ਮੁੰਬਈ(ਬਿਊਰੋ)— ਸਲਮਾਨ ਖਾਨ ਨਾਲ ਫਿਲਮ 'ਟਾਈਗਰ ਜ਼ਿੰਦਾ ਹੈ' ਕਰਨ ਤੋਂ ਬਾਅਦ ਕੈਟਰੀਨਾ ਕੈਫ ਦੀ ਕਿਸਮਤ ਇਕ ਵਾਰ ਫਿਰ ਚਮਕ ਗਈ ਹੈ। 300 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋਣ ਵਾਲੀ ਇਹ ਕੈਟਰੀਨਾ ਦੀ ਪਹਿਲੀ ਫਿਲਮ ਬਣ ਗਈ ਹੈ। ਕੈਟਰੀਨਾ ਦੀਆਂ ਪਿਛਲੀਆਂ ਫਿਲਮਾਂ ਫਲਾਪ ਰਹੀਆਂ, ਜਿਸ ਨਾਲ ਉਨ੍ਹਾਂ ਦੇ ਕਰੀਅਰ ਦਾ ਗਰਾਫ ਹੇਠਾਂ ਜਾਣ ਲੱਗਾ ਸੀ ਪਰ ਸਲਮਾਨ ਦਾ ਹੱਥ ਲੱਗਦੇ ਹੀ ਬਾਲੀਵੁੱਡ 'ਚ ਉਨ੍ਹਾਂ ਦੀ ਡਿਮਾਂਡ ਵੱਧ ਗਈ।
ਕੈਟਰੀਨਾ ਨੂੰ ਸਫਲਤਾ ਦੀ ਪੌੜੀ ਚੜ੍ਹਾਉਣ ਤੋਂ ਬਾਅਦ ਹੁਣ ਸਲਮਾਨ ਦੀ ਨਜ਼ਰ ਉਨ੍ਹਾਂ ਦੀ ਭੈਣ ਇਜ਼ਾਬੇਲ 'ਤੇ ਹੈ। ਖ਼ਬਰਾਂ ਦੀ ਮੰਨੀਏ ਤਾਂ ਸਲਮਾਨ ਜਲਦ ਹੀ ਇਜ਼ਾਬੇਲ ਨੂੰ ਬਾਲੀਵੁੱਡ 'ਚ ਲਾਂਚ ਕਰ ਸਕਦੇ ਹਨ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਇਜ਼ਾਬੇਲ ਦੇ ਬਾਲੀਵੁੱਡ ਡੈਬਿਊ ਦੀਆਂ ਖਬਰਾਂ ਆ ਚੁੱਕੀਆਂ ਹਨ। ਹੁਣ ਖਬਰ ਇਹ ਹੈ ਕਿ ਸਲਮਾਨ ਸੂਰਜ ਪੰਚੋਲੀ ਨਾਲ ਇਜ਼ਾਬੇਲ ਨੂੰ ਲਾਂਚ ਕਰਨ ਦਾ ਮਨ ਬਣਾ ਰਹੇ ਹਨ। ਇਨ੍ਹਾਂ ਦੋਹਾਂ ਕਲਾਕਾਰਾਂ ਨੂੰ ਸਲਮਾਨ ਖੁਦ ਤੈਆਰ ਕਰ ਰਹੇ ਹਨ।
ਸੱਲੂ ਨੇ ਭੂਸ਼ਨ ਕੁਮਾਰ ਤੋਂ ਸੂਰਜ ਤੇ ਇਜ਼ਾਬੇਲ ਦੀ ਫਿਲਮ ਪ੍ਰੋਡਿਊਸ ਕਰਨ ਨੂੰ ਕਿਹਾ ਹੈ। ਭੂਸ਼ਨ ਨੇ ਵੀ ਸਲਮਾਨ ਦੀ ਗੱਲ ਮੰਨ ਲਈ ਹੈ। ਸੂਰਜ ਤੇ ਇਜ਼ਾਬੇਲ ਦੀ ਨਵੀਂ ਫਿਲਮ ਰੇਮੋ ਡਿਸੂਜ਼ਾ ਦੇ ਅਸੀਸਟੈਂਟ ਸਟੈਨਲੀ ਡਿਕਾਸਟਾ ਕਰਨਗੇ। ਫਿਲਮ ਦੀ ਸ਼ੂਟਿੰਗ ਜੂਨ 2018 'ਚ ਸ਼ੁਰੂ ਕਰਨ ਦੀ ਗੱਲ ਚੱਲ ਰਹੀ ਹੈ। ਹਾਲ ਹੀ 'ਚ ਇਜ਼ਾਬੇਲ ਨੂੰ ਲੈਕਮੇ ਦੀ ਬਰਾਂਡ ਅੰਬੈਸਡਰ ਵੀ ਬਣਾਇਆ ਗਿਆ ਹੈ। ਡੈਬਿਊ ਤੋਂ ਇਲਾਵਾ ਇਜ਼ਾਬੇਲ ਆਪਣੇ ਨਖਰੀਲੇ ਵਿਵਹਾਰ ਨੂੰ ਲੈ ਕੇ ਵੀ ਚਰਚਾ 'ਚ ਆ ਗਈ ਹੈ।
ਇਜ਼ਾਬੇਲ ਨੇ ਅਜੇ ਬਾਲੀਵੁੱਡ 'ਚ ਕਦਮ ਰੱਖਿਆ ਵੀ ਨਹੀਂ ਤੇ ਨੱਖਰੇ ਸ਼ੁਰੂ ਹੋ ਗਏ ਹਨ। ਲੈਕਮੇ ਦੀ ਬ੍ਰਾਂਡ ਅੰਬੈਸਡਰ ਬਣਨ ਤੋਂ ਬਾਅਦ ਉਹ ਪਹਿਲੀ ਵਾਰ ਇਕ ਮੀਡੀਅਮ ਕਾਨਫਰੰਸ 'ਚ ਪੁੱਜੀ ਸੀ। ਇੱਥੇ ਉਨ੍ਹਾਂ ਨੇ ਆਪਣੇ ਆਲੇ-ਦੁਆਲੇ ਦੀ ਲਾਈਟਿੰਗ ਤੋਂ ਸਮੱਸਿਆ ਸੀ। ਉਹ ਘੱਟ ਲਾਈਟ 'ਚ ਸ਼ੂਟ ਨਹੀਂ ਕਰਨਾ ਚਾਹੁੰਦੀ ਸੀ। ਲਾਈਟ ਲਗਵਾਉਣ 'ਚ ਉਨ੍ਹਾਂ ਨੇ 1 ਘੰਟਾ ਬਰਬਾਦ ਕੀਤਾ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੀ ਟੀਮ ਤੋਂ ਪਹਿਲਾਂ ਹੀ ਇਹ ਕਹਿ ਦਿੱਤਾ ਸੀ ਕਿ ਉਹ ਨਹੀਂ ਚਾਹੁੰਦੀ ਕਿ ਕੋਈ ਵੀ ਉਨ੍ਹਾਂ ਨਾਲ ਬਾਲੀਵੁੱਡ 'ਚ ਐਂਟਰੀ ਦੇ ਬਾਰੇ 'ਚ ਸਵਾਲ ਪੁੱਛੇ। ਇੰਨਾ ਹੀ ਨਹੀਂ ਇਜ਼ਾਬੇਲ ਕਾਨਫਰੰਸ ਨੂੰ ਵਿਚਕਾਰ ਹੀ ਛੱਡ ਕੇ ਚਲੀ ਗਈ ਸੀ। ਇਸ ਤੋਂ ਪਹਿਲਾਂ ਇਜ਼ਾਬੇਲ ਨੂੰ ਕੈਟਰੀਨਾ ਨਾਲ ਵਿਰਾਟ-ਅਨੁਸ਼ਕਾ ਦੀ ਵਿਆਹ 'ਚ ਦੇਖਿਆ ਗਿਆ ਸੀ। ਇੱਥੇ ਵੀ ਮੀਡੀਆ ਸਾਹਮਣੇ ਉਨ੍ਹਾਂ ਦਾ ਗਲਤ ਵਿਵਹਾਰ ਸਾਫ ਦੇਖਣ ਨੂੰ ਮਿਲਿਆ ਸੀ।
