ਮੁੰਬਈ— 14 ਅਗਸਤ 1957 ਨੂੰ ਆਂਧਰਾ ਪ੍ਰਦੇਸ਼ 'ਚ ਇਕ ਤੇਲੁਗੁ ਕ੍ਰਿਸ਼ਚਨ ਪਰਿਵਾਰ 'ਚ ਜੰਮੇ ਜਾਨੀ ਲੀਵਰ ਆਪਣਾ 60ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਪੂਰਾ ਨਾਂ ਜਾਨ ਰਾਵ ਪ੍ਰਕਾਸ਼ ਜਨੁਮਾਲਾ ਹੈ।
ਕਾਫੀ ਘੱਟ ਲੋਕ ਜਾਣਦੇ ਹਨ ਕਿ ਉਹ ਸਿਰਫ 7ਵੀਂ ਕਲਾਸ ਤੱਕ ਹੀ ਪੜੇ ਹਨ ਕਿਉਂਕਿ ਉਨ੍ਹਾਂ ਨੇ ਆਰਥਿਕ ਮੁਸ਼ਕਿਲਾਂ ਕਾਰਨ ਪੜਾਈ ਅੱਧ 'ਚ ਹੀ ਛੱਡ ਦਿੱਤੀ ਸੀ।
ਅਸਲ 'ਚ ਉਨ੍ਹਾਂ ਦੇ ਪਿਤਾ ਹਿੰਦੂਸਤਾਨ ਲੀਵਰ ਲਿਮਿਟੇਡ 'ਚ ਕੰਮ ਕਰਦੇ ਸਨ। ਜਾਨੀ ਪਰਿਲਾਰ 'ਚ ਸਭ ਤੋਂ ਵੱਡਾ ਸੀ। ਇਸ ਤੋਂ ਬਾਅਦ 3 ਭੈਣਾਂ ਤੇ 2 ਭਰਾ ਵੀ ਸਨ। ਅਜਿਹੇ 'ਚ ਪਰਿਵਾਰ ਲਈ ਇਨਕਮ ਦਾ ਸੋਰਸ ਸਿਰਫ ਉਨ੍ਹਾਂ ਦੇ ਪਿਤਾ ਜੀ ਹੀ ਸਨ। ਇਸ ਲਈ ਉਨ੍ਹਾਂ ਨੇ ਆਪਣੀ ਪੜਾਈ ਅੱਧ 'ਚ ਹੀ ਛੱਡ ਕੇ ਪੈੱਨ ਵੇਚਨ ਦਾ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।
ਕਈ ਸਾਲਾਂ ਤੱਕ ਸੰਘਰਸ਼ ਕਰਨ ਤੋਂ ਬਾਅਦ ਜਾਨੀ ਨੇ ਬਾਲੀਵੁੱਡ 'ਚ ਆਪਣੀ ਵੱਖਰੀ ਪਛਾਣ ਬਣਾ ਲਈ। ਹਾਂ ਉਹ ਪਤਨੀ ਸੁਜਾਤਾ, ਬੇਚੀ ਜਿਮੀ ਤੇ ਬੇਟੇ ਨਾਲ ਅੰਧੇਰੀ, ਮੁੰਬਈ 'ਚ ਸਥਿਤ ਆਪਣੇ 3 ਬੀ. ਐੱਚ. ਕੇ. 'ਚ ਰਹਿੰਦੇ ਹਨ।
ਦੱਸਿਆ ਜਾਂਦਾ ਹੈ ਕਿ ਮੁੰਬਈ 'ਚ ਜਾਨੀ ਦੇ ਹੋਰ ਵੀ ਘਰ ਹਨ ਪਰ ਇਸ ਫਲੈਟ ਨਾਲ ਉਨ੍ਹਾਂ ਨੂੰ ਖਾਸਾ ਪਿਆਰ ਹੈ। ਉਨ੍ਹਾਂ ਨੇ ਇਹ ਘਰ ਸਾਲ 1990 'ਚ ਖਰੀਦਿਆਂ ਸੀ।
ਇਕ ਇੰਟਰਵਿਊ ਦੌਰਾਨ ਜਾਨੀ ਦੀ ਬੇਟੀ ਨੇ ਦੱਸਿਆ ਸੀ ਕਿ , ''ਪਾਪਾ ਨੇ ਇਹ ਘਰ 90 ਦੇ ਦਹਾਕੇ 'ਚ ਆਪਣੇ ਪੈਸਿਆਂ ਨਾਲ ਖਰੀਦਿਆ ਸੀ। ਇਸ ਘਰ ਨਾਲ ਉਨ੍ਹਾਂ ਦੀ ਕਈ ਯਾਦਾਂ ਜੁੜੀਆਂ ਹੋਈਆਂ ਹਨ। ਇਸ ਲਈ ਇਸ ਘਰ ਨੂੰ ਛੱਡ ਕੇ ਕਿਤੇ ਨਹੀਂ ਜਾਣਾ ਪਸੰਦ ਕਰਦੇ।''
