ਮੁੰਬਈ(ਬਿਊਰੋ)— ਅੰਗਦ ਬੇਦੀ ਨਾਲ ਅਚਾਨਕ ਗੁਪਤ ਤਰੀਕੇ ਨਾਲ ਨੇਹਾ ਧੂਪੀਆ ਨੂੰ ਲੈ ਕੇ ਲਗਾਤਾਰ ਅੰਦਾਜ਼ੇ ਲਾਏ ਜਾ ਰਹੇ ਹਨ ਕਿ ਉਹ ਗਰਭਵਤੀ ਹੈ। ਇਸੇ ਵਜ੍ਹਾ ਕਰਕੇ ਉਨ੍ਹਾਂ ਨੇ ਜਲਦਬਾਜ਼ੀ 'ਚ ਇਹ ਕਰਵਾਇਆ। ਹਾਲ ਹੀ 'ਚ ਨੇਹਾ ਧੂਪੀਆ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਸ਼ਾਇਦ ਉਸ ਦਾ ਬੇਬੀ ਬੰਪ ਨਜ਼ਰ ਆ ਰਿਹਾ ਹੈ। ਅਸਲ 'ਚ ਨੇਹਾ ਤੇ ਅੰਗਦ ਸ਼ੁੱਕਰਵਾਰ ਸ਼ਾਮ 'ਫੇਮਿਨਾ ਮਿਸ ਇੰਡੀਆ 2018 ਇਵੈਂਟ' ਅਟੇਂਡ ਕਰਨ ਪਹੁੰਚੇ ਸਨ। ਇਥੇ ਦੋਵਾਂ ਨੂੰ ਰੈੱਡ ਕਾਰਪੇਟ 'ਤੇ ਇਕ-ਦੂਜੇ ਨਾਲ ਦੇਖਿਆ ਗਿਆ। ਇਸ ਦੌਰਾਨ ਨੇਹਾ ਨੇ ਬਲੈਕ ਰੰਗ ਦੀ ਡਰੈੱਸ ਪਾਈ ਸੀ, ਜਿਸ 'ਚ ਉਸ ਦਾ ਬੇਬੀ ਬੰਪ ਸਾਫ ਨਜ਼ਰ ਆ ਰਿਹਾ ਹੈ। ਕੀ ਨੇਹਾ ਪ੍ਰੈਗਨੈਂਟ ਹੈ? ਨੇਹਾ ਧੂਪੀਆ ਦੇ ਵਿਆਹ ਨੂੰ 1 ਮਹੀਨਾ ਤੇ 6 ਦਿਨ ਹੋ ਗਏ ਹਨ। ਉਸ ਨੇ ਅੰਗਦ ਨਾਲ 10 ਮਈ ਨੂੰ ਦਿੱਲੀ ਦੇ ਗੁਰੂਦੁਆਰੇ 'ਚ ਵਿਆਹ ਕਰਵਾਇਆ ਸੀ। ਇਸ ਵਿਆਹ 'ਚ ਕੋਈ ਵੀ ਸੈਲੀਬ੍ਰਿਟੀਜ਼ ਨਜ਼ਰ ਨਹੀਂ ਆਈ। ਅਚਾਨਕ ਵਿਆਹ ਕਰਨ ਤੋਂ ਬਾਅਦ ਇਹ ਸਵਾਲ ਬਣਿਆ ਹੋਇਆ ਹੈ ਕਿ ਉਨ੍ਹਾਂ ਨੇ ਵਿਆਹ ਇੰਨੀ ਜਲਦੀ ਕਿਉਂ ਕਰਵਾਇਆ? ਕੀ ਉਹ ਗਰਭਵਤੀ ਸੀ, ਜੋ ਅਚਾਨਕ ਇਹ ਫੈਸਲਾ ਲੈਣਾ ਪਿਆ? ਕੁਝ ਸਮੇਂ ਪਹਿਲਾਂ ਇਸ ਮਾਮਲੇ 'ਚ ਨੇਹਾ ਦੇ ਪਤੀ ਅੰਗਦ ਬੇਦੀ ਨੇ ਸਟੇਟਮੈਂਟ ਦਿੱਤਾ ਸੀ। ਉਨ੍ਹਾਂ ਨੇ ਇਕ ਕਾਨਫਰੰਸ 'ਚ ਕਿਹਾ ਸੀ, ''ਨੇਹਾ ਦੀ ਪ੍ਰੈਗਨੈਂਸੀ ਦੀ ਖਬਰ ਬੇਬੁਨਿਆਦ ਹੈ। ਜਦੋਂ ਵੀ ਅਸੀਂ ਪਰਿਵਾਰ ਦੀ ਪਲਾਨਿੰਗ ਕਰਾਂਗੇ ਉਦੋਂ ਸਭ ਤੋਂ ਪਹਿਲਾਂ ਮੈਂ ਮੀਡੀਆ ਨੂੰ ਇਸ ਬਾਰੇ ਦੱਸਾਂਗਾ।''