ਮੁੰਬਈ(ਬਿਊਰੋ)— 'ਬਜਰੰਗੀ ਭਾਈਜਾਨ' 'ਚ ਮੁੰਨੀ ਦਾ ਕਿਰਦਾਰ ਲੋਕਾਂ ਦੇ ਦਿਲਾਂ 'ਚ ਅੱਜ ਵੀ ਜ਼ਿੰਦਾ ਹੈ। ਚਿਹਰੇ 'ਤੇ ਮਾਸੂਮੀਅਤ ਤੇ ਹੱਥ ਚੁੱਕ ਕੇ ਆਪਣੀ ਗੱਲ ਨੂੰ ਲੋਕਾਂ ਸਾਹਮਣੇ ਪੇਸ਼ ਕਰਨ ਵਾਲੀ ਛੋਟੀ ਜਿਹੀ ਬੱਚੀ ਹਰਸ਼ਾਲੀ ਮਲਹੋਤਰਾ ਅੱਜ ਆਪਣਾ 10ਵਾਂ ਜਨਮਦਿਨ ਮਨਾ ਰਹੀ ਹੈ। ਕਿਹਾ ਜਾਂਦਾ ਹੈ ਕਿ 'ਬਜਰੰਗੀ ਭਾਈਜਾਨ' ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਜਦੋਂ ਹਰਸ਼ਾਲੀ ਦੀ ਸਲਮਾਨ ਖਾਨ ਨਾਲ ਮੁਲਾਕਾਤ ਹੋਈ ਸੀ ਤਾਂ ਉਸ ਨੇ ਦਬੰਗ ਖਾਨ ਤੋਂ ਇਕ ਸਵਾਲ ਪੁੱਛਿਆ ਸੀ। ਹਰਸ਼ਾਲੀ ਨੇ ਸਲਮਾਨ ਖਾਨ ਤੋਂ ਪੁੱਛਿਆ ਕਿ, ''ਤੁਸੀਂ ਮੈਨੂੰ ਸੁਪਰਸਟਾਰ ਬਣਾ ਦਿਓਗੇ।'' ਉਸ ਸਮੇਂ ਸਲਮਾਨ ਖਾਨ ਨੂੰ ਲੱਗਾ ਸੀ ਕਿ ਹਰਸ਼ਾਲੀ ਦੇ ਮਾਤਾ-ਪਿਤਾ ਨੇ ਉਸ ਨੂੰ ਇਹੀ ਸਿਖਾਇਆ ਹੈ ਪਰ ਸਲਮਾਨ ਖਾਨ ਨੂੰ ਬਾਅਦ 'ਚ ਇਸ ਗੱਲ ਦਾ ਅਹਿਸਾਸ ਹੋਇਆ ਕਿ ਇਹ ਸ਼ਬਦ ਖੁਦ ਹਰਸ਼ਾਲੀ ਦੇ ਹੀ ਸਨ। 'ਬਜਰੰਗੀ ਬਾਈਜਾਨ' ਦੇ ਸੈੱਟ 'ਤੇ ਹਰਸ਼ਾਲੀ ਵਿਹਲੇ ਸਮੇਂ ਸਲਮਾਨ ਕਾਨ ਤੇ ਕਬੀਰ ਖਾਨ ਦੇ ਫੋਨ 'ਤੇ ਬਾਰਬੀ ਵਾਲੀ ਗੇਮ ਖੇਡਿਆ ਕਰਦੀ ਸੀ। ਉਥੇ ਹੀ ਸਲਮਾਨ ਨਾਲ ਟੇਬਲ ਟੈਨਿਸ ਵੀ ਖੇਡਦੀ ਸੀ। ਬੱਚਿਆ ਦਾ ਦਿਲ ਕਾਫੀ ਕੋਮਲ ਹੁੰਦਾ ਹੈ। ਕਿਹਾ ਜਾਂਦਾ ਹੈ ਕਿ 'ਬਜਰੰਗੀ ਬਾਈਜਾਨ' ਫਿਲਮ ਦੀ ਸ਼ੂਟਿੰਗ ਦੌਰਾਨ ਹਰਸ਼ਾਲੀ ਅਕਸਰ ਰੋਣ ਲੱਗ ਜਾਂਦੀ ਸੀ। ਅਜਿਹਾ ਉਦੋਂ ਹੁੰਦਾ ਸੀ ਜਦੋਂ ਉਹ ਸਲਮਾਨ ਖਾਨ ਨੂੰ ਫਾਈਟਿੰਗ ਸੀਨ ਜਾਂ ਇਮੋਸ਼ਨਲ ਸੀਨਜ਼ ਕਰਦੇ ਦੇਖਦੀ ਸੀ। ਇਕ ਇੰਟਰਵਿਊ ਦੌਰਾਨ ਹਰਸ਼ਾਲੀ ਦੀ ਮਾਂ ਨੇ ਕਿਹਾ ਸੀ ਕਿ, ''ਮੇਰੀ ਬੇਟੀ ਪਹਿਲਾਂ ਸਲਮਾਨ ਖਾਨ ਨਾਲ ਗੱਲ ਕਰਨ ਤੋਂ ਕਾਫੀ ਸ਼ਰਮਾਉਂਦੀ ਸੀ। ਕੁਝ ਸਮੇਂ ਬਾਅਦ ਉਹ ਸਲਮਾਨ ਖਾਨ ਘੁਲਮਿਲ ਗਈ ਸੀ।'' 'ਬਜਰੰਗੀ ਬਾਈਜਾਨ' ਫਿਲਮ ਨਾਲ ਹਰਸ਼ਾਲੀ ਕਈ ਟੀ. ਵੀ. ਸੀਰੀਅਲ 'ਚ ਕੰਮ ਕਰ ਚੁੱਕੀ ਹੈ। ਉਸ ਨੂੰ ਪਹਿਲੀ ਵਾਰ 'ਕੁਬੂਲ ਹੈ' ਸੀਰੀਅਲ 'ਚ ਦੇਖਿਆ ਗਿਆ ਸੀ। ਇਸ ਸੀਰੀਅਲ 'ਚ ਹਰਸ਼ਾਲੀ ਨੇ ਮੁੱਖ ਅਦਾਕਾਰਾ ਦੇ ਬਚਪਨ ਦੀ ਭੂਮਿਕਾ ਨਿਭਾਈ ਸੀ। ਕਿਹਾ ਜਾਂਦਾ ਹੈ ਕਿ 'ਬਜਰੰਗੀ ਬਾਈਜਾਨ' ਦੀ ਸ਼ੂਟਿੰਗ ਦੌਰਾਨ 'high-pitched ' ਆਵਾਜ਼ ਦੀ ਵਜ੍ਹਾ ਕਰਕੇ ਹਰਸ਼ਾਲੀ ਕਈ ਵਾਰ ਡਰ ਵੀ ਜਾਂਦੀ ਸੀ। ਅਜਿਹੇ 'ਚ ਕਬੀਰ ਤੇ ਸਲਮਾਨ ਖਾਨ ਇਸ ਗੱਲ ਦਾ ਧਿਆਨ ਰੱਖਦੇ ਸਨ ਕਿ ਉਸ ਦੌਰਾਨ ਹਰਸ਼ਾਲੀ ਕਿਸੇ ਨਾਲ ਗੱਲਾਂ ਕਰਨ 'ਚ ਰੁੱਝੀ ਰਹੇ। ਜਦੋਂ ਵੀ ਹਰਸ਼ਾਲੀ ਨੂੰ ਕੋਈ ਸੀਨ ਸਮਝ ਨਹੀਂ ਆਉਂਦਾ ਸੀ ਤਾਂ ਉਹ ਸਿੱਧੇ ਕਬੀਰ ਖਾਨ ਕੋਲ ਜਾਂਦੀ ਸੀ ਤੇ ਉਨ੍ਹਾਂ ਤੋਂ ਸੀਨ ਬਾਰੇ ਪੁੱਛਦੀ ਸੀ।