ਮੁੰਬਈ (ਬਿਊਰੋ)— ਛੋਟੇ ਪਰਦੇ 'ਤੇ 'ਨਾਗਿਨ' ਸ਼ੋਅ ਨਾਲ ਆਪਣੀ ਵੱਖਰੀ ਪਛਾਣ ਬਣਾ ਚੁੱਕੀ ਅਦਾਕਾਰਾ ਮੌਨੀ ਰਾਏ ਫਿਲਮ 'ਬ੍ਰਹਮਾਸਤਰ' 'ਚ ਨਜ਼ਰ ਆਉਣ ਵਾਲੀ ਹੈ। ਦਰਸਅਲ, ਉਹ ਫਿਲਮ ਦੀ ਸ਼ੂਟਿੰਗ ਦੇ ਸਿਲਸਿਲੇ 'ਚ ਬੁਲਗਾਰੀਆ 'ਚ ਹੈ।
ਇਸ ਦੌਰਾਨ ਹੀ ਸ਼ੂਟਿੰਗ 'ਚੋਂ ਸਮਾਂ ਕੱਢ ਕੇ ਮੌਨੀ ਯੂਰੋਪਿਅਨ ਦੇਸ਼ ਦੇ ਪਲੋਵਦਿਵ ਸ਼ਹਿਰ ਪਹੁੰਚੀ, ਜੋ ਕਿ ਬੁਲਗਾਰੀਆ ਦਾ ਦੂਜਾ ਸਭ ਤੋਂ ਵੱਡਾ ਸ਼ਹਿਰ ਹੈ। ਮੌਨੀ ਇੱਥੇ ਸਥਿਤ ਓਲਡ ਟਾਊਨ ਪਹੁੰਚੀ ਜੋ ਕਿ ਇਤਿਹਾਸ ਨਾਲ ਜੁੜੀਆਂ ਚੀਜ਼ਾਂ ਲਈ ਜਾਣਿਆ ਜਾਂਦਾ ਹੈ। ਮੌਨੀ ਨੇ ਓਲਡ ਰੋਮਨ ਐਮਫੀਥਿਏਟਰ ਦੀ ਸੈਰ ਵੀ ਕੀਤੀ।
ਮੌਨੀ ਰਾਏ ਉੱਥੇ ਵਿੰਟਰ ਲੁੱਕ 'ਚ ਨਜ਼ਰ ਆਈ, ਉੱਥੇ ਹੀ ਉਨ੍ਹਾਂ ਬਰਫ ਵਿਚਕਾਰ ਫੋਟੋਸ਼ੂਟ ਕਰਵਾਇਆ। ਇਹ ਤਸਵੀਰਾਂ ਮੌਨੀ ਦੇ ਅਧਿਕਾਰਕ ਇੰਸਟਾਗ੍ਰਾਮ ਤੋਂ ਲਈਆਂ ਗਈਆਂ ਹਨ। ਇਸ ਤੋਂ ਇਲਾਵਾ 'ਬ੍ਰਹਮਾਸਤਰ' 'ਚ ਰਣਬੀਰ ਕਪੂਰ, ਆਲੀਆ ਭੱਟ ਅਤੇ ਅਮਿਤਾਭ ਬੱਚਨ ਵਰਗੇ ਸਟਾਰਜ਼ ਅਹਿਮ ਭੂਮਿਕਾ 'ਚ ਦਿਖਾਈ ਦੇਣਗੇ।
