ਜਲੰਧਰ (ਬਿਊਰੋ)— 13 ਫਰਵਰੀ ਨੂੰ ਰਿਲੀਜ਼ ਹੋਇਆ ਪੰਜਾਬੀ ਗਾਇਕ ਸਿਮਰ ਗਿੱਲ ਦਾ ਗੀਤ 'ਨਾ ਭੁੱਕੀ ਨਾ ਸਮੈਕ' ਯੂਟਿਊਬ 'ਤੇ 25 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। 'ਨਾ ਭੁੱਕੀ ਨਾ ਸਮੈਕ' ਇਕ ਰੋਮਾਂਟਿਕ ਗੀਤ ਹੈ, ਜਿਹੜਾ ਵੈਲੇਨਟਾਈਨਸ ਵੀਕ ਵਿਚ ਰਿਲੀਜ਼ ਹੋਇਆ ਸੀ। ਗੀਤ 'ਚ ਨਸ਼ਿਆਂ ਨੂੰ ਛੱਡ ਕੇ ਪਿਆਰ ਦੀ ਗੱਲ ਕੀਤੀ ਗਈ ਹੈ। ਗਾਉਣ ਦੇ ਨਾਲ-ਨਾਲ ਸਿਮਰ ਗਿੱਲ ਨੇ ਇਸ ਗੀਤ ਦੇ ਬੋਲ ਵੀ ਖੁਦ ਲਿਖੇ ਹਨ, ਜਿਸ 'ਚ ਉਨ੍ਹਾਂ ਦਾ ਸਾਥ ਰੋਬਿਨ ਸਿੰਘ ਨੇ ਦਿੱਤਾ ਹੈ।
ਗੀਤ ਨੂੰ ਮਿਊਜ਼ਿਕ ਅਰਬਨ ਸਿੰਘ ਨੇ ਦਿੱਤਾ ਹੈ। ਵੀਡੀਓ ਮਿੱਠੂ ਗਰੇਵਾਲ ਤੇ ਵਰਿੰਦਰ ਸਿੱਧੂ ਵਲੋਂ ਬਣਾਈ ਗਈ ਹੈ, ਜਿਹੜੀ ਭਾਰਤੀ ਪਰਾਸ਼ਰ, ਸੁਨੈਨਾ ਠਾਕੁਰ ਤੇ ਅਚਿੰਤ ਗੋਇਲ ਵਲੋਂ ਪ੍ਰੋਡਿਊਸ ਕੀਤੀ ਗਈ ਹੈ। ਗੀਤ ਟਾਈਮ ਮਿਊਜ਼ਿਕ ਦੇ ਬੈਨਰ ਹੇਠ ਯੂਟਿਊਬ 'ਤੇ ਰਿਲੀਜ਼ ਕੀਤਾ ਗਿਆ ਹੈ। ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਿਮਰ ਗਿੱਲ ਦਾ ਗੀਤ 'ਪੈੱਗ ਪੌਣ ਵੇਲੇ' ਰਿਲੀਜ਼ ਹੋਇਆ ਸੀ, ਜਿਸ ਨੂੰ ਲੋਕਾਂ ਨੇ ਕਾਫੀ ਪਿਆਰ ਦਿੱਤਾ ਸੀ।