ਨਵੀਂ ਦਿੱਲੀ(ਬਿਊਰੋ)— 18 ਸਾਲ ਦੀ ਇਕ ਡੱਚ ਮਾਡਲ ਇਵਾਨਾ ਸਮਿਤ ਦੀ ਲਾਸ਼ ਉਸ ਦੇ ਅਪਾਰਟਮੈਂਟ ਦੇ ਬਿਲਡਿੰਗ ਫਲੋਰ 'ਤੇ ਮਿਲੀ। ਦੱਸਿਆ ਜਾ ਰਿਹਾ ਹੈ ਕਿ ਮਾਡਲ ਦੀ ਕੁਆਲਾ ਲੁਮਪੁਰ 'ਚ ਆਪਣੇ ਘਰ ਦੀ 20ਵੀਂ ਮੰਜ਼ਿਲ ਤੋਂ ਡਿੱਗ ਕੇ ਮੌਤ ਹੋ ਗਈ ਹੈ। ਸੂਤਰਾਂ ਮੁਤਾਬਕ ਮਲੇਸ਼ੀਆ ਦੇ ਮੀਡੀਆ ਤੋਂ ਪ੍ਰਾਪਤ ਜਾਣਕਾਰੀ 'ਚ ਦੱਸਿਆ ਗਿਆ ਹੈ ਕਿ ਮਾਡਲ 20ਵੀਂ ਮੰਜ਼ਿਲ ਤੋਂ ਡਿੱਗਣ ਤੋਂ ਪਹਿਲਾਂ ਨਸ਼ੇ 'ਚ ਸੀ।
ਫਿਲਹਾਲ ਪੁਲਸ ਨੂੰ ਮਾਡਲ ਦੀ ਹੱਤਿਆ ਹੋਣ ਦਾ ਕੋਈ ਸਬੂਤ ਨਹੀਂ ਮਿਲਿਆ ਹੈ ਪਰ ਮਾਡਲ ਦੇ ਪਰਿਵਾਰ ਦੁਆਰਾ ਇਸ ਮਾਮਲੇ ਦੀ ਜਾਂਚ ਕਰਨ ਦੀ ਮੰਗ ਕੀਤੀ ਹੈ। ਘਟਨਾ ਸਥਾਨ 'ਤੇ ਪਾਈ ਗਈ ਮ੍ਰਿਤਕ ਦੀ ਲਾਸ਼ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਘਟਨਾ ਸਮੇਂ ਮਾਡਲ ਦੇ ਸਰੀਰ 'ਤੇ ਇਕ ਵੀ ਕੱਪੜਾ ਨਹੀਂ ਸੀ।
ਇਵਾਨਾ ਦੇ ਪਿਤਾ ਮਾਰਸਲ ਸਮਿਤ ਦਾ ਕਹਿਣਾ ਹੈ ਕਿ ਮੌਤ ਤੋਂ ਕੁਝ ਘੰਟੇ ਪਹਿਲਾਂ ਹੀ ਇਵਾਨਾ ਨੇ ਆਪਣੇ ਪ੍ਰੇਮੀ ਨੂੰ ਇਕ ਮੈਸੇਜ ਤੇ ਸੈਲਫੀ ਭੇਜੀ ਸੀ। ਇਵਾਨਾ ਦੇ ਪਰਿਵਾਰ ਦੁਆਰਾ ਫਲੋਰ ਤੋਂ ਡਿੱਗਣ ਦੀ ਗੱਲ 'ਤੇ ਸ਼ੱਕ ਜ਼ਾਹਰ ਕਰਦੇ ਹੋਏ ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਕਰ ਰਹੇ ਹਨ।
