤੂੰ ਯਾ ਨਾ ਜਾਨੇ' ਨਾਲ ਮਿਲੀ ਹੋਵੇ ਪਰ ਤਾਮਿਲ ਅਤੇ ਤੇਲਗੂ ਸਿਨੇਮਾ 'ਚ ਜੇਨੇਲੀਆ ਦਾ ਨਾਂ ਕਾਫੀ ਮਸ਼ਹੂਰ ਹੈ। ਹਿੰਦੀ ਫਿਲਮਾਂ ਤੋਂ ਪਹਿਲਾਂ ਜੇਨੇਲੀਆ ਨੇ ਆਪਣੇ ਪੈਰ ਉੱਥੇ ਜਮਾ ਲਏ ਸਨ।
ਜੇਨੇਲੀਆ ਦੀ ਪਹਿਲੀ ਤਾਮਿਲ ਫਿਲਮ 'ਬਵਾਏਜ਼' 2003 'ਚ ਆਈ ਸੀ। ਇਸ 'ਚ ਉਨ੍ਹਾਂ ਇਕ ਅਮੀਰ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ ਜਿਸ 'ਚ ਇਕ ਸਾਧਾਰਨ ਪਰਿਵਾਰ ਦੇ ਲੜਕੇ ਨਾਲ ਪਿਆਰ ਹੋ ਜਾਂਦਾ ਹੈ।
ਤੇਲਗੂ ਫਿਲਮ 'ਹੈਪੀ' ਤੋਂ ਬਾਅਦ ਜੇਨੇਲੀਆ ਦੇ ਫੈਨਜ਼ ਦੀ ਗਿਣਤੀ ਵੱਧ ਗਈ ਸੀ। ਇਸ ਫਿਲਮ 'ਚ ਜੇਨੇਲੀਆ ਨੇ ਹਸੀਨੀ ਰਾਓ ਦਾ ਕਿਰਦਾਰ ਨਿਭਾਇਆ ਸੀ।
ਵਿਆਹੁਤਾ ਜੀਵਣ
ਜੇਨੇਲੀਆ ਸਾਲ 2012 'ਚ ਬਾਲੀਵੁੱਡ ਅਭਿਨੇਤਾ ਰਿਤੇਸ਼ ਦੇਸ਼ਮੁਖ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਗਈ ਸੀ। ਇਨ੍ਹਾਂ ਦੋਵਾਂ ਦੇ ਦੋ ਬੇਟੇ ਵੀ ਹਨ।
ਕਰੀਬ 35 ਫਿਲਮਾਂ 'ਚ ਕੰਮ ਕਰ ਚੁੱਕੀ ਜੇਨਲੀਆ ਆਪਣੀ ਅਦਾਕਾਰੀ ਕਰਕੇ ਕਈ ਐਵਾਰਡਸ ਜਿੱਤ ਚੁੱਕੀ ਹੈ। 'ਜਾਨੇ ਤੂੰ ਯਾ ਜਾਨੇ ਨਾ' ਲਈ 'ਸਟਾਰ ਸਕ੍ਰੀਨ ਐਵਾਰਡਸ' ਵਲੋਂ ਜੇਨੇਲੀਆ 'ਬੈਸਟ ਅਭਿਨੇਤਰੀ' ਦਾ ਖਿਤਾਬ ਵੀ ਆਪਣੇ ਨਾਂ ਕਰ ਚੁੱਕੀ ਹੈ।
