ਲਾਸ ਏਂਜਲਸ—ਭਾਰਤੀ ਅਦਾਕਾਰ ਇਰਫਾਨ ਖਾਨ ਦੀ ਫਿਲਮ 'ਨੋ ਬੈੱਡ ਆਫ ਰੋਜ਼ੇਜ਼' ਉੱਤੇ ਬੰਗਲਾਦੇਸ਼ ਵਿਚ ਰੋਕ ਲਗਾ ਦਿੱਤੀ ਗਈ ਹੈ। ਫਿਲਮ ਦਾ ਨਿਰਮਾਣ ਬੰਗਲਾਦੇਸ਼ੀ ਫਿਲਮਕਾਰ ਮੁਸਤਫਾ ਸਰਵਰ ਫਾਰੂਖੀ ਅਤੇ ਇਰਫਾਨ ਨੇ ਮਿਲ ਕੇ ਕੀਤਾ ਹੈ। ਬੰਗਲਾਦੇਸ਼ੀ ਅਤੇ ਭਾਰਤੀ ਮੀਡੀਆ ਵਿਚ ਇਸ ਤਰ੍ਹਾਂ ਦੀਆਂ ਅਟਕਲਾਂ ਹਨ ਕਿ ਇਹ ਫਿਲਮ ਸਵ. ਬੰਗਲਾਦੇਸ਼ੀ ਲੇਖਕ ਅਤੇ ਫਿਲਮਕਾਰ ਹਿਮਾਂਯੂ ਅਹਿਮਦ ਦੇ ਜੀਵਨ 'ਤੇ ਆਧਾਰਿਤ ਹੈ, ਜਿਨ੍ਹਾਂ ਨੇ 27 ਸਾਲ ਪੁਰਾਣਾ ਵਿਆਹ ਤੋੜ ਕੇ ਆਪਣੇ ਤੋਂ 33 ਸਾਲ ਛੋਟੀ ਅਦਾਕਾਰਾ ਨਾਲ ਵਿਆਹ ਕਰਵਾਇਆ ਸੀ। ਫਾਰੂਖੀ ਨੇ ਨਾਂਹ ਕੀਤੀ ਕਿ ਇਹ ਫਿਲਮ ਅਹਿਮਦ ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੈ।