ਲਾਸ ਏਂਜਲਸ— ਰਿਐਲਿਟੀ ਟੀ. ਵੀ. ਸਟਾਰ ਕਿਮ ਕਾਦਰਸ਼ੀਆਂ ਦਾ ਕਹਿਣਾ ਹੈ ਕਿ ਇਕ ਵਾਰ ਉਸ ਨੇ ਫੈਸ਼ਨ ਡਿਜ਼ਾਈਨਰ ਨਿਕੋਲ ਰਿਕੀ ਨਾਲ ਮਿਲ ਕੇ ਇਕ ਲਿਪਸਟਿਕ ਚੋਰੀ ਕੀਤੀ ਸੀ। ਆਪਣੀ ਅਧਿਕਾਰਕ ਵੈੱਬਸਾਈਟ 'ਤੇ ਇਕ ਪੋਸਟ 'ਚ ਕਿਮ ਨੇ ਉਹ ਵਾਕਿਆ ਯਾਦ ਕੀਤਾ, ਜਦੋਂ ਉਸ ਨੇ 11 ਸਾਲ ਦੀ ਉਮਰ 'ਚ ਇਕ ਦੁਕਾਨ ਤੋਂ ਲਿਪਸਟਿਕ ਚੋਰੀ ਕੀਤੀ ਸੀ। ਕਿਮ ਦਾ ਕਹਿਣਾ ਹੈ ਕਿ ਉਸ ਨੂੰ ਬਚਪਨ ਤੋਂ ਹੀ ਖੂਬਸੂਰਤ ਦਿਖਣ ਦਾ ਸ਼ੌਕ ਸੀ। ਕਿਮ ਨੇ ਲਿਖਿਆ, 'ਜਦੋਂ ਮੈਂ ਤੇ ਨਿਕੋਲ ਰਿਕੀ ਲਗਭਗ 11 ਸਾਲ ਦੇ ਸੀ ਤਾਂ ਅਸੀਂ ਮਾਲਿਬੂ 'ਚ ਇਕ ਦੁਕਾਨ 'ਚ ਗਏ ਤੇ ਇਕ ਲਿਪਸਟਿਕ ਉਠਾ ਲਈ।' ਕਿਮ ਨੇ ਅੱਗੇ ਲਿਖਿਆ, 'ਮੈਨੂੰ ਲਿਪਸਟਿਕ ਦੇ ਸ਼ੇਡ ਦਾ ਨਾਂ ਯਾਦ ਨਹੀਂ ਹੈ ਪਰ ਉਹ ਰੇਵਲੌਨ ਦੀ ਭੂਰੇ ਰੰਗ ਦੀ ਲਿਪਸਟਿਕ ਸੀ।'