ਜਲੰਧਰ— ਪੰਜਾਬੀ ਗੱਬਰੂ ਗੁਰੂ ਰੰਧਾਵਾ ਆਪਣੇ ਸੁਪਰਹਿੱਟ ਗੀਤਾਂ ਕਰਕੇ ਹਮੇਸ਼ਾਂ ਹੀ ਸੁਰਖੀਆਂ ਵਿਚ ਰਹਿੰਦੇ ਹਨ। ਗੁਰੂ ਰੰਧਾਵਾ ਦਾ ਸੁਪਰਟ ਗੀਤ 'ਸੂਟ ਸੂਟ ਕਰਦਾ' ਬਲਕਿ ਬਾਸਟਰ ਬਾਲੀਵੁੱਡ ਫਿਲਮ 'ਹਿੰਦੀ ਮਾਧਿਅਮ' 'ਚ ਸ਼ਾਮਲ ਹੋਇਆ ਸੀ, ਜਿਸ ਵਿਚ ਇਰਫਾਨ ਖਾਨ ਅਤੇ ਸਬਾ ਕਮਾਰ ਵੀ ਸ਼ਾਮਲ ਸਨ। ਹਾਲ ਹੀ ਵਿਚ ਗੁਰੂ ਨੇ ਇਕ ਹੋਰ ਸਿੰਗਲ ਟਰੈਕ 'ਹਾਈ ਰੇਟਡ ਗੱਬਰੂ'”ਨੂੰ ਜਾਰੀ ਕੀਤਾ, ਜਿਸ ਨੇ ਲੋਕਾਂ ਨੂੰ ਪਾਗਲ ਬਣਾ ਦਿੱਤਾ। ਗੁਰੂ ਰੰਧਾਵਾ ਦੀ ਆਵਾਜ਼ ਇਕ ਹੋਰ ਬਾਲੀਵੁੱਡ ਫਿਲਮ ਵਿਚ ਸ਼ਾਮਲ ਹੋਈ ਹੈ, ਜਿਸ ਫਿਲਮ ਦਾ ਨਾਂ 'ਸਿਮਰਨ' ਹੈ।
ਬਾਲੀਵੁੱਡ ਅਭਿਨੇਤਰੀ ਕੰਗਣਾ ਰਣੌਤ ਇਸ ਫਿਲਮ ਦੇ ਲੀਡ ਰੋਲ ਵਿਚ ਹੈ। ਫਿਲਮ 'ਸਿਮਰਨ' ਵਿਚ ਇਕ ਵਿਆਹ ਵਾਲਾ ਮਾਹੌਲ ਚੱਲ ਰਿਹਾ ਹੁੰਦਾ ਹੈ, ਜਿਸ ਦੌਰਾਨ ਗੁਰੂ ਰੰਧਾਵਾ ਦਾ ਗੀਤ 'ਲੱਗਦੀ ਹੈ ਥਾਈ' ਸ਼ਾਮਲ ਹੁੰਦਾ ਹੈ। ਗੁਰੂ ਰੰਧਾਵ ਦੇ ਨਾਲ ਇਸ ਗੀਤ ਨੂੰ ਜੌਨਿਤਾ ਗਾਂਧੀ ਨੇ ਗਾਇਆ ਹੈ।
ਇਸ ਗੀਤ ਦਾ ਸੰਗੀਤ ਸਚਿਨ-ਜਿਗਰ ਨੇ ਤਿਆਰ ਕੀਤਾ ਹੈ ਅਤੇ ਗੀਤ ਨੂੰ ਲਿਖਿਆ ਵਾਯੂ ਹੈ। 'ਸਿਮਰਨ' ਫਿਲਮ ਦੇ ਇਸ ਗੀਤ ਨੂੰ ਟੀ-ਸਿਰੀਜ਼ ਦੁਆਰਾ ਪੇਸ਼ ਕੀਤਾ ਗਿਆ ਹੈ। ਫਿਲਮ 'ਸਿਮਰਨ' 15 ਸਤੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ।
ਕੰਗਣਾ ਰਣੌਤ ਤੋਂ ਇਲਾਵਾ ਇਸ ਫਿਲਮ ਵਿਚ ਮਾਰਕ ਜਸਟਿਸ , ਸੋਹਮ ਸ਼ਾਹ , ਏਸ਼ਾ ਤਿਵਾਰੀ ਪਾਂਡੇ , ਅਤੇ ਅਨੀਸ਼ਾ ਜੋਸ਼ੀ ਵੀ ਮੁੱਖ ਕਿਰਦਾਰ ਵਿਚ ਹਨ। ਸਿਮਰਨ ਇਕ ਆਗਾਮੀ ਭਾਰਤੀ ਬਾਲੀਵੁੱਡ ਡਰਾਮਾ ਫਿਲਮ ਹੈ, ਜਿਸ ਨੂੰ ਹੰਸਲ ਮਹਿਤਾ ਦੁਆਰਾ ਨਿਰਦੇਸ਼ਤ ਕੀਤਾ ਗਿਆ ਹੈ, ਜਿਸ ਵਿਚ ਮੁੱਖ ਭੂਮਿਕਾ ਵਿਚ ਕੰਗਣਾ ਰਣੌਤ ਦੀ ਭੂਮਿਕਾ ਹੈ।
ਦੱਸਣਯੋਗ ਹੈ ਕਿ ਇਹ ਤੀਸਰੀ ਵਾਰ ਹੋ ਰਿਹਾ ਹੈ ਕਿ ਪੰਜਾਬੀ ਗੱਬਰੂ ਗੁਰੂ ਰੰਧਾਵਾ ਦਾ ਗੀਤ ਬਾਲੀਵੁੱਡ ਵਿਚ ਸ਼ਾਮਿਲ ਹੋਇਆ ਹੈ। ਦੇਖਣਾ ਹੋਵੇਗਾ ਕਿ ਗੁਰੂ ਰੰਧਾਵਾ ਦੇ ਪਹਿਲੇ ਗੀਤਾਂ ਵਾਂਗ ਹਿੱਟ ਹੋ ਪਾਉਂਦਾ ਹੈ ਜਾਂ ਨਹੀ ਪਰ ਗੁਰੂ ਰੰਧਾਵਾ ਦੇ ਪ੍ਰਸੰਸ਼ਕਾਂ ਨੂੰ ਗੁਰੂ ਰੰਧਾਵਾ ਤੋਂ ਪੂਰੀਆਂ ਉਮੀਦਾਂ ਹਨ। ਬਹੁਤ ਜਲਦ ਗੁਰੂ ਪੰਜਾਬੀ ਫਿਲਮਾਂ ਵਿਚ ਬਤੌਰ ਅਦਾਕਾਰ ਵਜੋਂ ਵੀ ਨਜ਼ਰ ਆਉਣ ਜਾ ਰਹੇ ਹਨ।