ਮੁੰਬਈ (ਬਿਊਰੋ)— ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਪਿਛਲੇ ਇਕ ਸਾਲ ਤੋਂ ਲਗਾਤਾਰ ਵਿਵਾਦਾਂ 'ਚ ਰਹੇ ਹਨ। ਕਪਿਲ ਲਈ ਪਿਛਲਾ ਸਾਲ ਕਾਫੀ ਮੁਸ਼ਕਿਲਾਂ ਭਰਿਆ ਰਿਹਾ ਹੈ। ਜਿੱਥੇ ਸੁਨੀਲ ਗਰੋਵਰ ਨਾਲ ਲੜ੍ਹਾਈ ਤੋਂ ਬਾਅਦ ਕਪਿਲ ਸ਼ਰਮਾ ਦਾ ਕਾਮੇਡੀ ਸ਼ੋਅ 'ਦਿ ਕਪਿਲ ਸ਼ਰਮਾ' ਬੰਦ ਹੋ ਗਿਆ, ਇਸ ਤੋਂ ਬਾਅਦ ਉਨ੍ਹਾਂ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਫਿਰੰਗੀ' ਵੀ ਬਾਕਸ ਆਫਿਸ 'ਤੇ ਫਲਾਪ ਰਹੀ।
ਹੁਣ ਕਪਿਲ ਆਪਣੇ ਹੇਠਾਂ ਜਾਂਦੇ ਕਰੀਅਰ ਨੂੰ ਸੰਵਾਰਨ ਲਈ ਜਲਦ ਨਵੇਂ ਲੁੱਕ 'ਚ ਦਿਖਾਈ ਦੇਣ ਵਾਲੇ ਹਨ। ਖਬਰ ਮੁਤਾਬਕ ਕਪਿਲ ਹੁਣ ਟੀ. ਵੀ. 'ਤੇ ਕਾਮੇਡੀ ਸ਼ੋਅ ਨਹੀਂ ਬਲਕਿ ਇਕ ਗੇਮ ਸ਼ੋਅ ਲਿਆਉਣ ਦਾ ਪਲਾਨ ਕਰ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਹੁਣ ਕਪਿਲ ਸ਼ੋਅ ਨੂੰ ਇਕ ਨਵੇਂ ਜ਼ੋਨ 'ਚ ਲਿਜਾਉਣ ਦੀ ਤਿਆਰੀ ਕਰ ਰਹੇ ਹਨ। ਇਸ ਪਲਾਨ ਲਈ ਉਹ ਹਾਲ ਹੀ 'ਚ ਸੋਨੀ ਟੀ.ਵੀ. ਨਾਲ ਮਿਲੇ ਸਨ, ਜਿੱਥੇ ਉਨ੍ਹਾਂ ਨੇ ਚੈਨਲ ਨੂੰ ਇਕ ਗੇਮ ਸ਼ੋਅ ਦੇ ਬਾਰੇ 'ਚ ਦੱਸਿਆ।
ਰਿਪੋਰਟ ਮੁਤਾਬਕ ਕਪਿਲ ਆਪਣੀ ਕਰੀਬੀ ਦੋਸਤ ਨਿਕੁੰਜ ਮਲਿਕ ਨਾਲ ਇਕ ਸ਼ੋਅ ਕਰਨਾ ਚਾਹੁੰਦੇ ਹਨ। ਇੱਥੇ ਦੱਸਣਯੋਗ ਹੈ ਕਿ ਨਿਕੁੰਜ ਮੱਲਿਕ ਨੇ ਰਾਹੁਲ ਮਹਾਜਨ ਦੇ 'ਸਵੰਯਬਰ' 'ਚ ਹਿੱਸਾ ਲਿਆ ਸੀ। ਸਾਲਾਂ ਤੋਂ ਦਰਸ਼ਕਾਂ ਨੂੰ ਆਪਣੀ ਕਾਮੇਡੀ ਨਾਲ ਐਂਟਰਟੇਨ ਕਰਨ ਵਾਲੇ ਕਪਿਲ ਸ਼ਰਮਾ ਨੂੰ ਲੱਗਦਾ ਹੈ ਕਿ ਹੁਣ ਉਨ੍ਹਾਂ ਨੂੰ ਗੇਮ ਸ਼ੋਅ ਲੈ ਕੇ ਆਉਣਾ ਚਾਹੀਦਾ ਹੈ।
ਉਂਝ ਹੁਣ ਦੇਖਣਾ ਦਿਸਚਸਪ ਹੋਵੇਗਾ ਕਿ ਕਪਿਲ ਦਾ ਇਹ ਨਵਾਂ ਸ਼ੋਅ ਕੀ ਉਨ੍ਹਾਂ ਦੇ ਪੁਰਾਣੇ ਸ਼ੋਅ ਵਾਂਗ ਹੀ ਹਿੱਟ ਹੋਵੇਗਾ ਜਾਂ ਨਹੀਂ।'' ਇਸ ਤੋਂ ਇਲਾਵਾ ਕਪਿਲ ਇਸ ਸਮੇਂ ਆਪਣੀ ਕੰਪਨੀ ਰਾਹੀਂ ਪਾਲੀਵੁੱਡ 'ਚ ਵੀ ਬਤੌਰ ਨਿਰਮਾਤਾ ਫਿਲਮ ਲੈ ਕੇ ਆ ਰਹੇ ਹਨ, ਜੋ ਕਿ ਬੱਚਿਆਂ ਦੇ ਆਧਾਰਿਤ ਹੈ। ਇਸ ਬਾਰੇ ਗੁਰਪ੍ਰੀਤ ਘੁੱਗੀ ਨੇ ਦੱਸਿਆ ਸੀ ਕਿ ਇਹ ਫਿਲਮ ਮਰਾਠੀ ਫਿਲਮ ਦਾ ਰੀਮੇਕ ਹੈ।