ਮੁੰਬਈ (ਬਿਊਰੋ)— ਘਰ-ਘਰ 'ਚ 'ਗੋਪੀ ਬਹੂ' ਦੇ ਨਾਂ ਨਾਲ ਪ੍ਰਸਿੱਧ ਜਿਆ ਮਾਨੇਕ 32 ਸਾਲ ਦੀ ਹੋ ਚੁੱਕੀ ਹੈ। ਹਾਲਾਂਕਿ ਉਹ ਲੰਮੇ ਸਮੇਂ ਤੋਂ ਪਰਦੇ ਤੋਂ ਗਾਇਬ ਹੈ। ਅਪ੍ਰੈਲ, 2018 'ਚ ਇਕ ਲੀਡਿੰਗ ਮੀਡੀਆ ਹਾਊਸ ਨੇ ਦਾਅਵਾ ਕੀਤਾ ਸੀ ਕਿ ਉਹ ਮੁੜ 'ਸਾਥ ਨਿਭਾਨਾ ਸਾਥੀਆ' 'ਚ ਵਾਪਸੀ ਕਰ ਸਕਦੀ ਹੈ ਪਰ ਅਜਿਹਾ ਕੁਝ ਨਹੀਂ ਹੋਇਆ। ਖਬਰਾਂ ਦੀ ਮੰਨੀਏ ਤਾਂ ਅਜੇ ਉਨ੍ਹਾਂ ਕੋਲ ਕੋਈ ਕੰਮ ਨਹੀਂ ਹੈ। ਦੱਸਣਯੋਗ ਹੈ ਕਿ ਜਿਆ ਮੁੰਬਈ 'ਚ ਮਲਾੜ ਸਥਿਤ ਇਕ ਅਪਾਰਟਮੈਂਟ ਦੇ 16ਵੇਂ ਫਲੋਰ 'ਤੇ 2 ਬੀ. ਐੱਚ. ਕੇ. ਫਲੈਟ 'ਚ ਰਹਿੰਦੀ ਹੈ। ਰਿਪੋਰਟਸ ਮੁਤਾਬਕ ਜਿਆ ਨੇ ਆਪਣਾ ਇਹ ਡਰੀਮ ਹਾਊਸ 2013 'ਚ ਖਰੀਦਿਆ ਸੀ। ਇਕ ਇੰਟਰਵਿਊ 'ਚ ਉਸ ਨੇ ਕਿਹਾ ਸੀ, 'ਪਹਿਲਾਂ ਮੈਂ ਮੀਰਾ ਰੋਡ 'ਤੇ 1 ਬੀ. ਐੱਚ. ਕੇ. ਫਲੈਟ 'ਚ ਰਹਿੰਦੀ ਸੀ ਤੇ ਮੇਰੀ ਤਮੰਨਾ ਖੁਦ ਦਾ ਇਕ ਵੱਡਾ ਜਿਹਾ ਘਰ ਖਰੀਦਣ ਦੀ ਸੀ। ਆਖਿਰਕਾਰ ਇਹ ਇੱਛਾ ਪੂਰੀ ਹੋ ਗਈ।' ਜਿਆ ਨੇ ਇਸ ਦੌਰਾਨ ਇਹ ਵੀ ਦੱਸਿਆ ਸੀ ਕਿ ਦੋ ਬੈੱਡਰੂਮ 'ਚੋਂ ਇਕ ਉਨ੍ਹਾਂ ਲਈ ਤੇ ਦੂਜਾ ਮਾਪਿਆਂ ਲਈ ਰਿਜ਼ਰਵ ਹੈ। ਜਿਆ ਜਦੋਂ 'ਸਾਥ ਨਿਭਾਨਾ ਸਾਥੀਆ' 'ਚ ਗੋਪੀ ਬਹੂ ਦਾ ਰੋਲ ਕਰ ਰਹੀ ਸੀ, ਉਦੋਂ ਉਸ ਨੇ ਇਕ ਹੋਰ ਚੈਨਲ ਦੇ ਡਾਂਸਿੰਗ ਰਿਐਲਿਟੀ ਸ਼ੋਅ 'ਝਲਕ ਦਿਖਲਾ ਜਾ 5' 'ਚ ਹਿੱਸਾ ਲਿਆ। ਕਿਹਾ ਜਾਂਦਾ ਹੈ ਕਿ ਇਸ ਦੇ ਚਲਦਿਆਂ ਉਸ ਨੂੰ 'ਸਾਥ ਨਿਭਾਨਾ ਸਾਥੀਆ' 'ਚੋਂ ਕੱਢ ਦਿੱਤਾ ਗਿਆ। ਆਖਰੀ ਵਾਰ ਉਸ ਨੂੰ ਕਾਮੇਡੀ ਸੀਰੀਅਲ 'ਜੀਨੀ ਔਰ ਜੁਜੂ' 'ਚ ਅਲੀ ਅਸਗਰ ਨਾਲ ਦੇਖਿਆ ਗਿਆ ਸੀ ਪਰ ਇਸ ਸ਼ੋਅ ਤੋਂ ਵੀ ਛੇਤੀ ਹੀ ਉਹ ਬਾਹਰ ਹੋ ਗਈ। ਜਿਆ ਮਾਨੇਕ ਨੇ 'ਨਾ ਘਰ ਕੇ ਨਾ ਘਾਟ ਕੇ', 'ਸਾਥ ਨਿਭਾਨਾ ਸਾਥੀਆ', 'ਝਲਕ ਦਿਖਲਾ ਜਾ 5', 'ਬਾਲਿਕਾ ਵਧੂ', 'ਨਾ ਬੋਲੇ ਤੁਮ ਨਾ ਮੈਨੇ ਕੁਛ ਕਹਾ' ਤੇ 'ਬੜੀ ਦੂਰ ਸੇ ਆਏ ਹੈਂ' ਵਰਗੇ ਸੀਰੀਅਲ 'ਚ ਕੰਮ ਕੀਤਾ ਹੈ।