ਲੰਡਨ(ਬਿਊਰੋ)— ਹਾਲ ਹੀ 'ਚ ਰਿਐਲਿਟੀ ਸਟਾਰ ਕਿਮ ਕਰਦਾਸ਼ੀਅਨ ਸੈਰੋਗੇਸੀ ਰਾਹੀ ਤੀਜੀ ਵਾਰ ਮਾਂ ਬਣੀ ਹੈ। ਉਨ੍ਹਾਂ ਦੇ ਤੀਜੇ ਬੱਚੇ ਦਾ ਨਾਂ ਸ਼ਿਕਾਗੋ ਹੈ। ਕਾਫੀ ਸਮੇਂ ਤੋਂ ਕਿਮ ਆਪਣੀਆਂ ਪਰਿਵਾਰਕ ਤੇ ਮਾਂ ਦੀਆਂ ਜ਼ਿੰਮੇਵਾਰੀਆਂ 'ਚ ਰੁੱਝੀ ਹੋਈ ਸੀ ਪਰ ਹੁਣ ਇਕ ਵਾਰ ਫਿਰ ਤੋਂ ਕਿਮ ਆਪਣੇ ਬੋਲਡ ਅੰਦਾਜ਼ 'ਚ ਵਾਪਸ ਆ ਗਈ ਹੈ।
ਅਸਲ 'ਚ ਕਿਮ ਕਰਦਾਸ਼ੀਅਨ ਨੇ ਇਹ ਫੋਟੋਸ਼ੂਟ 'ਐਲੀ ਮੈਗਜ਼ੀਨ ਅਪ੍ਰੈਲ 2018' ਲਈ ਕਰਵਾਇਆ ਹੈ, ਜਿਸ ਦੀਆਂ ਤਸਵੀਰ ਸਾਹਮਣੇ ਆਈਆਂ ਹਨ। ਇਨ੍ਹਾਂ 'ਚੋ ਇਕ ਤਸਵੀਰ ਕਿਮ ਨੇ ਆਪਣੇ ਇੰਸਟਗਾਰਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀ ਹੈ।
ਇਨ੍ਹਾਂ ਤਸਵੀਰਾਂ 'ਚ ਉਨ੍ਹਾਂ ਦਾ ਕਾਤਿਲਾਨਾ ਅੰਦਾਜ਼ ਪ੍ਰਸ਼ੰਸਕਾਂ ਨੂੰ ਬੇਹੱਦ ਮਦਹੋਸ਼ ਕਰਨ ਵਾਲਾ ਹੈ। ਕਿਮ ਦੇ ਇਸ ਫੋਟੋਸ਼ੂਟ ਦੀਆਂ ਤਸਵੀਰਾਂ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਜ਼ਿਕਰਯੋਗ ਹੈ ਕਿ ਕਿਮ ਨੇ ਤੀਜੇ ਬੱਚੇ ਦੇ ਜਨਮ ਤੋਂ ਬਾਅਦ ਇਕ ਹੈਰਾਨੀਜਨਕ ਬਿਆਨ ਦਿੱਤਾ ਸੀ, ਜਿਸ 'ਚ ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਚੌਥੀ ਵਾਰ ਮਾਂ ਬਣਨ 'ਤੇ ਵਿਚਾਰ ਕਰ ਰਹੀ ਹੈ।
ਤੀਜੇ ਬੱਚੇ ਸ਼ਿਕਾਗੋ ਤੋਂ ਬਾਅਦ ਹੁਣ ਉਹ ਇਕ ਹੋਰ ਬੱਚੇ ਦੀ ਪਲਾਨਿੰਗ ਕਰ ਰਹੀ ਹੈ। 15 ਜਨਵਰੀ ਨੂੰ ਕਿਮ ਕਾਰਦਾਸ਼ੀਆਂ ਨੇ ਪਤੀ ਕਾਨਯੇ ਵੇਸਟ ਨਾਲ ਆਪਣੇ ਤੀਜੇ ਬੱਚੇ ਸ਼ਿਕਾਗੋ ਦਾ ਸਵਾਗਤ ਕੀਤਾ ਸੀ।
ਕਿਮ ਨੇ ਉਸ ਸਮੇਂ ਇਹ ਵੀ ਕਿਹਾ ਸੀ ਕਿ ਉਹ ਵੱਡਾ ਪਰਿਵਾਰ ਚਾਹੁੰਦੀ ਹੈ।
