ਮੁੰਬਈ(ਬਿਊਰੋ)— ਟੀ. ਵੀ. ਦੀ ਦੁਨੀਆ ਦੀ ਚਰਚਿਤ ਅਦਾਕਾਰਾ ਹਿਨਾ ਖਾਨ ਲੱਖਾਂ ਕਰੋੜਾਂ ਦਿਲਾਂ 'ਚ ਆਪਣੀ ਖਾਸ ਜਗ੍ਹਾ ਬਣਾ ਚੁੱਕੀ ਹੈ। ਟੀ. ਵੀ. ਦੇ ਵਿਵਾਦਿਤ ਸ਼ੋਅ 'ਬਿੱਗ ਬੌਸ 11' ਤੋਂ ਬਾਅਦ ਹਿਨਾ ਖਾਨ ਲਗਾਤਾਰ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ।
ਇਸ ਸ਼ੋਅ ਦੌਰਾਨ ਹਿਨਾ ਆਪਣੇ ਫੈਸ਼ਨ ਸੈਂਸ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹੀ, ਇਥੋਂ ਤੱਕ ਕੀ ਲੋਕਾਂ ਨੇ ਉਸ ਨੂੰ ਫੈਸ਼ਨ ਕੁਈਨ ਦੇ ਨਾਂ ਨਾਲ ਵੀ ਬੁਲਾਉਣ ਲੱਗ ਗਏ ਸਨ।
'ਬਿੱਗ ਬੌਸ 11' ਦੇ ਘਰ 'ਚੋਂ ਬਾਹਰ ਨਿਕਲਣ ਤੋਂ ਬਾਅਦ ਹਿਨਾ ਨੇ ਮੀਡੀਆ ਨਾਲ ਗੱਲ ਕਰਦੇ ਹੋਏ ਕਿਹਾ ਸੀ ਕਿ, ''ਮੈਂ ਪਹਿਲਾਂ ਤੋਂ ਹੀ ਸੋਚਿਆ ਸੀ ਕਿ 'ਬਿੱਗ ਬੌਸ 11' 'ਚ ਕੱਪੜੇ ਰਿਪੀਟ (ਦੁਬਾਰਾ ਉਹੀ ਕੱਪੜੇ) ਨਹੀਂ ਕਰਾਂਗੀ। ਮੈਨੂੰ ਨਹੀਂ ਪਤਾ ਕਿ ਮੇਰੇ ਦਿਮਾਂਗ 'ਚ ਇਹ ਕਿਵੇਂ ਆਇਆ ਪਰ ਇਹ ਮੇਰੇ ਕੰਮ ਆ ਗਿਆ।''
ਦੱਸਣਯੋਗ ਹੈ ਕਿ ਹਾਲ ਹੀ 'ਚ ਹਿਨਾ ਖਾਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕੁਝ ਹੌਟ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜੋ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਹਿਨਾ ਇਨ੍ਹਾਂ ਤਸਵੀਰਾਂ 'ਚ ਕਾਫੀ ਸ਼ਾਨਦਾਰ ਤੇ ਗਲੈਮਰ ਲੱਗ ਰਹੀ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਹਿਨਾ ਨੇ ਕੈਪਸ਼ਨ 'ਚ ਲਿਖਿਆ, ''ਡ੍ਰੀਮ, ਸਪਾਰਕਲ, ਸ਼ਾਈਨ।''