ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਹੌਟ ਅਦਾਕਾਰਾ ਮੱਲਿਕਾ ਸ਼ੇਰਾਵਤ ਅੱਜ (24 ਅਕਤੂਬਰ) 40 ਸਾਲ ਦੀ ਹੋ ਗਈ ਹੈ। 24 ਅਕਤੂਬਰ 1976 ਨੂੰ ਹਰਿਆਣਾ ਦੇ ਇਕ ਜਾਟ ਪਰਿਵਾਰ 'ਚ ਜਨਮੀ ਮੱਲਿਕਾ ਦਾ ਅਸਲੀ ਨਾਂ ਰੀਮਾ ਲਾਂਬਾ ਹੈ। ਫਿਲਮਾਂ 'ਚ ਆਉਣ ਲਈ ਉਨ੍ਹਾਂ ਨੇ ਮੱਲਿਕਾ ਨਾਂ ਅਪਣਾਇਆ। ਸ਼ੇਰਾਵਤ ਉਨ੍ਹਾਂ ਦੀ ਮਾਂ ਦਾ ਸਰਨੇਮ ਹੈ। ਅਸਲ 'ਚ ਮੱਲਿਕਾ ਨੂੰ ਹਮੇਸ਼ਾ ਮਾਂ ਦਾ ਸਹਿਯੋਗ ਮਿਲਿਆ ਹੈ।
ਇਸੇ ਕਾਰਨ ਉਨ੍ਹਾਂ ਨੇ ਸਰਨੇਮ ਨੂੰ ਅਪਣਾ ਲਿਆ। ਕਿਹਾ ਜਾਂਦਾ ਹੈ ਕਿ ਮੱਲਿਕਾ ਦੇ ਪਿਤਾ ਪਹਿਲਾ ਉਨ੍ਹਾਂ ਦੇ ਅਦਾਕਾਰਾ ਬਣਨ ਦੇ ਫੈਸਲੇ ਤੋਂ ਨਾਰਾਜ਼ ਸਨ, ਹਾਲਾਂਕਿ ਹੁਣ ਰਿਸ਼ਤੇ ਠੀਕ ਹਨ। ਮੱਲਿਕਾ ਕਹਿੰਦੀ ਹੈ ਕਿ ਉਹ ਸਿੰਗਲ ਹੈ, ਪਰ ਅਜਿਹਾ ਦੱਸਿਆ ਜਾਂਦਾ ਹੈ ਕਿ ਉਨ੍ਹਾਂ ਦਾ ਵਿਆਹ ਸਾਲ 2000 'ਚ ਪਾਇਲਟ ਕਰਨ ਸਿੰਘ ਗਿੱਲ ਨਾਲ ਹੋ ਚੁੱਕਿਆ ਹੈ, ਜੋ ਕਿ ਤਕਰੀਬਣ ਇਕ ਸਾਲ ਤੱਕ ਚੱਲਿਆ।
ਮੱਲਿਆ ਫਿਲਮਾਂ 'ਚ ਕੰਮ ਕਰਨ ਲਈ ਹਰਿਆਣਾ ਛੱਡ ਕੇ ਮੁੰਬਈ 'ਚ ਵੱਸ ਗਈ ਸੀ। ਕਿਹਾ ਤਾਂ ਇਹ ਵੀ ਜਾਂਦਾ ਹੈ ਕਿ ਮੱਲਿਕਾ ਦਾ ਇਕ ਬੇਟਾ ਵੀ ਹੈ, ਪਰ ਸੱਚਾਈ ਕੀ ਹੈ, ਇਹ ਕੋਈ ਨਹੀਂ ਜਾਣਦਾ।
ਜ਼ਿਕਰਯੋਗ ਹੈ ਕਿ ਮੱਲਿਕਾ ਸ਼ੇਰਾਵਤ ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਏਅਰ ਹੌਸਟੈੱਸ ਰਹਿ ਚੁੱਕੀ ਹੈ, ਜਦਕਿ ਮੱਲਿਕਾ ਕਹਿੰਦੀ ਹੈ ਕਿ ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਉਨ੍ਹਾਂ ਨੇ ਕਿਤੇ ਕੰਮ ਨਹੀਂ ਕੀਤਾ।
ਦੱਸਣਯੋਗ ਹੈ ਕਿ ਮੱਲਿਕਾ ਨੇ ਬਾਲੀਵੁੱਡ ਡੈਬਿਊ ਕਰੀਨਾ ਕਪੂਰ ਤੇ ਤੁਸ਼ਾਰ ਕਪੂਰ ਸਟਾਰਰ ਫਿਲਮ 'ਜੀਨਾ ਸਿਰਫ ਮੇਰੇ ਲੀਏ' 'ਚ ਛੋਟੇ ਜਿਹੇ ਰੋਲ ਨਾਲ ਕੀਤਾ ਸੀ ਪਰ ਉਨ੍ਹਾਂ ਨੂੰ ਅਸਲੀ ਪਛਾਣ ਫਿਲਮ 'ਮਰਡਰ' ਨਾਲ ਮਿਲੀ ਸੀ।
ਇਸ ਫਿਲਮ 'ਚ ਉਨ੍ਹਾਂ ਨੇ ਇਮਰਾਨ ਹਾਸ਼ਮੀ ਨਾਲ ਬੋਲਡ ਸੀਨ ਦਿੱਤੇ ਸਨ। ਬਾਅਦ 'ਚ ਮੱਲਿਕਾ 'ਸ਼ਾਦੀ ਸੇ ਪਹਿਲੇ' (2006), 'ਵੈੱਲਕਮ' (2007), 'ਡਬਲ ਧਮਾਲ' (2011) ਤੇ 'ਡਰਟੀ ਪਾਲੀਟਿਕਸ' (2015) ਸਮੇਤ ਕਈ ਬਾਲੀਵੁੱਡ ਫਿਲਮਾਂ 'ਚ ਕੰਮ ਕੰਮ ਕਰ ਚੁੱਕੀ ਹੈ।
