ਮੁੰਬਈ (ਬਿਊਰੋ)— ਅਭਿਨੇਤਰੀ ਕਰੀਨਾ ਕਪੂਰ ਲੰਡਨ ਤੋਂ ਛੁੱਟੀਆਂ ਮਨਾ ਕੇ ਵਾਪਸ ਭਾਰਤ ਆ ਗਈ ਹੈ। ਅੱਜ ਕਰੀਨਾ ਕਪੂਰ ਨੂੰ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ। ਹਮੇਸ਼ਾ ਵਾਂਗ ਇਥੇ ਵੀ ਕਰੀਨਾ ਨੇ ਆਪਣੇ ਸਟਾਈਲ ਨਾਲ ਸਭ ਨੂੰ ਆਕਰਸ਼ਿਤ ਕੀਤਾ।
ਕਰੀਨਾ ਕਪੂਰ ਵਾਈਟ ਸ਼ਰਟ ਤੇ ਜੀਨਜ਼ 'ਚ ਨਜ਼ਰ ਆਈ। ਲਾਲ ਲਿਪਸਟਿਕ ਤੇ ਅੱਖਾਂ 'ਤੇ ਐਨਕਾਂ ਉਸ ਦੀ ਖੂਬਸੂਰਤੀ ਨੂੰ ਹੋਰ ਵਧਾ ਰਹੀਆਂ ਸਨ। ਹਾਲਾਂਕਿ ਇਥੇ ਤੈਮੂਰ ਤੇ ਸੈਫ ਨਜ਼ਰ ਨਹੀਂ ਆਏ।
ਦੱਸਣਯੋਗ ਹੈ ਕਿ ਕਰੀਨਾ ਕਪੂਰ ਨੇ ਸੈਫ ਨਾਲ ਲੰਡਨ 'ਚ ਛੁੱਟੀਆਂ ਦੌਰਾਨ ਇਕ ਐਡ ਦੀ ਸ਼ੂਟਿੰਗ ਵੀ ਕੀਤੀ। ਕੁਝ ਸਮਾਂ ਪਹਿਲਾਂ ਕਰੀਨਾ ਫਿਲਮ 'ਵੀਰੇ ਦੀ ਵੈਡਿੰਗ' 'ਚ ਨਜ਼ਰ ਆਈ। ਇਸ ਫਿਲਮ ਨੇ ਚੰਗੀ ਕਮਾਈ ਕੀਤੀ ਹੈ।