ਮੁੰਬਈ(ਬਿਊਰੋ)— ਸੋਸ਼ਲ ਮੀਡੀਆ 'ਤੇ ਈਰਾਨੀ ਮਾਡਲ ਮਹਿਲਾਘਾ ਜਬੇਰੀ ਦੀਆਂ ਤਸਵੀਰਾਂ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਇਸ ਦੇ ਪਿੱਛੇ ਖਾਸ ਕਾਰਨ ਹੈ ਤੇ ਉਹ ਇਹ ਹੈ ਕਿ 28 ਸਾਲਾ ਮਹਿਲਾਘਾ ਦੀ ਖੂਬਸੂਰਤੀ ਦੀ ਤੁਲਨਾ ਐਸ਼ਵਰਿਆ ਰਾਏ ਨਾਲ ਕੀਤੀ ਜਾ ਰਹੀ ਹੈ। ਇਹੀ ਨਹੀਂ ਲੋਕਾਂ ਦਾ ਇਹ ਮੰਨਣਾ ਹੈ ਕਿ ਐਸ਼ਵਿਆ ਦੀ ਹਮਸ਼ਕਲ ਹੈ।
ਦੱਸਣਯੋਗ ਹੈ ਕਿ ਮਹਿਲਾਘਾ ਦਾ ਜਨਮ 17 ਜੂਨ 1989 ਨੂੰ ਈਰਾਨ ਦੇ ਸ਼ਹਿਰ ਇਸਫਹਾਨ 'ਚ ਹੋਇਆ ਹੈ। ਖੁਦ ਨੂੰ ਫਿੱਟ ਰੱਖਣ ਲਈ ਮਹਿਲਾਘਾ ਯੋਗ ਕਰਦੀ ਹੈ। ਇਹ ਉਨ੍ਹਾਂ ਦੇ ਰੂਟੀਨ 'ਚ ਸ਼ਾਮਲ ਹੈ।
ਉਨ੍ਹਾਂ ਨੇ ਆਪਣੇ ਇਕ ਇੰਟਰਵਿਊ 'ਚ ਕਿਹਾ ਸੀ, ''ਯੋਗ ਨੇ ਨਾ ਸਿਰਫ ਮੈਨੂੰ ਪਰਫੈਕਟ ਫਿੱਗਰ ਪਾਉਣ 'ਚ ਮਦਦ ਕੀਤੀ ਬਲਕਿ ਇਸ ਨਾਲ ਮੇਰੇ ਮਨ ਨੂੰ ਵੀ ਸ਼ਾਂਤੀ ਮਿਲਦੀ ਹੈ।''
ਮਹਿਲਾਘਾ ਜਬੇਰੀ ਈਰਾਨ ਦੀ ਰਹਿਣ ਵਾਲੀ ਹੈ ਤੇ ਪੇਸ਼ੇ ਤੋਂ ਮਾਡਲ ਹੈ। ਉਹ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਨ੍ਹਾਂ ਦੇ ਇੰਸਟਾਗਰਾਮ 'ਤੇ 2.3 ਮਿਲੀਅਨ ਫਾਲੋਅਰਜ਼ ਹਨ।
ਮਹਿਲਾਘਾ ਦਾ ਜਨਮ ਈਰਾਨ 'ਚ ਹੋਇਆ ਪਰ ਹੁਣ ਮਾਡਲਿੰਗ ਕਰੀਅਰ ਕਾਰਨ ਉਹ ਅਮਰੀਕਾ ਦੇ ਸੈਨ ਡਿਏਗੋ 'ਚ ਰਹਿੰਦੀ ਹੈ।
ਜ਼ਿਕਰਯੋਗ ਹੈ ਕਿ 5 ਫੁੱਟ 8 ਇੰਚ ਦੀ ਮਹਿਲਾਘਾ ਅੱਜਕਲ ਫੈਸ਼ਨ ਡਿਜ਼ਾਈਨਰ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ। ਹੁਣ ਤੱਕ ਉਹ ਵਾਲਟਰ ਮੇਂਡੇਜ਼, ਮਿਸ ਹੋਲੀ ਕਲੋਦਿੰਗ ਲਈ ਮਾਡਲਿੰਗ ਕਰ ਚੁੱਕੀ ਹੈ।
ਮਹਿਲਾਘਾ ਨੂੰ ਮਾਡਲਿੰਗ ਤੋਂ ਇਲਾਵਾ ਘੋੜਸਵਾਰੀ ਦਾ ਬਹੁਤ ਸ਼ੌਕ ਹੈ। ਉਹ ਦੱਸਦੀ ਹੈ ਕਿ ਖਾਲੀ ਟਾਈਮ 'ਚ ਘੋੜਸਵਾਰੀ ਤੇ ਸ਼ਾਪਿੰਗ ਕਰਨਾ ਉਨ੍ਹਾਂ ਦਾ ਪਸੰਦੀਦਾ ਕੰਮ ਹੈ।
ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਸਿਨੇਮਾ ਨਾਲ ਵੀ ਕਾਫੀ ਲਗਾਅ ਹੈ। ਉਹ ਅੰਗ੍ਰੇਜ਼ੀ ਰੋਮਾਂਟਿਕ ਤੇ ਸਾਈਂਸ ਫਿਕਸ਼ਨ ਦੇਖਣਾ ਪਸੰਦ ਕਰਦੀ ਹੈ।
2009 'ਚ ਮਹਿਲਾਘਾ ਟਵਿਟਰ 'ਤੇ ਆਈ ਸੀ। ਇਸ ਤੋਂ ਬਾਅਦ ਉਹ ਸਿਆਸਤ ਬਿਆਨਬਾਜ਼ੀ ਲਈ ਸੁਰਖੀਆਂ 'ਚ ਰਹੀ।