ਨਵੀਂ ਦਿੱਲੀ— ਬਾਲੀਵੁੱਡ ਦੀ ਮਸ਼ਹੂਰ ਅਭਿਨੇਤਰੀ ਮਹਿਮਾ ਚੌਧਰੀ ਦੇ ਘਰ ਤੋਂ ਇਕ ਬੁਰੀ ਖਬਰ ਸਾਹਮਣੇ ਆਈ ਹੈ। ਉਸ ਦੇ ਮਾਮਾ ਜੀ ਦਾ ਪਰਿਵਾਰ ਮੇਰਠ-ਹਾਪੁੜ ਮਾਰਗ 'ਤੇ ਦੁਰਘਟਨਾ ਦਾ ਸ਼ਿਕਾਰ ਹੋ ਗਿਆ ਹੈ, ਜਿਸ 'ਚ ਉਸ ਦੇ ਮਾਮੇ ਦੇ ਮੁੰਡੇ ਅਤੇ ਭਾਬੀ ਦੀ ਮੌਤ ਹੋ ਗਈ। ਉਸ ਦਾ ਮਾਮਾ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਿਆ ਹੈ। ਦੱਸ ਦਈਏ ਕਿ ਇਹ ਦੁਰਘਟਨਾ ਥਾਨਾ ਖਰਖੌਦਾ ਖੇਤਰ 'ਚ ਹੋਈ। ਮਹਿਮਾ ਦੇ ਮਾਮੇ ਦਾ ਪਰਿਵਾਰ ਹਾਪੁੜ ਦੇ ਕੋਲ ਅਕਰੌਲੀ 'ਚ ਪਰਿਵਾਰ ਸਮੇਤ ਰਹਿੰਦਾ ਸੀ, ਜਿਥੇ ਉਸ ਦੇ ਮਾਮਾ ਜੀ ਉਸ ਦੇ ਮਾਮਾ ਅਸ਼ੋਕ ਕੁਮਾਰ ਆਪਣੇ ਬੇਟੇ ਅਤੇ ਬਹੂ ਨਾਲ ਡਾਕਟਰ ਕੋਲ ਜਾ ਰਹੇ ਸਨ। ਜਦੋਂ ਉਹ ਡਾਕਟਰ ਕੋਲ ਜਾ ਰਹੇ ਸਨ ਤਾਂ ਖਰਖੌਦਾ ਖੇਤਰ 'ਚ ਲੋਹੀਆ ਫਾਰਮ ਹਾਊਸ ਕੋਲ ਉਨ੍ਹਾਂ ਦੀ ਕਾਰ ਸਾਹਮਣੇ ਆ ਰਹੀ ਬੱਸ ਨੇ ਸਿੱਧੀ ਟੱਕਰ ਮਾਰ ਦਿੱਤੀ।
ਹਾਦਸੇ 'ਚ ਮਹਿਮਾ ਚੌਧਰੀ ਦੇ ਭਰਾ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ । ਕਾਰ 'ਚ ਸਵਾਰ ਤਿੰਨ ਲੋਕ ਗੰਭੀਰ ਹਾਲਤ 'ਚ ਜਖਮੀ ਹਨ। ਮਹਿਮਾ ਦੀ ਭਾਬੀ ਨੇ ਹਸਪਤਾਲ 'ਚ ਇਲਾਜ ਦੌਰਾਨ ਦਮ ਤੋੜ ਦਿੱਤਾ। ਦੇਰ ਰਾਤ ਮਹਿਮਾ ਦੇ ਮਾਮਾ ਦੀ ਹਾਲਤ ਗੰਭੀਰ ਹੋਣ ਜਾਣ ਕਾਰਨ ਉਨ੍ਹਾਂ ਨੂੰ ਦਿੱਲੀ ਲਈ ਰੇਫਰ ਕਰ ਦਿੱਤਾ ਗਿਆ।