ਨਵੀਂ ਦਿੱਲੀ(ਬਿਊਰੋ)— 25 ਮਾਰਚ ਤੋਂ ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਦਰਸ਼ਕਾਂ ਨੂੰ ਫਿਰ ਹਸਾਉਣ ਆ ਰਹੇ ਹਨ। ਸੋਨੀ ਟੀ. ਵੀ. 'ਤੇ ਉਹ ਨਵੇਂ ਸ਼ੋਅ 'ਫੈਮਿਲੀ ਟਾਈਮ ਵਿਦ ਕਪਿਲ ਸ਼ਰਮਾ' ਨਾਲ ਵਾਪਸੀ ਕਰ ਰਹੇ ਹਨ। ਖਬਰ ਹੈ ਕਿ ਨਵਜੋਤ ਸਿੰਘ ਸਿੱਧੂ ਉਸ ਦੇ ਸ਼ੋਅ ਦਾ ਹਿੱਸਾ ਬਣ ਸਕਦੇ ਹਨ।
ਮੀਡੀਆ ਮੁਤਾਬਕ, ਸਿੱਧੂ ਇਸ ਗੇਮ ਸ਼ੋਅ 'ਚ ਨਜ਼ਰ ਆ ਸਕਦੇ ਹਨ। ਜੇਕਰ ਡੇਟਸ ਦੀ ਔਖ ਨਾ ਹੋਈ ਤਾਂ ਉਹ ਸ਼ੋਅ ਦੀ ਕਾਸਟ ਦਾ ਹਿੱਸਾ ਬਣਨਗੇ। ਫਿਲਹਾਲ ਕਪਿਲ ਦੀ ਟੀਮ 'ਚ ਉਸ ਦੇ ਪੁਰਾਣੇ ਸਾਥੀਆਂ 'ਚੋਂ ਕੀਕੂ ਸ਼ਾਰਦਾ, ਚੰਦਨ ਪ੍ਰਭਾਕਰ ਦੇ ਹੋਣ ਦੀਆਂ ਖਬਰਾਂ ਵੀ ਆ ਰਹੀਆਂ ਹਨ। ਦੂਜੇ ਪਾਸੇ ਸੁਨੀਲ ਗਰੋਵਰ ਨੇ ਸਾਫ ਕਰ ਦਿੱਤਾ ਹੈ ਕਿ ਉਹ ਇਸ ਸ਼ੋਅ ਦਾ ਹਿੱਸਾ ਨਹੀਂ ਹੋਣਗੇ।
ਦੱਸ ਦੇਈਏ ਕਿ ਲਾਈਫ ਓਕੇ ਦੇ ਸ਼ੋਅ 'ਮੇ ਆਈ ਕਮ ਇੰਨ ਮੈਡਮ' 'ਚ ਆਪਣੀ ਖੂਬਸੂਰਤੀ ਲਈ ਛਾਈ ਅਦਾਕਾਰਾ ਨੇਹਾ ਪੇਂਡਸੇ ਕਪਿਲ ਦੇ ਸ਼ੋਅ ਨੂੰ ਹੋਸਟ ਕਰ ਸਕਦੀ ਹੈ। ਕਾਮੇਡੀ ਕਿੰਗ ਦੇ ਸ਼ੋਅ 'ਚ ਅਜੇ ਦੇਵਗਨ ਪਹਿਲੇ ਮਹਿਮਾਨ ਬਣਨਗੇ। ਉਹ ਇਸ ਸ਼ੋਅ 'ਚ ਆਪਣੀ ਆਉਣ ਵਾਲੀ ਫਿਲਮ 'ਰੇਡ' ਦੀ ਪ੍ਰਮੋਸ਼ਨ ਕਰਦੇ ਨਜ਼ਰ ਆਉਣਗੇ। ਹਾਲ ਹੀ 'ਚ ਅਜੇ ਦੇਵਗਨ ਨੇ ਸ਼ੋਅ ਲਈ ਇਕ ਪ੍ਰਮੋਸ਼ਨਲ ਵੀਡੀਓ ਕੀਤਾ ਸੀ, ਜਿਥੇ ਕਪਿਲ ਐਕਟਰ ਨੂੰ ਸ਼ੋਅ 'ਚ ਆਉਣ ਲਈ ਆਖ ਰਹੇ ਸਨ।
