ਮੁੰਬਈ— 'ਬਿੱਗ ਬੌਸ 10' ਦੀ ਮੁਕਾਬਲੇਬਾਜ਼ ਤੇ ਭੋਜਪੁਰੀ ਅਭਿਨੇਤਰੀ ਮੋਨਾਲਿਸਾ ਤੇ ਵਿਕ੍ਰਾਂਤ ਦਾ ਵਿਆਹ ਬੜੀ ਧੂਮਧਾਮ ਨਾਲ ਕਰਵਾਇਆ ਗਿਆ। ਖਾਸ ਗੱਲ ਇਹ ਸੀ ਕਿ ਉਸ ਦਾ ਇਹ ਵਿਆਹ 'ਬਿੱਗ ਬੌਸ' ਦੇ ਘਰ 'ਚ ਹੋਇਆ। ਦੱਸਣਯੋਗ ਹੈ ਕਿ ਅਗਲੇ ਦਿਨ ਹੀ ਵਿਕ੍ਰਾਂਤ ਨੂੰ ਘਰ ਛੱਡਣ ਲਈ ਕਿਹਾ ਗਿਆ। ਵਿਕ੍ਰਾਂਤ ਵਿਆਹ ਨੂੰ ਮਜ਼ੇਦਾਰ ਬਣਾਉਣ ਲਈ ਸਾਰਿਆਂ ਦਾ ਧੰਨਵਾਦ ਅਦਾ ਕੀਤਾ।
ਵਿਕ੍ਰਾਂਤ ਨੂੰ ਮੇਨ ਗੇਟ ਤਕ ਛੱਡਣ ਮੋਨਾਲਿਸਾ, ਬਾਨੀ ਜੇ, ਰੋਹਨ, ਮਨੂੰ, ਮਨਵੀਰ ਤੇ ਲੋਪਾਮੁਦਰਾ ਆਏ। ਮੋਨਾਲਿਸਾ ਨੇ ਜਾਂਦੇ ਸਮੇਂ ਵਿਕ੍ਰਾਂਤ ਨੂੰ ਗਲੇ ਲਗਾਇਆ ਤੇ ਉਸ ਦੀਆਂ ਅੱਖਾਂ 'ਚ ਹੰਝੂ ਆ ਗਏ। ਉਹ ਵਿਕ੍ਰਾਂਤ ਦੇ ਜਾਣ ਤੋਂ ਕਾਫੀ ਦੁਖੀ ਨਜ਼ਰ ਆ ਰਹੀ ਸੀ।