ਮੁੰਬਈ (ਬਿਊਰੋ)— ਹਾਲੀਵੁੱਡ ਇੰਡਸਟਰੀ 'ਚ ਮਰਹੂਮ ਪੌਪ ਸੁਪਰਸਟਾਰ ਮਾਈਕਲ ਜੈਕਸਨ ਦਾ ਕਾਫੀ ਨਾਂ ਰਿਹਾ ਹੈ। ਮਾਈਕਲ ਜੈਕਸਨ ਤਾਂ ਹੁਣ ਸਾਡੇ ਵਿਚਕਾਰ ਨਹੀਂ ਰਹੇ ਹਨ ਪਰ ਅੱਜ-ਕੱਲ ਉਨ੍ਹਾਂ ਦੀ ਬੇਟੀ ਅਤੇ ਅਦਾਕਾਰਾ ਪੈਰਿਸ ਜੈਕਸਨ ਸੋਸ਼ਲ ਮੀਡੀਆ ਰਾਹੀਂ ਸੁਰਖੀਆਂ 'ਚ ਆ ਗਈ ਹੈ।
ਪੈਰਿਸ ਜੈਕਸਨ ਨੇ ਸੋਸ਼ਲ ਮੀਡੀਆ 'ਤੇ ਬੋਲਡ ਸਟੇਟਮੈਂਟ ਦਿੰਦੇ ਹੋਏ ਸਵਾਲ ਉਠਾਉਣ ਵਾਲੇ ਲੋਕਾਂ ਨੂੰ ਕਿਹਾ ਹੈ ਕਿ ਮੈਂ ਨਿਊਡ ਹੁੰਦੀ ਰਹਾਂਗੀ ਤਾਂ ਕਿ ਤੁਸੀਂ ਫਾਲੋ ਕਰਨਾ ਛੱਡ ਦਿਓ। ਜਾਣਕਾਰੀ ਮੁਤਾਬਕ ਪੈਰਿਸ ਜੈਕਸਨ ਦੇ ਇੰਸਟਾਗਰਾਮ 'ਤੇ 14 ਲੱਖ ਫਾਲੋਅਰਜ਼ ਹਨ।
ਅਦਾਕਾਰਾ ਨੇ ਕੁਝ ਸਮਾਂ ਪਹਿਲਾਂ ਇਕ ਨਿਊਡ ਤਸਵੀਰ ਪੋਸਟ ਕੀਤੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਟਰੋਲ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਉਹ ਤਸਵੀਰ ਤਾਂ ਡਿਲੀਟ ਕਰ ਦਿੱਤੀ ਪਰ ਦੂਜੀ ਨਿਊਡ ਤਸਵੀਰ ਸ਼ੇਅਰ ਕਰਦੇ ਹੋਏ ਦੋਸ਼ਾਂ ਦਾ ਜਵਾਬ ਦਿੱਤਾ। ਉਨ੍ਹਾਂ ਨੇ ਨਿਊਡ ਹੋਣ ਨੂੰ ਕੁਦਰਤੀ ਦੱਸਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਇਸ ਨਾਲ ਇਨਸਾਨ ਬਣਦੇ ਹਨ। ਇਹ ਉਸ ਦਾ ਹਿੱਸਾ ਹੈ। ਜ਼ਿਕਰਯੋਗ ਹੈ ਕਿ ਪੈਰਿਸ ਜੈਕਸਨ ਮਾਈਕਲ ਦੀ ਇਕਲੌਤੀ ਬੇਟੀ ਹੈ। ਇੰਸਟਾਗਰਾਮ 'ਤੇ ਮਾਡਲ ਨੇ ਇਕ ਟਾਪਲੈੱਸ ਤਸਵੀਰ ਪਾਈ ਸੀ। ਇਸ ਤਸਵੀਰ 'ਚ ਉਹ ਧੁੱਪ 'ਚ ਬੈਠੀ ਸੀ ਅਤੇ ਨਾਲ ਹੀ ਉਨ੍ਹਾਂ ਦਾ ਕੁੱਤਾ ਵੀ ਸੀ।