ਜਲੰਧਰ— ਸਾਫ ਸੁਥਰੀ ਗਾਇਕੀ ਕਰ ਕੇ ਹਰ ਵਰਗ ਦੇ ਪੰਜਾਬੀਆਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਗਾਇਕ ਕੰਠ ਕਲੇਰ ਕੈਨੇਡਾ ਦੇ ਡੇਢ ਮਹੀਨੇ ਦੇ ਸਫਲ ਸੰਗੀਤਕ ਦੌਰੇ ਉਪਰੰਤ ਵਤਨ ਪਰਤ ਆਏ ਹਨ। ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਕਮਲ ਕਲੇਰ ਨੇ ਦੱਸਿਆ ਕਿ ਕਨੇਡਾ ਦੇ ਉੱਘੇ ਪ੍ਰਮੋਟਰ ਬਿਲ ਬਸਰਾ, ਪਰਮਜੀਤ ਬਾਜਵਾ ਅਤੇ ਸੁੱਖ ਅਲਫਾ ਟਰੱਕਿੰਗ ਦੇ ਵਿਸ਼ੇਸ਼ ਸੱਦੇ ਤੇ ਕੈਨੇਡਾ ਗਏ।
ਕੰਠ ਕਲੇਰ ਵਲੋਂ ਕੀਤੇ ਗਏ ਸਾਰੇ ਹੀ ਸ਼ੋਅ ਸਫਲ ਰਹੇ ਅਤੇ ਇਸੇ ਦੌਰਾਨ ਹੀ ਕੰਠ ਕਲੇਰ ਵਲੋਂ ਕੁਝ ਗੀਤਾਂ ਦੇ ਵੀਡੀਓ ਵੀ ਪ੍ਰਸਿੱਧ ਵੀਡੀਓ ਡਾਇਰੈਕਟਰ ਨਵਰਾਜ ਰਾਜਾ ਦੀ ਨਿਰਦੇਸ਼ਨਾ ਵਿਚ ਫਿਲਮਾਏ ਗਏ ਜੋ ਜਲਦੀ ਹੀ ਵੱਖ ਵੱਖ ਚੈਨਲਾਂ 'ਤੇ ਵੇਖਣ ਨੂੰ ਮਿਲਣਗੇ। ਉਨ੍ਹਾਂ ਨੇ ਦੱਸਿਆ ਕਿ ਕੰਠ ਕਲੇਰ ਆਪਣੀ ਸੁਰੀਲੀ ਗਾਇਕੀ ਨਾਲ ਪੰਜਾਬੀਆਂ ਦੀ ਸੇਵਾ ਕਰਨ ਲਈ ਦਿਨ ਰਾਤ ਉਪਲਬਧ ਹਨ।