ਲਾਸ ਏਂਜਲਸ (ਬਿਊਰੋ)— ਤਸਵੀਰਾਂ 'ਚ ਤੁਸੀਂ ਅਮਰੀਕੀ ਅਦਾਕਾਰਾ ਓਲੀਵੀਆ ਮੁਨ ਨੂੰ ਦੇਖ ਸਕਦੇ ਹੋ। ਇਨ੍ਹੀਂ ਦਿਨੀਂ ਉਹ ਹਾਲੀਡੇ 'ਤੇ ਹੈ ਤੇ ਰੱਜ ਕੇ ਮਸਤੀ ਕਰ ਰਹੀ ਹੈ। ਮਸਤੀ ਦੀਆਂ ਤਸਵੀਰਾਂ ਉਹ ਬੇਧੜਕ ਇੰਸਟਾਗ੍ਰਾਮ 'ਤੇ ਪੋਸਟ ਕਰ ਰਹੀ ਹੈ। ਉਸ ਦੇ ਫੇਮ ਦਾ ਅੰਦਾਜ਼ਾ ਤੁਸੀਂ ਇਸ ਗੱਲ ਤੋਂ ਲਗਾ ਸਕਦੇ ਹੋ ਕਿ ਇੰਸਟਾਗ੍ਰਾਮ 'ਤੇ ਉਸ ਦੇ 2 ਮਿਲੀਅਨ ਯਾਨੀ 20 ਲੱਖ ਤੋਂ ਵੱਧ ਫਾਲੋਅਰਜ਼ ਹਨ। ਓਲੀਵੀਆ ਬੇਹੱਦ ਪ੍ਰਸਿੱਧ 'ਐਕਸ ਮੈਨ' ਸੀਰੀਜ਼ ਦੀ ਪਿਛਲੀ ਫਿਲਮ 'ਚ ਨਜ਼ਰ ਆਈ ਸੀ। ਉਸ ਦੇ ਫੈਨਜ਼ ਨੂੰ ਉਸ ਦਾ ਕਿਰਦਾਰ ਬੇਹੱਦ ਪਸੰਦ ਆਇਆ ਸੀ। ਉਥੇ ਉਸ ਨੇ ਪ੍ਰਸਿੱਧ ਅਮਰੀਕੀ ਆਨਲਾਈਨ ਚੈਨਲ ਐੱਚ. ਬੀ. ਓ. ਦੀ ਬੇਹੱਦ ਪ੍ਰਸਿੱਧ ਵੈੱਬ ਸੀਰੀਜ਼ 'ਨਿਊਜ਼ਰੂਮ' 'ਚ ਵੀ ਸ਼ਾਨਦਾਰ ਭੂਮਿਕਾ ਨਿਭਾਈ ਹੈ। 37 ਸਾਲ ਦੀ ਓਲੀਵੀਆ ਦੇ ਪਿਤਾ ਅਮਰੀਕੀ-ਜਰਮਨ ਮੂਲ ਦੇ ਹਨ, ਉਥੇ ਉਨ੍ਹਾਂ ਦੀ ਮਾਤਾ ਚੀਨੀ ਮੂਲ ਦੀ ਹੈ, ਜਿਸ ਦੀ ਪਰਵਰਿਸ਼ ਵਿਅਤਨਾਮ 'ਚ ਹੋਈ ਸੀ।