ਨਵੀਂ ਦਿੱਲੀ— ਬਾਲੀਵੁੱਡ ਨਿਰਦੇਸ਼ਕ ਆਨੰਦ ਐਲ ਰਾਏ ਦੀ ਅਗਲੀ ਫਿਲਮ ਲਗਾਤਾਰ ਚਰਚਾ 'ਚ ਬਣੀ ਹੋਈ ਹੈ। ਇਸ ਫਿਲਮ 'ਚ ਮੁੱਖ ਕਿਰਦਾਰ 'ਚ ਸ਼ਾਹਰੁਖ ਖਾਨ ਨਜ਼ਰ ਆਉਣਗੇ। ਖਬਰ ਇਹ ਹੈ ਕਿ ਇਸ ਫਿਲਮ 'ਚ ਉਨ੍ਹਾਂ ਦੇ ਨਾਲ ਕਰੀਨਾ ਕਪੂਰ ਖਾਨ ਨੂੰ ਪਹਿਲੀ ਪਸੰਦ ਬਣਾਇਆ ਗਿਆ ਸੀ ਪਰ ਕਰੀਨਾ ਨੇ ਇਸ ਫਿਲਮ ਨੂੰ ਨਾ ਕਹਿ ਦਿੱਤਾ ਹੈ।
ਦੱਸਣਯੋਗ ਹੈ ਕਿ ਕੁੱਝ ਦਿਨ ਪਹਿਲਾਂ ਹੀ ਇਸ ਫਿਲਮ ਦੇ ਸੈਟ ਤੋਂ ਸ਼ਾਹਰੁੱਖ ਦੀ ਇੱਕ ਤਸਵੀਰ ਸਾਹਮਣੇ ਆਈ ਸੀ, ਜੋ ਕੁੱਝ ਮਿੰਟਾਂ 'ਚ ਕਾਫੀ ਵਾਇਰਲ ਹੋ ਗਈ ਸੀ। ਕਰੀਨਾ ਦੇ ਨਾ ਕਹਿਣ ਦੇ ਬਾਅਦ ਸ਼ਾਹਰੁਖ ਹੀਰੋਇਨ ਦੀ ਤਲਾਸ਼ 'ਚ ਲੱਗੇ ਹੋਏ ਹਨ। ਪਿਛਲੇ ਕਈ ਮਹੀਨੀਆਂ ਤੋਂ ਇਸ ਫਿਲਮ ਲਈ ਕਈ ਹੀਰੋਇਨਾਂ ਦਾ ਨਾਂ ਸਾਹਮਣੇ ਆਇਆ। ਖਬਰਾਂ ਦੀ ਮੰਨੀਏ ਤਾਂ ਅਨੁਸ਼ਕਾ ਸ਼ਰਮਾ ਅਤੇ ਕੈਟਰੀਨਾ ਕੈਫ ਨੂੰ ਇਸ ਫਿਲਮ ਲਈ ਫਾਇਨਲ ਕਰ ਲਿਆ ਗਿਆ ਹੈ।