ਮੁੰਬਈ(ਬਿਊਰੋ)— ਮਸ਼ਹੂਰ ਟੀ.ਵੀ. ਸੀਰੀਅਲ 'ਤੂੰ ਆਸ਼ਿਕੀ' ਦੀ ਜੰਨਤ ਜੁਬੇਰ ਰਹਿਮਾਨੀ ਅੱਜਕਲ ਸੀਰੀਅਲ 'ਚ ਆਪਣੇ ਕਿੱਸ ਸੀਨ ਨੂੰ ਲੈ ਕੇ ਚਰਚਾ 'ਚ ਹੈ। 16 ਸਾਲ ਦੀ ਜੰਨਤ ਨੂੰ ਮੇਕਰਜ਼ ਨੇ ਆਪਣੇ ਕੋ-ਸਟਾਰ ਨਾਲ ਕਿੱਸ ਕਰਨ ਲਈ ਕਿਹਾ ਸੀ। ਇਸ ਤੋਂ ਬਾਅਦ ਜੰਨਤ ਦੀ ਮਾਂ ਨੇ ਸੈੱਟ 'ਤੇ ਹੰਗਾਮਾ ਖੜ੍ਹਾ ਕਰ ਦਿੱਤਾ। ਮਾਂ ਦੀ ਇਸ ਦਖਲਅੰਦਾਜ਼ੀ ਤੋਂ ਬਾਅਦ ਜੰਨਤ ਨੂੰ ਸ਼ੋਅ ਤੋਂ ਕੱਢ ਦਿੱਤਾ ਗਿਆ ਹੈ। ਇਸ ਵਿਚਕਾਰ ਖਬਰ ਆ ਰਹੀ ਹੈ ਕਿ ਜੰਨਤ ਨੂੰ ਇਕ ਵੱਡੀ ਫਿਲਮ ਦਾ ਆਫਰ ਮਿਲ ਗਿਆ ਹੈ। ਅਸਲ 'ਚ ਹੁਣ ਜੰਨਤ ਰਾਣੀ ਮੁਖਰਜੀ ਦੀ ਆਉਣ ਵਾਲੀ ਫਿਲਮ 'ਹਿੱਚਕੀ' 'ਚ ਦਿਖੇਗੀ।
ਫਿਲਮ 'ਚ ਜੰਨਤ ਦਾ ਰੋਲ ਕੀ ਹੋਵੇਗਾ, ਇਸ ਗੱਲ ਦਾ ਫਿਲਹਾਲ ਖੁਲਾਸਾ ਨਹੀਂ ਹੋ ਸਕਿਆ ਹੈ। ਜ਼ਿਕਰਯੋਗ ਹੈ ਕਿ ਮਾਂ ਦੇ ਹੰਗਾਮਾ ਕਰਨ ਤੋਂ ਬਾਅਦ ਮੇਕਰਜ਼ ਨੇ ਸੀਨ ਤਾਂ ਹਟਾ ਦਿੱਤਾ, ਇਸ ਦੇ ਨਾਲ ਹੀ ਜੰਨਤ ਨੂੰ ਰਿਪਲੇਸ ਕਰਨ ਦਾ ਵੀ ਫੈਸਲਾ ਲੈ ਲਿਆ। ਹਾਲ ਹੀ 'ਚ ਇਸ ਮਾਮਲੇ 'ਤੇ ਜੰਨਤ ਦੇ ਪਿਤਾ ਦਾ ਵੀ ਬਿਆਨ ਆਇਆ।
ਜੰਨਤ ਦੇ ਪਿਤਾ ਨੇ ਕਿਹਾ, ''ਪ੍ਰੋਡਕਸ਼ਨ ਟੀਮ ਨਾਲ ਸਾਡੀ ਇਕ ਮੀਟਿੰਗ ਹੋਣੀ ਸੀ ਪਰ ਉਸ ਤੋਂ ਪਹਿਲਾਂ ਉਨ੍ਹਾਂ ਨੇ ਲੀਡ ਰੋਲ ਲਈ ਕਿਸੇ ਹੋਰ ਦਾ ਆਡੀਸ਼ਨ ਲੈਣਾ ਸ਼ੁਰੂ ਕਰ ਦਿੱਤਾ। ਕੋਈ ਗੱਲ ਨਹੀਂ, ਉਨ੍ਹਾਂ ਨੂੰ ਆਡੀਸ਼ਨ ਲੈਣ ਦਿਓ। ਮੇਰੀ ਬੇਟੀ ਇਕ ਚੰਗੀ ਅਦਾਕਾਰਾ ਹੈ।
ਜਦੋਂ ਅਸੀਂ ਸ਼ੋਅ ਸਾਈਨ ਕੀਤਾ ਸੀ, ਤਾਂ ਅਸੀਂ ਇਹ ਫੈਸਲਾ ਲੈ ਚੁੱਕੇ ਸੀ ਕਿ ਜੰਨਤ ਨੂੰ ਸਕ੍ਰੀਨ 'ਤੇ ਕੀ ਕਰਨਾ ਹੈ ਤੇ ਕੀ ਨਹੀਂ। ਅਸੀਂ ਚਾਹੁੰਦੇ ਹਾਂ ਕਿ ਉਹ ਚੰਗੇ ਐਕਟਰ ਦੇ ਤੈਰ 'ਤੇ ਉਭਰੇ, ਨਾ ਕਿ ਐਡਲਟ ਸੀਨ ਤੇ ਕਿਸਿੰਗ ਸੀਨ ਕਰਕੇ।
ਜੰਨਤ ਅਜੇ ਨਾਬਾਲਗ ਹੈ। ਮੈਂ ਆਪਣੀ ਬੇਟੀ ਨੂੰ ਇਸ ਉਮਰ 'ਚ ਐਡਲਟ ਸੀਨ ਕਰਨ ਦੀ ਇਜਾਜ਼ਤ ਨਹਂੀਂ ਦੇ ਸਕਦਾ। ਉਹ ਸਿਰਫ 16 ਸਾਲ ਦੀ ਹੈ।''