ਮੁੰਬਈ— ਬਾਲੀਵੁੱਡ ਅਦਾਕਾਰਾ ਸ਼੍ਰੀਦੇਵੀ ਆਪਣੀ ਬੇਟੀ ਜਾਨਹਵੀ ਦੇ ਫਿਲਮੀ ਪਰਦੇ 'ਤੇ ਵੱਡੀ ਉਮਰ ਦੇ ਸਟਾਰ ਨਾਲ ਰੋਮਾਂਸ ਕਰਨ ਨੂੰ ਲੈ ਕੇ ਪ੍ਰਸ਼ਾਨ ਨਹੀਂ ਹੈ। ਬਾਲੀਵੁੱਡ 'ਚ ਚਰਚਾ ਹੈ ਕਿ ਜਾਨਹਵੀ ਕਰਨ ਜੌਹਰ ਦੀ ਫਿਲਮ ਨਾਲ ਬਾਲੀਵੁੱਡ 'ਚ ਐਂਟਰੀ ਕਰੇਗੀ ਅਤੇ ਉਨ੍ਹਾਂ ਨੇ ਤਿੰਨ ਫਿਲਮਾਂ ਦਾ ਉਸ ਦੇ ਨਾਲ ਕਾਂਟ੍ਰੈਕਟ ਕੀਤਾ ਹੈ।
ਕਿਹਾ ਇਹ ਜਾ ਰਿਹਾ ਹੈ ਕਿ ਸ਼ਾਹਿਦ ਕਪੂਰ ਦੇ ਮਤਰੇਏ ਭਰਾ ਈਸ਼ਾਨ ਖੱਟਰ ਨਾਲ ਉਸ ਦਾ ਡੈਬਿਯੂ ਹੋਵੇਗਾ। ਸ਼੍ਰੀਦੇਵੀ ਆਪਣੀ ਅਗਲੀ ਫਿਲਮ 'ਮੌਮ' ਨੂੰ ਲੈ ਕੇ ਰੁੱਝੀ ਹੋਈ ਹੈ।
ਪ੍ਰਮੋਸ਼ਨ ਦੌਰਾਨ ਸ਼੍ਰੀਦੇਵੀ ਤੋਂ 'ਮੌਮ' ਬਾਰੇ ਘੱਟ ਅਤੇ ਜਾਨਹਵੀ ਕਪੂਰ ਬਾਰੇ ਜ਼ਿਆਦਾ ਪੁੱਛਿਆ ਜਾਂਦਾ ਹੈ।
ਸ਼੍ਰੀਦੇਵੀ ਤੋਂ ਜਦੋਂ ਪੁੱਛਿਆ ਗਿਆ ਕਿ ਕੀ ਉਸ ਨੂੰ ਆਪਣੀ ਬੇਟੀ ਜਾਨਹਵੀ ਦਾ ਪਰਦੇ 'ਤੇ ਆਪਣੇ ਤੋਂ ਵੱਡੀ ਉਮਰ ਦੇ ਅਦਾਕਾਰ ਨਾਲ ਰੋਮਾਂਸ ਕਰਨਾ ਪਸੰਦ ਆਵੇਗਾ ਤਾਂ ਸ਼੍ਰੀਦੇਵੀ ਨੇ ਕਿਹਾ ਕਿ ਬਾਲੀਵੁੱਡ ਦੀ ਇਹ ਰਵਾਇਤ ਕਾਫੀ ਪੁਰਾਣੀ ਹੈ ਕਿ ਨਾਇਕ ਆਪਣੀ ਤੋਂ ਛੋਟੀ ਉਮਰ ਦੀ ਨਾਇਕਾ ਨਾਲ ਰੋਮਾਂਸ ਕਰਦਾ ਆ ਰਿਹਾ ਹੈ।
