ਮੁੰਬਈ (ਬਿਊਰੋ)— ਬਹੁਤ ਜਲਦ ਬਾਲੀਵੁੱਡ ਵਿਚ ਡੈਬਿਊ ਕਰਨ ਜਾ ਰਹੀ ਅਦਾਕਾਰਾ ਜਾਨਹਵੀ ਕਪੂਰ ਬੀਤੀ ਰਾਤ ਮੁੰਬਈ ਵਿਚ ਆਪਣੇ ਪਿਤਾ ਬੋਨੀ ਕਪੂਰ ਨਾਲ ਨਜ਼ਰ ਆਈ। ਪਾਪਾ ਬੋਨੀ ਕਪੂਰ ਨਾਲ ਫਿਲਮ ਦੇਖਣ ਪਹੁੰਚੀ ਜਾਨਹਵੀ ਇਕੱਲੀ ਨਹੀਂ ਸਗੋਂ ਉਨ੍ਹਾਂ ਦੀ ਭੈਣ ਅੰਸ਼ੁਲਾ ਕਪੂਰ ਵੀ ਸੀ। ਇਹ ਤਸਵੀਰਾਂ ਮੁੰਬਈ ਦੇ ਜੁਹੂ ਦੇ ਇਕ ਥਿਏਟਰ ਦੇ ਬਾਹਰ ਦੀਆਂ ਹਨ। ਜਿੱਥੇ ਜਾਨਹਵੀ ਆਪਣੇ ਪਿਤਾ ਨਾਲ ਫਿਲਮ ਦੇਖਣ ਪਹੁੰਚੀ ਸੀ। ਇਸ ਦੌਰਾਨ ਜਾਨਹਵੀ ਜੀਨਸ ਅਤੇ ਸ਼ਾਰਟ ਟੀ-ਸ਼ਰਟ 'ਚ ਨਜ਼ਰ ਆਈ। ਗੱਡੀ 'ਚੋਂ ਉਤਰਦੇ ਹੀ ਜਾਹਨਵੀ ਪਿਤਾ ਦਾ ਹੱਥ ਫੜ੍ਹੇ ਦਿਖਾਈ ਦਿੱਤੀ। ਧਿਆਨ ਯੋਗ ਹੈ ਕਿ ਸ਼੍ਰੀਦੇਵੀ ਦੇ ਜਾਣ ਤੋਂ ਬਾਅਦ ਜਾਨਹਵੀ ਅਕਸਰ ਆਪਣੇ ਪਿਤਾ ਨਾਲ ਨਜ਼ਰ ਆਉਂਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜਾਨਹਵੀ ਕਪੂਰ ਫਿਲਮ 'ਧੜਕ' ਨਾਲ ਬਾਲੀਵੁਡ 'ਚ ਡੈਬਿਊ ਕਰ ਰਹੀ ਹੈ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਸ਼ਾਹਿਦ ਕਪੂਰ ਦਾ ਭਰਾ ਈਸ਼ਾਨ ਖੱਟਰ ਨਜ਼ਰ ਆਉਣਗੇ। ਇਹ ਫਿਲਮ 20 ਜੁਲਾਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।