ਮੁੰਬਈ (ਬਿਊਰੋ)— 'ਬਿੱਗ ਬੌਸ 10' 'ਚ ਨਜ਼ਰ ਆਉਣ ਵਾਲੀ ਮਾਡਲ ਲੋਪਾਮੁਦਰਾ ਰਾਓਤ ਨੇ ਪਿਛਲੇ ਸੀਜ਼ਨ 'ਚ ਬਿਕਨੀ ਅੰਦਾਜ਼ ਦਿਖਾ ਕੇ ਸਨਸਨੀ ਮਚਾ ਦਿੱਤੀ ਸੀ। ਹੁਣ ਇਕ ਵਾਰ ਫਿਰ ਲੋਪਾ ਆਪਣੇ ਨਵੇਂ ਫੋਟੋਸ਼ੂਟ ਕਾਰਨ ਸੁਰਖੀਆਂ 'ਚ ਹੈ। ਲੋਪਾ ਛੇਤੀ ਹੀ ਐਂਬੀਅੰਸ ਮੈਗਜ਼ੀਨ ਦੇ ਕਵਰ ਪੇਜ 'ਤੇ ਨਜ਼ਰ ਆਵੇਗੀ। ਇਹ ਤਸਵੀਰ ਖੁਦ ਲੋਪਾ ਨੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ। ਇਸ ਤੋਂ ਇਲਾਵਾ ਕੁਝ ਦਿਨ ਪਹਿਲਾਂ ਲੋਪਾ ਨੇ ਇਹ ਫੋਟੋਸ਼ੂਟ ਕਰਵਾਇਆ, ਜਿਸ 'ਚ ਉਹ ਬਹੁਤ ਹੀ ਗਲੈਮਰੈੱਸ ਨਜ਼ਰ ਆ ਰਹੀ ਹੈ। ਲੋਪਾ ਦਾ ਇਹ ਫੋਟੋਸ਼ੂਟ ਅਮਿਤ ਖੰਨਾ ਨੇ ਕੀਤਾ ਹੈ। ਅਮਿਤ ਨੇ ਹੀ ਆਪਣੇ ਇੰਸਟਾਗ੍ਰਾਮ 'ਤੇ ਲੋਪਾ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਦੱਸਣਯੋਗ ਹੈ ਕਿ ਲੋਪਾ 2016 'ਚ 'ਮਿਸ ਯੂਨਾਈਟਿਡ ਕਾਂਟੀਨੈਂਟ' 'ਚ ਸੈਕਿੰਡ ਰਨਰਅੱਪ ਰਹਿ ਚੁੱਕੀ ਹੈ। ਲੋਪਾਮੁਦਰਾ 'ਬਿੱਗ ਬੌਸ 10' 'ਚ ਹਿੱਸਾ ਲੈਣ ਕਾਰਨ ਹੁਣ ਘਰ-ਘਰ 'ਚ ਪਛਾਣੀ ਜਾਣ ਲੱਗੀ ਹੈ। 'ਖਤਰੋਂ ਕੇ ਖਿਲਾੜੀ' 'ਚ ਵੀ ਲੋਪਾ ਨਜ਼ਰ ਆ ਚੁੱਕੀ ਹੈ। ਲੋਪਾਮੁਦਰਾ ਅਕਸਰ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਬੋਲਡ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।