ਫਾਜ਼ਿਲਕਾ— ਡੇਰਾ ਸੱਚਾ ਸੌਦਾ ਸਿਰਸਾ ਦੇ ਮੁਖੀ ਸੰਤ ਗੁਰਮੀਤ ਰਾਮ ਰਹੀਮ ਸਿੰਘ ਇੰਸਾਂ ਵਲੋਂ ਬਣਾਈ ਗਈ ਫਿਲਮ 'ਜੱਟੂ ਇੰਜੀਨੀਅਰ' ਦੇ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ 'ਚ ਲੱਗਣ 'ਤੇ ਫਾਜ਼ਿਲਕਾ ਦੇ ਡੇਰਾ ਪ੍ਰੇਮੀਆਂ ਨੇ ਰਾਜਾ ਸਿਨੇਮਾ 'ਚ ਢੋਲ ਤੇ ਡੀ. ਜੇ. ਦੀ ਧੁਨ 'ਤੇ ਨੱਚ ਕੇ ਖੁਸ਼ੀ ਮਨਾਈ ਤੇ ਲੱੱਡੂ ਵੰਡੇ।
ਡੇਰਾ ਸੱਚਾ ਸੌਦਾ ਸਿਰਸਾ ਦੀ 45 ਮੈਂਬਰੀ ਕਮੇਟੀ ਦੇ ਮੈਂਬਰ ਗੁਰਦੀਪ ਸਿੰਘ ਇੰਸਾਂ ਪਟਵਾਰੀ ਨੇ ਦੱਸਿਆ ਕਿ 'ਜੱਟੂ ਇੰਜੀਨੀਅਰ' ਫਿਲਮ ਇਕ ਕਾਮੇਡੀ ਫਿਲਮ ਹੈ ਤੇ ਕਾਮੇਡੀ ਰਾਹੀਂ ਲੋਕਾਂ ਨੂੰ ਖੁਸ਼ ਰਹਿਣ ਲਈ ਪ੍ਰੇਰਿਤ ਕੀਤਾ ਗਿਆ ਹੈ।