ਮੁੰਬਈ— ਮਾਡਲ ਤੇ ਅਭਿਨੇਤਰੀ ਪ੍ਰਵੀਨ ਦੁਸਾਂਜ ਉਸ ਸਮੇਂ ਅਚਾਨਕ ਚਰਚਾ 'ਚ ਆ ਗਈ ਸੀ ਜਦੋਂ ਉਸ ਨੇ 29 ਸਾਲ ਵੱਡੇ ਅਭਿਨੇਤਾ ਕਬੀਰ ਬੇਦੀ ਨਾਲ ਵਿਆਹ ਕਰਵਾਇਆ ਸੀ।
ਬ੍ਰਿਟਿਸ਼ ਮੂਲ ਦੀ ਅਦਾਕਾਰਾ ਪ੍ਰਵੀਨ ਤੇ ਕਬੀਰ ਬੇਦੀ ਨੇ 10 ਸਾਲ ਦੇ ਅਫੇਅਰ ਤੋਂ ਬਾਅਦ ਵਿਆਹ ਕਰਵਾਇਆ ਸੀ। ਪ੍ਰਵੀਨ ਨਾਲ ਕਬੀਰ ਦਾ ਇਹ ਚੌਥਾ ਵਿਆਹ ਸੀ।
ਆਪਣੇ 70ਵੇਂ ਜਨਮਦਿਨ 'ਤੇ ਸਾਲ 2016 'ਚ ਕਬੀਰ ਨੇ ਪ੍ਰਵੀਨ ਨਾਲ ਵਿਆਹ ਕਰਵਾਇਆ ਸੀ। ਪ੍ਰਵੀਨ ਮਾਡਲ ਤੇ ਅਦਾਕਾਰਾ ਤੋਂ ਇਲਾਵਾ ਟੀ. ਵੀ. ਪ੍ਰੋਡਿਊਸਰ ਵੀ ਹੈ।
ਵਿਆਹ ਤੋਂ ਪਹਿਲਾ ਪ੍ਰਵੀਨ ਕਈ ਸਾਲਾਂ ਤੱਕ ਕਬੀਰ ਨਾਲ ਲਿਵਇਨ 'ਚ ਰਹੀ। ਕਮਾਲ ਦੀ ਗੱਲ ਤਾਂ ਇਹ ਹੈ ਕਿ ਪ੍ਰਵੀਨ, ਕਬੀਰ ਬੇਦੀ ਦੀ ਬੇਟੀ ਪੂਜਾ ਬੇਦੀ ਤੋਂ 4 ਸਾਲ ਛੋਟੀ ਹੈ।
ਪ੍ਰਵੀਨ ਦੁਸਾਂਜ ਮਾਡਲ ਨਿਨ ਦੁਸਾਂਜ ਦੀ ਭੈਣ ਹੈ। ਪ੍ਰਵੀਨ 6 ਭੈਣ-ਭਰਾਵਾਂ 'ਚੋਂ ਸਭ ਤੋਂ ਵੱਡੀ ਹੈ।
ਪ੍ਰਵੀਨ ਤੇ ਕਬੀਰ ਦੀ ਪਹਿਲੀ ਮੁਲਾਕਾਤ ਲੰਡਨ 'ਚ ਹੋਈ ਸੀ। ਪਹਿਲਾ ਕਬੀਰ ਨਾਲ ਵਿਆਹ ਲਈ ਪ੍ਰਵੀਨ ਦੇ ਘਰ ਵਾਲੇ ਰਾਜੀ ਨਹੀਂ ਸਨ ਪਰ ਬਾਅਦ 'ਚ ਸਾਰੇ ਮੰਨ ਗਏ ਸਨ।