ਨਿਊਯਾਰਕ— ਪਿਛਲੇ ਹਫਤੇ ਨਿਊਯਾਰਕ 'ਚ ਆਈਫਾ ਐਵਾਰਡ ਸ਼ੋਅ ਦਾ ਆਯੋਜਨ ਕੀਤਾ ਗਿਆ, ਜਿਸ 'ਚ ਬਾਲੀਵੁੱਡ ਦੇ ਵੱਡੇ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਐਵਾਰਡ ਸ਼ੋਅ ਦੀਆਂ ਤਸਵੀਰਾਂ ਵੀ ਅਸੀਂ ਤੁਹਾਨੂੰ ਕਾਫੀ ਦਿਖਾਈਆਂ ਹਨ। ਇਸ ਐਵਾਰਡ ਸ਼ੋਅ 'ਚ ਸ਼ਿਰਕਤ ਕਰਨ ਅਭਿਨੇਤਾ ਸ਼ਾਹਿਦ ਕਪੂਰ ਆਪਣੀ ਪਤਨੀ ਮੀਰਾ ਰਾਜਪੂਤ ਨਾਲ ਪਹੁੰਚੇ ਸਨ। ਇਨ੍ਹਾਂ ਦੋਵਾਂ ਦੀਆਂ ਕੁਝ ਬਹੁਤ ਹੀ ਦਿਲਚਸਪ ਤਸਵੀਰਾਂ ਦੇਖਣ ਨੂੰ ਮਿਲੀਆਂ ਹਨ। ਅਸਲ 'ਚ ਇਸ ਸ਼ੋਅ 'ਚ ਗਰੀਨ ਕਾਰਪੇਟ 'ਤੇ ਐਂਟਰੀ ਸਮੇਂ ਜਦੋਂ ਮੀਰਾ ਪਹੁੰਚੀ ਤਾਂ ਗੱਡੀ ਤੋਂ ਉਤਰਨ ਸਮੇਂ ਉਹ ਆਪਣਾ ਗਾਊਨ ਸੰਭਾਲ ਨਹੀਂ ਸਕੀ। ਇਕ ਚੰਗੇ ਪਤੀ ਵਾਂਗ ਇਥੇ ਸ਼ਾਹਿਦ ਨੇ ਮੀਰਾ ਦੇ ਗਾਊਨ ਨੂੰ ਕੁਝ ਇਸ ਤਰ੍ਹਾਂ ਸੰਭਾਲਿਆ। ਉਥੇ ਮੌਜੂਦ ਕੁਝ ਫੈਨਜ਼ ਨੇ ਇਸ ਦੀਆਂ ਤਸਵੀਰਾਂ ਕਲਿਕ ਕਰਕੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀਆਂ ਹਨ। ਸ਼ਾਹਿਦ ਕਪੂਰ ਨੂੰ ਇਥੇ ਫਿਲਮ 'ਉੜਤਾ ਪੰਜਾਬ' ਲਈ ਬੈਸਟ ਐਕਟਰ ਦਾ ਐਵਾਰਡ ਵੀ ਮਿਲਿਆ। ਐਵਾਰਡ ਲੈ ਕੇ ਜਦੋਂ ਸ਼ਾਹਿਦ ਸਟੇਜ 'ਤੇ ਉਤਰੇ ਤਾਂ ਮੀਰਾ ਉਸ ਨੂੰ ਗਲੇ ਲਗਾ ਕੇ ਵਧਾਈ ਦਿੰਦੀ ਵੀ ਦਿਖੀ। ਸ਼ਾਹਿਦ ਨੇ ਐਵਾਰਡ ਜਿੱਤਣ ਤੋਂ ਬਾਅਦ ਇਹ ਤਸਵੀਰ ਇੰਸਟਾ 'ਤੇ ਪੋਸਟ ਕੀਤੀ ਤੇ ਲਿਖਿਆ, 'My strength. Always lucky for me.'