ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਐਕਟਰ ਰਿਤਿਕ ਰੌਸ਼ਨ ਦੇ ਫਿੱਟ ਸਰੀਰ 'ਤੇ ਲੱਖਾਂ ਲੋਕ ਮਾਰਦੇ ਹਨ ਪਰ ਫਿੱਟਨੈੱਸ ਦੇ ਮਾਮਲੇ 'ਚ ਰਿਤਿਕ ਆਪਣੀ ਮਾਂ ਪਿੰਕੀ ਰੋਸ਼ਨ ਨੂੰ ਆਪਣੀ ਪ੍ਰੇਰਣਾ ਮੰਨਦੇ ਹਨ। ਰਿਤਿਕ ਰੌਸ਼ਨ ਨੇ ਇੰਸਟਾਗ੍ਰਾਨ ਅਕਾਊਂਟ 'ਤੇ ਆਪਣੇ ਮਾਂ ਦਾ ਵਰਕਆਊਟ ਵੀਡੀਓ ਸ਼ੇਅਰ ਕੀਤਾ ਹੈ।
ਰਿਤਿਕ ਰੌਸ਼ਨ ਨੇ ਇਸ ਵੀਡੀਓ ਦੇ ਕੈਪਸ਼ਨ 'ਚ ਲਿਖਿਆ, ''ਮੈਨੂੰ ਨਹੀਂ ਪਤਾ ਇਸ ਨੂੰ ਪ੍ਰੇਰਣਾ ਦੇ ਤੌਰ 'ਤੇ ਲਿਆ ਜਾਵੇ ਜਾਂ ਮੁਕਾਬਲੇ ਵਜੋਂ। ਤੁਹਾਡੇ 'ਤੇ ਮੈਨੂੰ ਬਹੁਤ ਮਾਣ ਹੈ। ਲਵ ਯੂ ਤੇ ਮੰਮੀ ਹੋਣ ਲਈ ਧੰਨਵਾਦ।''
ਫਿਲਮਾਂ ਦੀ ਗੱਲ ਕਰੀਏ ਤਾਂ ਫਿਲਹਾਲ 'ਸੁਪਰ 30' ਦੀ ਸ਼ੂਟਿੰਗ ਕਰ ਰਹੇ ਹਨ। ਫਰਵਰੀ 'ਚ ਉਸ ਦੀ ਸ਼ੂਟਿੰਗ ਲੋਕੇਸ਼ਨ ਤੋਂ ਕੁਝ ਤਸਵੀਰਾਂ ਵੀ ਲੀਕ ਹੋ ਗਈਆਂ ਸਨ। ਫਿਲਮ ਦੀ ਕਹਾਣੀ ਬਿਹਾਰ ਦੇ ਰਹਿਣ ਵਾਲੇ ਆਨੰਦ ਕੁਮਾਰ 'ਤੇ ਆਧਾਰਿਤ ਹੈ, ਜੋ ਹਰ ਸਾਲ ਅਜਿਹੇ 30 ਬੱਚਿਆਂ ਨੂੰ ਆਈ. ਆਈ. ਟੀ. ਦੀ ਮੁਫਤ ਟਰੇਨਿੰਗ ਦਿੰਦੇ ਹਨ, ਜੋ ਗਰੀਬ ਤੇ ਪਿਛੜੇ ਹਨ। ਉਸ ਦੀ ਕੋਚਿੰਗ ਦੇ ਲਗਭਗ ਸਾਰੇ ਸਟੂਡੈਂਟ ਆਈ. ਆਈ. ਟੀ. 'ਚ ਸਿਲੈਕਟ ਹੁੰਦੇ ਹਨ।
ਫਿਲਮ ਵਿਕਾਸ ਬਹਿਲ ਦੇ ਨਿਰਦੇਸ਼ਨ 'ਚ ਬਣ ਰਹੀ ਹੈ ਤੇ ਇਸੇ ਫੈਂਟਸ ਤੇ ਰਿਲਾਇੰਸ ਐਂਟਰਟੇਨਮੈਂਟ ਪ੍ਰੋਡਿਊਸ ਕਰ ਰਹੇ ਹਨ। ਇਹ ਫਿਲਮ 23 ਨਵੰਬਰ 2018 ਨੂੰ ਰਿਲੀਜ਼ ਹੋਵੇਗੀ।