ਮੁੰਬਈ— ਕੈਟਰੀਨਾ ਕੈਫ ਇਨ੍ਹੀਂ ਦਿਨੀਂ ਆਪਣੀ ਅਗਾਮੀ ਫਿਲਮ 'ਜੱਗਾ ਜਾਸੂਸ' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਅਸਲ 'ਚ ਉਹ ਲੰਮੇ ਸਮੇਂ ਬਾਅਦ ਆਪਣੇ ਸਾਬਕਾ ਪ੍ਰੇਮੀ ਰਣਬੀਰ ਕਪੂਰ ਨਾਲ ਪਰਦੇ 'ਤੇ ਨਜ਼ਰ ਆਵੇਗੀ। ਉਂਝ ਇਸ ਸਭ ਦੇ ਵਿਚਾਲੇ ਕੈਟਰੀਨਾ ਦੀ ਇਕ ਤਸਵੀਰ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਹ ਲੀਬੀਆ ਦੇ ਤਾਨਾਸ਼ਾਹ ਰਹੇ ਮੁਅੱਮਰ ਨਾਲ ਨਜ਼ਰ ਆ ਰਹੀ ਹੈ। ਇਹ ਤਸਵੀਰ ਮਾਡਲ ਸ਼ਮਿਤਾ ਸਿੰਘਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਜਿਥੇ ਕੈਟਰੀਨਾ ਕੈਫ ਮੁਅੱਮਰ ਗੱਦਾਫੀ ਦੇ ਖੱਬੇ ਪਾਸੇ ਦਿਖ ਰਹੀ ਹੈ, ਉਥੇ ਨੇਹਾ ਧੂਪੀਆ ਉਸ ਦੇ ਸੱਜੇ ਪਾਸੇ ਬੈਠੀ ਹੈ। ਉਥੇ ਕੁਝ ਮਾਡਲਾਂ ਖੜ੍ਹੀਆਂ ਹਨ, ਜਿਨ੍ਹਾਂ 'ਚ ਖੱਬੇ ਪਾਸੇ ਅਦਿਤੀ ਗੋਵਿਤਰੀਕਰ ਤੇ ਆਂਚਲ ਕੁਮਾਰ ਵੀ ਨਜ਼ਰ ਆ ਰਹੀਆਂ ਹਨ। ਤਸਵੀਰ ਨਾਲ ਸ਼ਮਿਤਾ ਨੇ ਲਿਖਿਆ, '15 ਸਾਲ ਪਹਿਲਾਂ ਅਸੀਂ ਸਾਰੇ ਲੀਬੀਆ 'ਚ ਇਕ ਫੈਸ਼ਨ ਸ਼ੋਅ ਲਈ ਗਏ ਸੀ, ਜਿਥੇ ਸਾਡੀ ਮੁਲਾਕਾਤ ਮਿਸਟਰ ਗੱਦਾਫੀ ਨਾਲ ਹੋਈ ਸੀ। ਗਰਲਜ਼! ਕੀ ਤੁਹਾਨੂੰ ਉਹ ਟਰਿੱਪ ਯਾਦ ਹੈ?'