ਮੁੰਬਈ (ਬਿਊਰੋ)— ਹਾਲੀਵੁੱਡ ਅਭਿਨੇਤਰੀ ਅਤੇ ਰਿਐਲਿਟੀ ਸਟਾਰ ਕਿਮ ਕਾਰਦਸ਼ੀਆਂ ਕੈਲੀਫੋਰਨੀਆ ਸਥਿਤ Hidden Hills ਬੰਗਲੇ 'ਚ ਰਿਨੋਵੇਸ਼ਨ ਤੋਂ ਬਾਅਦ ਪਰਿਵਾਰ ਨਾਲ ਸ਼ਿਫਟ ਹੋ ਗਈ ਹੈ। ਉਨ੍ਹਾਂ 128 ਕਰੋੜ ਰੁਪਏ 'ਚ ਇਹ ਬੰਗਲਾ 2014 'ਚ ਲਿਆ ਸੀ। 5 ਏਕੜ 'ਚ ਫੈਲਿਆ ਇਹ ਬੰਗਲਾ ਪਹਿਲੀ ਨਜ਼ਰ 'ਚ ਦੇਖਣ 'ਚ ਬੇਹੱਦ ਸ਼ਾਨਦਾਰ ਹੈ। ਡਬਲ ਸਟੋਰੀ ਵਾਲੇ ਇਸ ਬੰਗਲੇ 'ਚ ਕਿਮ ਨੇ ਲੈਗੂਨ ਬਣਵਾਇਆ ਹੈ।
ਕਿਮ ਦੇ Hidden Hills ਬੰਗਲੇ 'ਚ ਇਕ ਵੱਡਾ ਜਿਮ, ਬਾਸਕਿਟ ਬਾਲ ਕੋਰਟ, ਹੇਅਰ ਸੈਲੂਨ, ਸਪਾਅ ਅਤੇ ਮਸਾਜ਼ ਰੂਮ ਹਨ। ਇਸ ਤੋਂ ਇਲਾਵਾ ਡਬਲ ਸਟੋਰੀ ਪਲੇਅਰੂਮ, ਮਿਊਜ਼ਿਕ ਸਟੂਡਿਊ, ਫਿਲਮ ਥਿਏਟਰ ਹਨ। ਇਸ ਬੰਗਲੇ ਦਾ ਹਰ ਰੂਮ ਵੱਖਰੇ ਅੰਦਾਜ਼ 'ਚ ਨਾਲ ਸਜਾਇਆ ਗਿਆ ਹੈ। ਬੰਗਲੇ ਦੇ ਆਊਟਸਾਈਡ ਏਰੀਆ 'ਚ ਗਾਰਡਨ, ਸਵੀਮਿੰਗ ਪੂਲ ਅਤੇ ਹੌਟ ਟੱਬ ਹਨ।
ਇਸ ਬੰਗਲੇ 'ਚ ਸਭ ਤੋਂ ਬਿਹਤਰੀਨ ਕੁਕਿੰਗ ਏਰੀਆ ਹੈ। ਇਸ ਦਾ ਕਿਚਨ ਕਾਫੀ ਖਾਸ ਹੈ। ਕਿਚਨ ਦੇ ਸੈਂਟਰ 'ਚ ਇਕ ਵੱਡਾ ਸਟੈਂਡ ਹੈ। ਇੱਥੇ ਕੁਕਿੰਗ ਲਈ ਸਭ ਆਧੁਨਿਕ ਸਹੂਲਤਾਂ ਮੌਜੂਦ ਹਨ। ਕਿਚਨ 'ਚ ਝੂਮਰ ਅਤੇ ਲਾਈਟਿੰਗ ਲਗਾਈ ਗਈ ਹੈ। ਬੱਚਿਆਂ ਦੇ ਖੇਡਨ ਲਈ ਗੇਮ ਰੂਮ ਵੱਖਰੇ ਤੋਂ ਹਨ।