ਮੁੰਬਈ— ਬਾਲੀਵੁੱਡ ਅਭਿਨੇਤਰੀ ਮਲਾਇਕਾ ਅਰੋੜ ਖਾਨ ਅਤੇ ਅਰਬਾਜ਼ ਖਾਨ ਦਾ ਵਿਆਹ ਸਾਲ 1998 'ਚ ਹੋਇਆ ਸੀ। ਵਿਆਹ ਤੋਂ 18 ਸਾਲ ਬਾਅਦ ਅਰਬਾਜ਼ ਅਤੇ ਮਲਾਇਕਾ ਨੇ ਪਿਛਲੇ ਸਾਲ ਵੱਖ ਹੋਣ ਦਾ ਫੈਸਲਾ ਕੀਤਾ ਸੀ । ਹੁਣ ਦੋਵਾਂ ਦਾ ਤਲਾਕ ਹੋ ਚੁੱਕਾ ਹੈ। ਵੱਖ ਹੋਣ ਤੋਂ ਬਾਅਦ ਹੁਣ ਅਰਬਾਜ਼ ਖਾਨ ਇੱਕ ਰੋਮਾਨੀਅਨ ਲੜਕੀ ਨੂੰ ਡੇਟ ਕਰਨ ਦੀਆਂ ਖਬਰਾਂ ਸਾਹਮਣੇ ਆਈਆਂ ਹਨ। ਜੀ ਹਾਂ, ਸੁਣ ਕੇ ਥੋੜਾ ਝਟਕਾ ਲੱਗਾ ਤਾਂ ਜ਼ਰੂਰ ਲੱਗੇਗਾ ਪਰ ਇਹ ਸੱਚ ਹੈ ਕਿਉਂਕਿ ਇਹ ਸਭ ਕੁਝ ਅਰਬਾਜ਼ ਨੇ ਆਪ ਕਿਹਾ ਹੈ।
ਇੱਕ ਇੰਟਰਵਿਊ ਦੌਰਾਨ ਅਰਬਾਜ਼ ਖਾਨ ਨੇ ਇਸ ਗੱਲ ਨੂੰ ਵੀ ਸਵੀਕਾਰਿਆ ਕਿ ਉਹ ਰੋਮਾਨੀਅਨ ਲੜਕੀ ਨੂੰ ਡੇਟ ਕਰ ਰਿਹਾ ਹੈ। ਅਰਬਾਜ਼ ਨੇ ਕਿਹਾ ਹੈ ਕਿ, ''ਹਾਂ ਅਲੈਕਸਜੇਂਡਰਾ ਮੇਰੀ ਦੋਸਤ ਹੈ। ਮੇਰੀ ਮੁਲਾਕਾਤ ਉਸ ਨਾਲ ਪਿੰਡ 'ਚ ਹੋਈ ਸੀ। ਉਸ ਦਾ ਆਪਣਾ ਇੱਕ ਹੋਟਲ ਹੈ ਅਤੇ ਮੈਂ ਉਸ ਨੂੰ ਡੇਟ ਕਰ ਰਿਹਾ ਹਾਂ।'' ਹੁਣ ਅਰਬਾਜ਼ ਖਾਨ-ਅਲੈਕਸਜੇਂਡਰਾ ਆਪਣੇ ਰਿਲੇਸ਼ਨਸ਼ਿਪ ਨੂੰ ਵੱਖਰੇ ਪੱਧਰ 'ਤੇ ਲੈ ਕੇ ਜਾਣਾ ਚਾਹੁੰਦੇ ਹਨ।
ਯਾਨੀ ਕੀ ਖਬਰਾਂ ਦੀ ਮੰਨੀਏ ਤਾਂ ਦੋਵੇਂ ਵਿਆਹ ਕਰਨਾ ਚਾਹੁੰਦੇ ਹਨ। ਦੱਸ ਦਈਏ ਕਿ ਅਰਬਾਜ਼ ਖਾਨ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਅਕਸਰ ਹੀ ਅਲੈਕਸਜੇਂਡਰਾ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ।