ਲਾਸ ਏਂਜਲਸ— ਰਿਐਲਿਟੀ ਟੀ. ਵੀ. ਸਟਾਰ ਕਾਇਲੀ ਜੇਨਰ, ਰੈਪਰ ਟਿਆਗਾ ਤੋਂ ਇਸ ਲਈ ਅਲੱਗ ਹੋ ਗਈ ਕਿਉਂਕਿ ਉਹ ਇਕ ਸੀਰੀਅਸ ਰਿਸ਼ਤੇ 'ਚ ਪੈਣ ਲਈ ਕਾਫੀ ਛੋਟੀ ਹੈ। ਖਬਰਾਂ ਮੁਤਾਬਕ ਕਾਇਲੀ ਨੇ ਅਪ੍ਰੈਲ 'ਚ ਅਲੱਗ ਹੋਣ ਤੋਂ ਪਹਿਲਾਂ ਟਿਆਗਾ ਨੂੰ ਲਗਭਗ ਤਿੰਨ ਸਾਲ ਡੇਟ ਕੀਤਾ। ਉਸ ਨੇ ਪਹਿਲੀ ਵਾਰ ਆਪਣੇ ਬ੍ਰੇਕਅੱਪ 'ਤੇ ਚੁੱਪੀ ਤੋੜੀ ਹੈ ਤੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਦੋਵਾਂ ਵਿਚਾਲੇ ਕੋਈ ਝਗੜਾ ਨਹੀਂ ਹੋਇਆ ਸੀ। ਟੀ. ਵੀ. ਸ਼ੋਅ 'ਲਾਈਫ ਆਫ ਕਾਇਲੀ' 'ਚ ਉਸ ਨੇ ਕਿਹਾ, 'ਮੇਰੇ ਤੇ ਟਿਆਗਾ ਵਿਚਾਲੇ ਕੁਝ ਵੀ ਗਲਤ ਨਹੀਂ ਸੀ। ਸਾਡੇ ਸਾਰਿਆਂ ਵਿਚਾਲੇ ਚੰਗ ਰਿਸ਼ਤਾ ਹੈ। ਕੋਈ ਝਗੜਾ ਨਹੀਂ ਹੋਇਆ। ਅਸੀਂ ਤੈਅ ਕੀਤਾ... ਅਸਲ 'ਚ ਮੈਂ ਤੈਅ ਕੀਤਾ ਕਿ ਮੈਂ ਬਹੁਤ ਛੋਟੀ ਹਾਂ। ਮੈਂ ਹੁਣ ਪੰਜ ਸਾਲ ਪਹਿਲਾਂ ਮੁੜ ਕੇ ਇਹ ਦੇਖਣਾ ਨਹੀਂ ਚਾਹੁੰਦੀ ਤੇ ਇਹ ਮਹਿਸੂਸ ਨਹੀਂ ਕਰਨਾ ਚਾਹੁੰਦੀ ਕਿ ਉਸ ਨੇ ਮੇਰੇ ਕੋਲੋਂ ਕੁਝ ਲੈ ਲਿਆ ਹੈ, ਜਦਕਿ ਅਸਲ 'ਚ ਉਹ ਅਜਿਹਾ ਸ਼ਖਸ ਨਹੀਂ ਹੈ।'