ਮੁੰਬਈ— ਟੀ. ਵੀ. ਜਗਤ ਦੀ ਮਸ਼ਹੂਰ ਅਭਿਨੇਤਰੀ ਕਵਿਤਾ ਕੌਸ਼ਿਕ ਨੇ ਜਨਮ ਅਸ਼ਟਮੀ ਮੌਕੇ 'ਦਹੀਂ ਹਾਂਡੀ' ਦੇ ਪ੍ਰੋਗਰਾਮ 'ਚ ਸ਼ਿਰਕਤ ਕਰਕੇ ਕਾਫੀ ਧਮਾਲ ਮਚਾਈ ਹੈ। ਸਬ ਟੀ. ਵੀ. ਦੇ ਸੀਰੀਅਲ 'ਐੱਫ. ਆਈ. ਆਰ.' ਨਾਲ ਲੋਕਾਂ ਦੇ ਦਿਲਾਂ 'ਚ ਜਗ੍ਹਾ ਬਣਾਉਣ ਵਾਲੀ ਇਸ ਅਭਿਨੇਤਰੀ ਨੇ 'ਦਹੀਂ ਹਾਂਡੀ' ਦੇ ਪ੍ਰੋਗਰਾਮ 'ਚ ਸਿਰਫ ਸ਼ਿਰਕਤ ਹੀ ਨਹੀਂ ਕੀਤੀ, ਸਗੋਂ ਖੁਦ ਗੋਵਿੰਦਾ ਬਣ ਕੇ ਮਨੁੱਖੀ ਪਿਰਾਮਿਡ 'ਤੇ ਚੜ੍ਹੀ ਤੇ ਮਟਕੀ ਭੰਨੀ। ਕਵਿਤਾ ਨੇ 'ਦਹੀਂ ਹਾਂਡੀ' ਦੇ ਪ੍ਰੋਗਰਾਮ ਦੀਆਂ ਇਹ ਤਸਵੀਰਾਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਰਾਹੀਂ ਸ਼ੇਅਰ ਕੀਤੀਆਂ ਹਨ। ਦੱਸਣਯੋਗ ਹੈ ਕਿ ਸੀਰੀਅਲ 'ਐੱਫ. ਆਈ. ਆਰ.' 'ਚ ਕਵਿਤਾ ਇਕ ਪੁਲਸ ਇੰਸਪੈਕਟਰ ਦਾ ਕਿਰਦਾਰ ਨਿਭਾਉਂਦੀ ਹੈ। ਇਹ ਇਕ ਕਾਮੇਡੀ ਸ਼ੋਅ ਹੈ। ਕਵਿਤਾ ਕੌਸ਼ਿਕ ਆਪਣੇ ਫੈਨਜ਼ ਵਿਚਾਲੇ ਚੰਦਰਮੁਖੀ ਚੌਟਾਲਾ ਦੇ ਨਾਂ ਨਾਲ ਮਸ਼ਹੂਰ ਹੈ।