ਮੁੰਬਈ(ਬਿਊਰੋ)— 90ਵਾਂ ਅਕੈਡਮੀ ਐਵਾਰਡ ਭਾਵ ਆਸਕਰ ਐਵਾਰਡ ਸਮਾਗਮ ਕੈਲੀਫੋਰਨੀਆ ਦੇ ਡੌਲਬੀ ਥੀਏਟਰ 'ਚ ਸ਼ੁਰੂ ਹੋ ਚੁੱਕਾ ਹੈ।
ਆਸਕਰ ਐਵਾਰਡ ਸਮਾਗਮ 'ਚ ਹੁਣ ਤੱਕ ਕਈ ਐਵਾਰਡ ਐਲਾਨ ਕੀਤੇ ਜਾ ਚੁੱਕੇ ਹਨ।
ਫਿਲਮ 'ਡਨਕਿਰਕ' ਹੁਣ ਤੱਕ ਤਿੰਨ ਐਵਾਰਡਜ਼ ਆਪਣੇ ਨਾਂ ਕਰ ਚੁੱਕੀ ਹੈ।
ਐਵਾਰਡ ਸਮਾਗਮ 'ਚ ਮਸ਼ਹੂਰ ਸੈਲੇਬਸ ਨੇ ਆਪਣੇ-ਆਪਣੇ ਅੰਦਾਜ਼ 'ਚ ਐਂਟਰੀ ਕੀਤੀ ਪਰ ਜੈਨੀਫਰ ਲਾਰੇਂਸ ਦੀ ਐਂਟਰੀ ਸਭ ਤੋਂ ਅਨੌਖੀ ਰਹੀ।
ਸਮਾਗਮ 'ਚ ਸਭ ਤੋਂ ਪਹਿਲਾਂ ਪਹੁੰਚਣ ਵਾਲਿਆਂ 'ਚ ਆਸਕਰ ਪੁਰਸਕਾਰ ਜੇਤੂ ਜੈਨੀਫਰ ਲਾਰੇਂਸ ਰਹੀ।
ਇੱਥੇ ਉਹ ਮਸਤੀ ਭਰੇ ਅੰਦਾਜ਼ 'ਚ ਦਿਖੀ। ਉਨ੍ਹਾਂ ਨੇ ਰੈੱਡ ਕਾਰਪੇਟ 'ਤੇ ਕੁਝ ਅਜਿਹਾ ਕੀਤਾ, ਜਿਸ ਨੂੰ ਦੇਖ ਕੇ ਸਾਰਿਆ ਦੇ ਚਿਹਰਿਆਂ 'ਤੇ ਹਾਸਾ ਆ ਗਿਆ।
ਹੱਥਾਂ 'ਚ ਵਾਈਟ ਵਾਈਨ ਦਾ ਗਿਲਾਸ ਲਈ ਡੌਲਬੀ ਥੀਏਟਰ 'ਚ ਜੈਨੀਫਰ ਦਾ ਅੰਦਾਜ਼ ਦੇਖ ਉੱਥੇ ਮੌਜੂਦ ਸਾਰੇ ਸੈਲੇਬ ਹੈਰਾਨ ਰਹਿ ਗਏ।
ਜੈਨੀਫਰ ਨੂੰ ਆਪਣੇ ਬਿੰਦਾਸ ਅੰਦਾਜ਼ ਲਈ ਜਾਣਿਆ ਜਾਂਦਾ ਹੈ।
ਇੱਥੇ ਉਹ ਪਲੈਟੀਨਮ ਸੀਕਵੈਂਸ ਡਿਓਰ ਗਾਊਨ 'ਚ ਬੇਹੱਦ ਖੂਬਸੂਰਤ ਦਿਖਾਈ ਦੇ ਰਹੀ ਸੀ।
ਇਸ ਦੇ ਨਾਲ ਉਨ੍ਹਾਂ ਨੇ ਸਟ੍ਰੇਪੀ ਹੀਲਸ ਪਾਈ ਹੋਈ ਸੀ।
ਮਸਤੀਭਰੇ ਅੰਦਾਜ਼ 'ਚ ਆਪਣੀ ਸੀਟ ਤੱਕ ਪਹੁੰਚਣ ਲਈ ਉਨ੍ਹਾਂ ਨੇ ਗਾਊਨ ਨੂੰ ਚੁੱਕ ਕੇ ਸੀਟ ਵਿਚਕਾਰੋਂ ਜਾਣ ਦਾ ਰਸਤਾ ਲਿਆ। ਉਨ੍ਹਾਂ ਦੇ ਹੱਥ 'ਚ ਵਾਈਨ ਦਾ ਗਿਲਾਸ ਸੀ।