ਮੁੰਬਈ- ਬਾਲੀਵੁੱਡ ਦੀ ਅਦਾਕਾਰਾ ਅਤੇ ਸੁਪਰ ਮਾਡਲ ਲੀਜਾ ਹੇਡਨ ਅੱਜ ਆਪਣਾ 31ਵਾਂ ਜਨਮਦਿਨ ਮਨਾ ਰਹੀ ਹੈ। ਲੀਜਾ ਨੇ ਆਪਣੇ ਮਾਡਲਿੰਗ ਕੈਰੀਅਰ ਦੀ ਸ਼ੁਰੂਆਤ ਕਾਫੀ ਛੋਟੀ ਉਮਰ ਤੋਂ ਹੀ ਕਰ ਦਿੱਤੀ ਸੀ। ਜਦੋਂ ਲੀਜਾ 17 ਸਾਲ ਦੀ ਸੀ ਤਾਂ ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਨੂੰ ਉਨ੍ਹਾਂ ਨਾਲ ਪਿਆਰ ਹੋ ਗਿਆ ਸੀ।
ਇਹ ਗੱਲ ਵਰੁਣ ਨੇ ਇਕ ਇੰਟਰਵਿਊ 'ਚ ਦੱਸੀ ਸੀ। ਵਰੁਣ ਨੇ ਦੱਸਿਆ ਸੀ ਕਿ 16 ਸਾਲ ਦੀ ਉਮਰ 'ਚ ਹੀ ਉਨ੍ਹਾਂ ਦਾ ਦਿਲ ਅਦਾਕਾਰਾ ਅਤੇ ਮਾਡਲ ਲੀਜ਼ਾ ਹੇਡਨ 'ਤੇ ਆ ਗਿਆ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਇਕ ਪਾਰਟੀ 'ਚ ਉਨ੍ਹਾਂ ਨੇ ਲੀਜਾ ਨੂੰ ਦੇਖਿਆ ਸੀ। ਉਸ ਸਮੇਂ ਤੱਕ ਲੀਜ਼ਾ ਹੇਡਨ ਕੁਝ ਖਾਸ ਮਸ਼ਹੂਰ ਨਹੀਂ ਹੋਈ ਸੀ।
ਹਾਲਾਂਕਿ ਉਹ ਇਕ ਚੰਗੀ ਮਾਡਲ ਸੀ। ਇੱਥੇ ਤੱਕ ਕਿ ਵਰੁਣ ਨੇ ਲੀਜਾ ਨਾਲ ਵਿਆਹ ਕਰਨ ਦਾ ਮਨ ਵੀ ਬਣਾ ਲਿਆ ਸੀ। ਵਰੁਣ ਲੀਜਾ ਨੂੰ ਦੇਖਦੇ ਹੀ ਉਨ੍ਹਾਂ ਦੀ ਖੂਬਸੂਰਤੀ ਦੇ ਦੀਵਾਨੇ ਹੋ ਗਏ ਸਨ, ਉਸ ਸਮੇਂ ਦੋਵੇਂ ਹੀ ਉਮਰ 'ਚ ਛੋਟੇ ਸਨ। ਇਸ ਲਈ ਲੀਜਾ ਨੇ ਉਨ੍ਹਾਂ ਦੀ ਗੱਲ 'ਤੇ ਜ਼ਿਆਦਾ ਧਿਆਨ ਹੀ ਨਹੀਂ ਦਿੱਤਾ ਸੀ ਅਤੇ ਵਰੁਣ ਨੂੰ ਇਕ ਛੋਟਾ ਬੱਚਾ ਸਮਝ ਕੇ ਗੱਲ ਨੂੰ ਨਜ਼ਰਅੰਦਾਜ ਕਰ ਦਿੱਤਾ ਸੀ।
ਲੀਜਾ ਅੱਜ ਵਰੁਣ ਦੀ ਚੰਗੀ ਦੋਸਤ ਹੈ। ਵਰੁਣ ਨੇ ਇਸ ਬਾਰੇ ਕਿਹਾ ਸੀ ਕਿ ਉਨ੍ਹਾਂ ਦਾ ਪਹਿਲਾ ਪਿਆਰ ਉਨ੍ਹਾਂ ਦੇ ਜੀਵਨ ਦਾ ਸਭ ਤੋਂ ਮਜ਼ਾਕੀਆ ਪਲ ਬਣ ਗਿਆ ਸੀ।