ਮੁੰਬਈ(ਬਿਊਰੋ)— 'ਬਿੱਗ ਬੌਸ 11' ਦੀ ਮੁਕਾਬਲੇਬਾਜ਼ ਹਿਨਾ ਖਾਨ ਕਿਸੇ ਨਾ ਕਿਸੇ ਮੁੱਦੇ ਨੂੰ ਲੈ ਕੇ ਸੁਰਖੀਆਂ 'ਚ ਛਾਈ ਰਹਿੰਦੀ ਹੈ। ਕੁਝ ਦਿਨ ਪਹਿਲਾਂ ਹੀ ਹਿਨਾ ਖਾਨ ਆਪਣੇ 'ਬਿੱਗ ਬੌਸ' ਬੈਸਟੀ ਲਵ ਤਿਆਗੀ ਨਾਲ ਸਮਾਂ ਬਤੀਤ ਕਰਦੀ ਨਜ਼ਰ ਆਈ ਸੀ। ਇਸ ਤੋਂ ਬਾਅਦ ਟੀ. ਵੀ. ਅਦਾਕਾਰਾ ਇਕ ਇਵੈਂਟ 'ਚ ਪਹੁੰਚੀ। 'ਯੇ ਰਿਸ਼ਤਾ ਕਿਆ ਕਹਿਲਤਾ ਹੈ' ਅਦਾਕਾਰਾ ਨੇ ਇਸ ਇਵੈਂਟ ਦੌਰਾਨ ਗ੍ਰੀਨ ਲਾਈਟ ਰੰਗ ਦੇ ਲਹਿੰਗੇ 'ਚ ਨਜ਼ਰ ਆਈ। ਹਿਨਾ ਖਾਨ ਦੇ ਇਸ ਲੁੱਕ ਨੂੰ ਫੈਨਜ਼ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਦੀਆਂ ਕੁਝ ਤਸਵੀਰਾਂ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਹਿਨਾ ਖਾਨ ਨੇ ਆਲੀਆ ਭੱਟ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਰਾਜ਼ੀ' ਦਾ 'ਦਿਲਬਰੋ' ਗੀਤ ਗਾਇਆ ਹੈ। ਪ੍ਰਸ਼ੰਸਕ ਹਿਨਾ ਖਾਨ ਦੇ ਗਾਏ ਹੋਏ ਵਰਜਨ ਨੂੰ ਬੇਹੱਦ ਪਸੰਦ ਕਰ ਰਹੇ ਹਨ ਅਤੇ ਇਸ ਵੀਡੀਓ ਨੂੰ ਹੁਣ ਤੱਕ ਲੱਖਾਂ ਦਰਸ਼ਕ ਦੇਖ ਚੁੱਕੇ ਹਨ। ਹਿਨਾ ਖਾਨ ਦੀ ਇਹ ਵੀਡੀਓ ਟਵਿਟਰ, ਯੂਟਿਊਬ, ਇੰਸਟਾਗਰਾਮ ਤੋਂ ਇਲਾਵਾ ਕਈ ਸੋਸ਼ਲ ਮੀਡੀਆ ਪਲੈਟਫਾਰਮ 'ਤੇ ਪਸੰਦ ਕੀਤਾ ਜਾ ਰਿਹਾ ਹੈ। ਹਿਨਾ ਖਾਨ ਨੇ ਖੁਦ ਆਪਣੀ ਇਸ ਵੀਡੀਓ ਨੂੰ ਇੰਸਟਾਗਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ 'ਚ ਹਿਨਾ ਖਾਨ ਦੀ ਆਵਾਜ਼ ਦੀਆਂ ਤਾਰੀਫਾਂ ਨਾਲ ਕੁਮੈਂਟ ਬਾਕਸ ਭਰ ਗਿਆ ਹੈ। ਇੰਸਟਾ 'ਤੇ ਸ਼ੇਅਰ ਕੀਤੀ ਗਈ ਇਸ ਵੀਡੀਓ ਦੇ ਕੈਪਸ਼ਨ 'ਚ ਹਿਨਾ ਖਾਨ ਨੇ ਮੇਘਣਾ ਗੁਲਜ਼ਾਰ ਅਤੇ ਸ਼ੰਕਰ ਅਹਿਸਾਨ ਲਾਏ ਦਾ ਸ਼ੁਕਰੀਆ ਅਦਾ ਕੀਤਾ ਹੈ।