ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਨੇਹਾ ਸ਼ਰਮਾ 30 ਸਾਲਾਂ ਦੀ ਹੋ ਗਈ ਹੈ। ਉਸ ਦਾ ਜਨਮ 21 ਨਵੰਬਰ 1987 ਨੂੰ ਬਿਹਾਰ 'ਚ ਹੋਇਆ ਸੀ। ਨੇਹਾ ਨੇ ਬਾਲੀਵੁੱਡ ਦੇ ਨਾਲ ਹੀ ਸਾਊਥ ਦੀਆਂ ਫਿਲਮਾਂ 'ਚ ਵੀ ਕੰਮ ਕੀਤਾ ਪਰ ਦੋਵਾਂ ਹੀ ਇੰਡਸਟਰੀਜ਼ 'ਚ ਉਹ ਸਫਲਤਾ ਹਾਸਲ ਕਰਨ 'ਚ ਕਾਮਯਾਬ ਨਹੀਂ ਹੋ ਸਕੀ। ਉਸ ਨੇ ਇਕ ਇੰਟਰਵਿਊ 'ਚ ਦੱਸਿਆ ਸੀ ਕਿ ਬਚਪਨ 'ਚ ਉਹ ਅਸਥਮਾ ਦੀ ਮਰੀਜ਼ ਸੀ, ਜਿਸ ਦੀ ਵਜ੍ਹਾ ਕਾਰਨ ਉਹ ਹਮੇਸ਼ਾ ਬੀਮਾਰ ਰਹਿੰਦੀ ਸੀ ਤੇ ਸਰੀਰਕ ਤੌਰ 'ਤੇ ਬਹੁਤ ਜ਼ਿਆਦਾ ਕਮਜ਼ੋਰ ਸੀ। ਹਾਲਾਂਕਿ ਹੁਣ ਉਹ ਇਸ ਬੀਮਾਰੀ ਤੋਂ ਉਭਰ ਚੁੱਕੀ ਹੈ ਤੇ ਪੂਰੀ ਤਰ੍ਹਾਂ ਨਾਲ ਠੀਕ ਹੈ। ਨੇਹਾ ਸ਼ਰਮਾ ਬਿਹਾਰ, ਭਾਗਲਪੁਰ, ਤੋਂ ਕਾਂਗਰਸ ਵਿਧਾਇਕ ਅਜੀਤ ਸ਼ਰਮਾ ਦੀ ਬੇਟੀ ਹੈ। ਅਜੀਤ ਰਾਜਨੀਤੀ 'ਚ ਆਉਣ ਤੋਂ ਪਹਿਲਾਂ ਬਿਜ਼ਨੈੱਸਮੈਨ ਸਨ। ਨੇਹਾ ਦੀ ਇਕ ਭੈਣ ਹੈ ਆਇਸ਼ਾ, ਜੋ ਕਿੰਗਫਿਸ਼ਰ ਕੈਲੰਡਰ ਗਰਲ ਰਹਿ ਚੁੱਕੀ ਹੈ। ਆਇਸ਼ਾ ਵੀ ਨੇਹਾ ਵਾਂਗ ਬਾਲੀਵੁੱਡ 'ਚ ਕਰੀਅਰ ਬਣਾਉਣਾ ਚਾਹੁੰਦੀ ਹੈ। ਜਾਣਕਾਰੀ ਮੁਤਾਬਕ ਆਇਸ਼ਾ ਤੇਲਗੂ ਫਿਲਮ 'ਸ਼ਿਵਮ' ਨਾਲ ਅਦਾਕਾਰੀ ਦੀ ਦੁਨੀਆ 'ਚ ਡੈਬਿਊ ਕਰਨ ਵਾਲੀ ਸੀ।