ਮੁੰਬਈ(ਬਿਊਰੋ)— ਪਿਛਲੇ ਕੁਝ ਦਿਨਾਂ ਤੋਂ ਲਗਾਤਾਰ ਖਬਰਾਂ ਆ ਰਹੀਆਂ ਸਨ ਕੀ ਜਾਨ ਅਬਰਾਹਿਮ ਤੇ ਉਸ ਦੀ ਪਤਨੀ ਪ੍ਰਿਆ ਰੂੰਚਾਲ ਦੀ ਨਿੱਜੀ ਜ਼ਿੰਦਗੀ ਸਹੀਂ ਤਰੀਕੇ ਨਾਲ ਨਹੀਂ ਚੱਲ ਰਹੀ ਹੈ। ਦੋਹਾਂ 'ਚ ਕਿਸੇ ਗੱਲ ਨੂੰ ਲੈ ਕੇ ਅਣਬਨ ਹੋ ਗਈ ਹੈ। ਦੋਹਾਂ ਨੇ ਇਕ-ਦੂਜੇ ਤੋਂ ਵੱਖ ਹੋਣ ਦਾ ਫੈਸਲਾ ਕਰ ਲਿਆ ਹੈ ਪਰ ਹੁਣ ਇਨ੍ਹਾਂ ਸਾਰੀਆਂ ਖਬਰਾਂ 'ਤੇ ਪੂਰਨ ਵਿਸ਼ਰਾਮ ਚਿੰਨ੍ਹ ਲੱਗ ਗਿਆ।
ਜੀ ਹਾਂ ਜਾਨ ਅਬਰਾਹਿਮ ਤੇ ਉਸ ਦੀ ਖੂਬਸੂਰਤ ਪਤਨੀ ਪ੍ਰਿਆ ਨਾਲ ਬੀਤੇ ਦਿਨੀਂ ਮੁੰਬਈ ਏਅਰਪੋਰਟ 'ਤੇ ਨਜ਼ਰ ਆਏ।
ਇਸ ਦੌਰਾਨ ਦੋਹਾਂ ਨੂੰ ਦੇਖ ਕੇ ਅਜਿਹਾ ਬਿਲਕੁਲ ਵੀ ਨਹੀਂ ਲੱਗ ਰਿਹਾ ਸੀ ਕਿ ਦੋਹਾਂ 'ਚ ਕੋਈ ਗੁੱਸਾ-ਗਿੱਲਾ ਚੱਲ ਰਿਹਾ ਹੈ।
ਦੋਹਾਂ ਦੇ ਚਿਹਰੇ 'ਤੇ ਮੁਸਕਾਨ ਸੀ। ਦੱਸ ਦੇਈਏ ਕਿ ਜਾਨ ਅਬਰਾਹਿਮ ਆਪਣੀ ਪਰਸਨਲ ਜ਼ਿੰਦਗੀ ਤੇ ਪ੍ਰੋਫੈਸ਼ਨਲ ਜ਼ਿੰਦਗੀ ਨੂੰ ਵੱਖ-ਵੱਖ ਰੱਖਦੇ ਹਨ। ਉਹ ਬਹੁਤ ਘੱਟ ਜਨਤਕ ਤੌਰ 'ਤੇ ਪਤਨੀ ਨਾਲ ਨਜ਼ਰ ਆਉਂਦੇ ਹਨ।
ਦੱਸਣਯੋਗ ਹੈ ਕਿ ਜਦੋਂ ਦੋਹਾਂ ਨੂੰ ਇਕੱਠੇ ਦੇਖਿਆ ਗਿਆ ਤਾਂ ਇਹ ਕਾਫੀ ਖੁਸ਼ ਸਨ। ਇਸ ਦੌਰਾਨ ਜਾਨ ਨੇ ਬਲਿਊ ਕਲਰ ਦੀ ਹੂਡੀ ਪਾਈ ਸੀ, ਜਿਸ 'ਚ ਉਹ ਕਾਫੀ ਹੈਂਡਸਮ ਲੱਗ ਰਿਹਾ ਸੀ।
ਜਾਨ ਦੀ ਪਤਨੀ ਨੇ ਬਲੈਕ ਰੰਗ ਦੀ ਡਰੈੱਸ 'ਤੇ ਬਲਿਊ ਡੈਨਿਮ ਜੈਕਟ ਪਾਈ ਸੀ। ਸਾਲ 2014 'ਚ ਜਾਨ ਤੇ ਪ੍ਰਿਆ ਨੇ ਵਿਆਹ ਕਰਵਾਇਆ ਸੀ।