ਮੁੰਬਈ— ਫਿਲਮ 'ਜਬ ਹੈਰੀ ਮੈੱਟ ਸੇਜਲ' ਦੇ ਹੁਣ ਤੱਕ ਸਾਰੇ ਰਿਲੀਜ਼ ਹੋ ਚੁੱਕੇ ਗੀਤ ਫੈਨਜ਼ ਦੀ ਜੁਬਾਨ 'ਤੇ ਚੜ ਗਏ ਹਨ। 'ਰਾਧਾ', 'ਬੀਚ ਬੀਚ ਮੈਂ' ਅਤੇ 'ਸਫਰ' ਦੇ ਹਿੱਟ ਹੋਣ ਤੋਂ ਬਾਅਦ ਹੁਣ ਫਿਲਮ ਦਾ ਇਕ ਹੋਰ ਗੀਤ ਰਿਲੀਜ਼ ਕਰਨ ਵਾਲੇ ਹਨ, ਜੋ ਕਿ ਇਕ ਪਾਰਟੀ ਨੰਬਰ ਹੈ।
'ਬਟਰਫਲਾਈ' ਗੀਤ 'ਚ ਸ਼ਾਹਰੁਖ ਖਾਨ ਅਤੇ ਅਨੁਸ਼ਕਾ ਸ਼ਰਮਾ ਯੂਰਪ ਦੀਆਂ ਗਲੀਆਂ ਨੂੰ ਛੱਡ ਕੇ ਦੇਸੀ ਅੰਦਾਜ਼ 'ਚ ਨਜ਼ਰ ਆ ਰਹੇ ਹਨ। ਇਸ ਗੀਤ ਦਾ ਟੀਜ਼ਰ ਅਨੁਸ਼ਕਾ ਨੇ ਸੋਸ਼ਲ ਮੀਡੀਆ 'ਤੇ ਰਿਲੀਜ਼ ਕੀਤਾ ਹੈ।
ਅਨੁਸ਼ਕਾ ਜਿਥੇ ਸ਼ਾਰਟ ਡ੍ਰੈੱਸ ਛੱਡ ਕੇ ਇਕਦਮ ਪੰਜਾਬੀ ਪਹਿਰਾਵੇ 'ਚ ਨਜ਼ਰ ਆ ਰਹੀ ਹੈ, ਉਥੇ ਹੀ ਸ਼ਾਹਰੁਖ ਪਹਿਲੀ ਵਾਰ ਪੱਗ 'ਚ ਨਜ਼ਰ ਆ ਰਿਹਾ ਹੈ। ਆਪਣੇ 25 ਸਾਲਾਂ ਦੇ ਕੈਰੀਅਰ 'ਚ ਸ਼ਾਹਰੁਖ ਕਦੇ ਵੀ ਕਿਸੇ ਫਿਲਮ 'ਚ ਸਰਦਾਰ ਦੇ ਕਿਰਦਾਰ 'ਚ ਨਹੀਂ ਦਿਖੇ। ਇਸ ਫਿਲਮ 'ਚ ਦਰਸ਼ਕਾਂ ਨੂੰ ਸ਼ਾਹਰੁਖ ਦੇ ਕਈ ਵੱਖ-ਵੱਖ ਅੰਦਾਜ਼ ਦੇਖਣ ਨੂੰ ਮਿਲਣਗੇ। ਪੰਜਾਬ ਦੇ ਖੇਤਾਂ 'ਚ ਹੈਰੀ ਅਤੇ ਸੇਜਲ ਦਾ ਰੋਮਾਂਸ ਦੇਖਣਯੋਗ ਹੈ।