ਮੁੰਬਈ(ਬਿਊਰੋ)— ਜਿਵੇਂ ਕਿ ਸਾਰੇ ਜਾਣਦੇ ਹਨ ਕਿ ਬਾਲੀਵੁੱਡ 'ਚ ਅਭਿਸ਼ੇਕ ਬੱਚਨ ਤੇ ਕਰਿਸ਼ਮਾ ਕਪੂਰ ਦਾ ਫਿਲਮੀ ਸਫਰ ਕਾਫੀ ਯਾਦਗਾਰ ਰਿਹਾ ਹੈ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਆਖੀਰ ਉਹ ਕਿਹੜੀ ਵਜ੍ਹਾ ਸੀ, ਜਿਸ ਕਾਰਨ ਇਨ੍ਹਾਂ ਦੋਹਾਂ ਦਾ ਰਿਸ਼ਤਾ ਇਕ ਝਟਕੇ 'ਚ ਇਸ ਕਦਰ ਟੁੱਟਿਆ ਕਿ ਮੁੜ ਕਦੇ ਜੁੜ ਨਹੀਂ ਸਕਿਆ? ਜੇਕਰ ਤੁਹਾਨੂੰ ਨਹੀਂ ਪਤਾ ਤਾਂ ਪਰੇਸ਼ਾਨ ਨਾ ਹੋਵੋ।
ਅੱਜ ਅਸੀਂ ਤੁਹਾਨੂੰ ਇਨ੍ਹਾਂ ਬਾਰੇ ਹੀ ਦੱਸਣ ਵਾਲੇ ਹਾਂ। ਜਾਣਕਾਰੀ ਮੁਤਾਬਕ ਕਰਿਸ਼ਮਾ ਕਪੂਰ ਬਿਜ਼ਨੈੱਸਮੈਨ ਸੰਜੇ ਕਪੂਰ ਤੋਂ ਪਹਿਲਾਂ ਅਭਿਸ਼ੇਕ ਬੱਚਨ ਨੂੰ ਡੇਟ ਕਰ ਰਹੀ ਸੀ।
ਇੱਥੋਂ ਤੱਕ ਕੀ ਇਨ੍ਹਾਂ ਦੋਹਾਂ ਨੇ ਮੰਗਣੀ ਵੀ ਕਰ ਲਈ ਸੀ ਪਰ ਇਸ ਸ਼ਖਸ ਦੀ ਵਜ੍ਹਾ ਕਾਰਨ ਇਨ੍ਹਾਂ ਦਾ ਇਹ ਰਿਸ਼ਤਾ ਅੱਗੇ ਨਹੀਂ ਵੱਧ ਸਕਿਆ। ਜੀ ਹਾਂ ਜਿਸ ਸ਼ਖਸ ਨੇ ਇਨ੍ਹਾਂ ਦੇ ਰਿਸ਼ਤੇ ਨੂੰ ਅੱਗੇ ਨਹੀਂ ਵੱਧਣ ਦਿੱਤਾ ਸੀ ਉਹ ਹੋਰ ਕੋਈ ਨਹੀਂ ਬਲਕਿ ਕਰਿਸ਼ਮਾ ਕਪੂਰ ਦੀ ਮਾਂ ਬਬੀਤਾ ਸੀ।
ਖਬਰਾਂ ਦੀ ਮੰਨੀਏ ਤਾਂ ਦੱਸਿਆ ਜਾਂਦਾ ਹੈ ਕਿ ਬਬੀਤਾ ਨੂੰ ਅਭਿਸ਼ੇਕ ਵਧੇਰੇ ਪਸੰਦ ਨਹੀਂ ਸਨ ਪਰ ਇਸ ਤੋਂ ਬਾਅਦ ਵੀ ਆਪਣੀ ਮਾਂ ਦੇ ਵਿਰੁੱਧ ਜਾ ਕੇ ਕਰਿਸ਼ਮਾ ਨੇ ਅਭਿਸ਼ੇਕ ਨਾਲ ਮੰਗਣੀ ਕੀਤੀ ਸੀ। ਜਯਾ ਬੱਚਨ ਨੂੰ ਜਦੋਂ ਇਹ ਗੱਲ ਅਭਿਸ਼ੇਕ ਨੇ ਦੱਸੀ ਤਾਂ ਉਨ੍ਹਾਂ ਨੇ ਵੀ ਅਭਿਸ਼ੇਕ ਨੂੰ ਇਹ ਮੰਗਣੀ ਤੋੜਣ ਲਈ ਪ੍ਰੇਰਿਤ ਕੀਤਾ।
ਉਸ ਦੌਰਾਨ ਕਰਿਸ਼ਮਾ ਬਾਲੀਵੁੱਡ ਦੀ ਸਫਲ ਅਦਾਕਾਰਾਂ 'ਚ ਗਿਣੀ ਜਾਂਦੀ ਸੀ ਤੇ ਅਭਿਸ਼ੇਕ ਦੀਆਂ ਉਸ ਦੌਰਾਨ ਲਗਾਤਾਰ ਫਿਲਮਾਂ ਫਲਾਪ ਹੋ ਰਹੀਆਂ ਸਨ।ਇਸ ਕਾਰਨ ਬਬੀਤਾ ਨੂੰ ਇਹ ਡਰ ਸੀ ਕਿ ਜੇਕਰ ਅਭਿਸ਼ੇਕ ਕਰੀਅਰ 'ਚ ਸਫਲ ਨਹੀਂ ਹੋਏ ਤਾਂ ਉਨ੍ਹਾਂ ਦੀ ਬੇਟੀ ਦਾ ਕੀ ਬਣੇਗਾ? ਇਸੇ ਕਾਰਨ ਬਬੀਤਾ ਨੇ ਕਰਿਸ਼ਮਾ ਨੂੰ ਮੰਗਣੀ ਤੋੜਣ ਲਈ ਕਿਹਾ।
ਇਨ੍ਹਾਂ ਦੋਹਾਂ ਦਾ ਰਿਸ਼ਤਾ ਇੰਨਾ ਅੱਗੇ ਵੱਧ ਚੁੱਕਾ ਸੀ ਕਿ ਕਰੀਨਾ ਸੈੱਟ 'ਤੇ ਵੀ ਅਭਿਸ਼ੇਕ ਨੂੰ ਜੀਜੂ ਕਹਿ ਕੇ ਬੁਲਾਉਂਦੀ ਸੀ। ਯਾਦ ਹੋਵੇਂ ਤਾਂ ਅਭਿਸ਼ੇਕ ਦੀ ਪਹਿਲੀ ਫਿਲਮ 'ਚ ਕਰੀਨਾ ਹੀ ਉਨ੍ਹਾਂ ਦੇ ਆਪੋਜ਼ਿਟ ਪੇਅਰ ਕੀਤੀ ਗਈ ਸੀ।
ਮਤਲਬ ਸਾਫ ਹੈ ਕਿ ਕਰਿਸ਼ਮਾ ਦੀ ਮਾਂ ਬਬੀਤਾ ਜੇਕਰ ਦੋਹਾਂ ਦੇ ਰਿਸ਼ਤੇ 'ਚ ਵਿਲੇਨ ਨਾ ਬਣਦੀ ਤਾਂ ਅੱਜ ਕਰਿਸ਼ਮਾ ਤੇ ਅਭਿਸ਼ੇਕ ਇੱਕਠੇ ਹੁੰਦੇ। ਦੇਖਿਆ ਜਾਵੇ ਤਾਂ ਕਰਿਸ਼ਮਾ ਨੇ ਵੀ ਆਪਣੀ ਜ਼ਿੰਦਗੀ 'ਚ ਕਾਫੀ ਉਤਾਅ-ਚੜਾਅ ਦੇਖੇ ਹਨ।
ਕਰਿਸ਼ਮਾ ਦਾ ਤਲਾਕ ਵੀ ਹੋ ਚੁੱਕਾ ਹੈ ਤੇ ਹੁਣ ਇਹ ਖਬਰ ਸਾਹਮਣੇ ਆਈ ਹੈ ਕਿ ਕਰਿਸ਼ਮਾ ਆਪਣੇ ਪ੍ਰੇਮੀ ਸੰਦੀਪ ਤੋਸ਼ਨੀਵਾਲ ਨਾਲ ਜਲਦ ਵਿਆਹ ਦੇ ਬੰਧਨ 'ਚ ਬੱਝਣ ਵਾਲੀ ਹੈ।