ਮੁੰਬਈ— ਅਨਿਲ ਕਪੂਰ ਤੇ ਅਰਜੁਨ ਕਪੂਰ ਦੀ ਆਉਣ ਵਾਲੀ ਫਿਲਮ 'ਮੁਬਾਰਕਾਂ' ਦਾ ਟਰੇਲਰ ਰਿਲੀਜ਼ ਹੋ ਗਿਆ ਹੈ। ਫਿਲਮ 'ਚ ਚਾਚਾ-ਭਤੀਜਾ ਕਿੰਨਾ ਧਮਾਲ ਮਚਾਉਣ ਵਾਲੇ ਹਨ, ਇਸ ਦਾ ਅੰਦਾਜ਼ਾ ਤੁਹਾਨੂੰ ਟਰੇਲਰ ਦੇਖ ਕੇ ਹੀ ਲੱਗ ਜਾਵੇਗਾ।
ਡਾਇਰੈਕਟਰ ਅਨੀਸ ਬਜ਼ਮੀ ਦੀ ਇਸ ਫਿਲਮ 'ਚ ਅਨਿਲ 'ਕਰਤਾਰ ਸਿੰਘ' ਤਾਂ ਅਰਜੁਨ ਕਪੂਰ 'ਕਰਨ' ਤੇ 'ਚਰਨ' ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਦੱਸਣਯੋਗ ਹੈ ਕਿ ਅਰਜੁਨ ਦਾ ਫਿਲਮ 'ਚ ਡਬਲ ਰੋਲ ਹੈ।
ਅਰਜੁਨ ਤੇ ਅਨਿਲ ਪਹਿਲੀ ਵਾਰ ਕਿਸੇ ਫਿਲਮ 'ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਫਿਲਮ 'ਚ ਸੁਨੀਲ ਸ਼ੈੱਟੀ ਦੀ ਬੇਟੀ ਆਥੀਆ ਸ਼ੈੱਟੀ ਤੇ ਇਲਿਆਨਾ ਡੀਕਰੂਜ਼ ਵੀ ਮੁੱਖ ਭੂਮਿਕਾ 'ਚ ਹਨ। 'ਮੁਬਾਰਕਾਂ' 28 ਅਪ੍ਰੈਲ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।