ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਰਿਤਿਕ ਰੋਸ਼ਨ ਅੱਜ 44 ਸਾਲ ਦੋ ਹੋ ਚੁੱਕੇ ਹਨ। 10 ਜਨਵਰੀ 1974 ਨੂੰ ਮੁੰਬਈ 'ਚ ਜਨਮੇ ਰਿਤਿਕ ਰੋਸ਼ਨ ਐਕਟਿੰਗ, ਨਿਜੀ ਜ਼ਿੰਦਗੀ ਤੇ ਲਗਜ਼ਰੀ ਲਾਈਫ ਸਟਾਈਲ ਲਈ ਜਾਣੇ ਜਾਂਦੇ ਹਨ।
2 ਸਾਲ ਪਹਿਲਾਂ ਇਕ ਮਸ਼ਹੂਰ ਮੈਗਜ਼ੀਨ ਨੂੰ ਰਿਤਿਕ ਨੇ ਆਪਣੇ ਇਸ ਖੂਬਸੂਰਤ ਅਪਾਰਟਮੈਂਟ ਦੀ ਝਲਕ ਦਿਖਾਈ ਸੀ। ਪਿਤਾ ਰਾਕੇਸ਼ ਰੋਸ਼ਨ ਦਾ ਘਰ ਛੱਡਣ ਤੋਂ ਬਾਅਦ ਰਿਤਿਕ ਹੁਣ ਜੁਹੂ ਸਥਿਤ ਇਸ ਸੀ-ਫੇਸਿੰਗ ਅਪਾਰਟਮੈਂਟ 'ਚ ਇੱਕਲੇ ਰਹਿੰਦੇ ਹਨ।
ਉਨ੍ਹਾਂ ਦੇ ਦੋਹਾਂ ਬੱਚੇ ਰਿਹਾਨ ਤੇ ਰਿਦਾਨ ਅਕਸਰ ਇੱਥੇ ਵਿਜ਼ਿਟ ਕਰਦੇ ਹਨ। ਅਕਸ਼ੈ ਕੁਮਾਰ ਦੇ ਰਿਤਿਕ ਰੋਸ਼ਨ ਗੁਆਂਢੀ ਹਨ। ਜੁਹੂ ਸਥਿਤ ਸੀ-ਫੇਸਿੰਗ ਪ੍ਰਾਈਮ ਬੀਚ ਬਿਲਡਿੰਗ 'ਚ ਇਨ੍ਹਾਂ ਦੋਹਾਂ ਸਟਾਰਜ਼ ਦਾ ਆਸ਼ੀਆਨਾ ਹੈ।
ਅਕਸ਼ੈ ਇਸ ਇਮਾਰਤ 'ਚ ਪਿਛਲੇ ਕੁਝ ਸਾਲਾਂ ਤੋਂ ਰਹਿ ਰਹੇ ਹਨ। ਇਸ ਬਿਲਡਿੰਗ ਦੇ ਚਾਰ ਫਲੈਟ ਅਕਸ਼ੈ ਦੇ ਹਨ। ਜਦਕਿ ਰਿਤਿਕ 2015 'ਚ ਤੀਜੀ ਮੰਜ਼ਿਲ 'ਤੇ ਸ਼ਿਫਟ ਹੋਏ ਹਨ।
ਦੋਹਾਂ ਨੇ ਕਦੇ ਕੋਈ ਫਿਲਮ ਨਾਲ ਨਹੀਂ ਕੀਤੀ ਪਰ ਦੋਹਾਂ ਵਿਚਕਾਰ ਕਾਫੀ ਚੰਗੇ ਰਿਸ਼ਤੇ ਹਨ। ਪ੍ਰੋਡਿਊਸਰ ਸਾਜਿਦ ਨਾਡਿਆਡਵਾਲਾ ਵੀ ਇਸ ਬਿਲਡਿੰਗ 'ਚ ਹੀ ਰਹਿੰਦੇ ਹਨ।
ਰਿਤਿਕ ਦਾ ਲੈਵਿਸ਼ ਅਪਾਰਟਮੈਂਟ ਜੁਹੂ ਸਥਿਤ ਪ੍ਰਾਈਮ ਬੀਚ ਬਿਲਡਿੰਗ ਦੀ ਤੀਜੀ ਮੰਜ਼ਿਲ 'ਤੇ ਹੈ, ਜਿਸ ਨੂੰ ਆਰਕੀਟੈਕਟ ਆਸ਼ੀਸ਼ ਸ਼ਾਹ ਨੇ ਡਿਜ਼ਾਈਨ ਕੀਤਾ ਹੈ।
ਇਕ ਇੰਟਰਵਿਊ 'ਚ ਸ਼ਾਹ ਨੇ ਦੱਸਿਆ ਸੀ ਕਿ ਕੈਟਰੀਨਾ ਕੈਫ ਦੇ ਘਰ ਦੇ ਡਿਜ਼ਾਈਂਸ ਨੂੰ ਪਸੰਦ ਕਰਨ ਤੋਂ ਬਾਅਦ ਹੀ ਰਿਤਿਕ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਸੀ।